Epaitegi batek Leire Diezen aurkako auzia ireki du, ustezko influentzia-trafikoagatik
PSOEko militante ohiak UCOri buruz hitz egiten duen audioen berri izan ondoren, Guardia Zibilaren elkarte batek haren aurkako salaketa jarri du eta bertan beste delitu batzuk ere aipatzen ditu, hala nola, eroskeria eta justizia oztopatzea.
Madrilgo 2 zenbakidun Instrukzio Epaitegiak eginbideak ireki ditu Leire Diez PSOEko militante ohiaren aurka, ustezko influentzia-trafiko delituagatik.
Guardia Zibilaren ofizialordeen elkarteak (ASESGC) salaketa jarri zuen Diezen aurka, honek UCOko edo Fiskaltzako kideei buruzko informazioaren truke mesedeak eskaintzen zituen audio batzuk argitara eman ondoren. Salaketa horren ondorioz zabaldu da auzia.
Epaitegiak Delitu Ekonomikoen Fiskaltzari helarazi dio salaketa, txostena egin dezan. Iturri juridikoek adierazi dutenez, ez dute baztertzen beste delitu batzuk leporatzea eginbideen ondoren, salatzaileak eroskeria eta justizia oztopatzea ere aipatzen baititu.
ASESGCren salaketa beste hiru pertsonaren aurkakoa ere bada: Jacobo Teijelo, Santos Cerdanen abokatua, eta Javier Perez Dolset eta Alejandro Hamlyn, iruzur delituagatik Auzitegi Nazionalean ikertzen ari diren hainbat kasutan inplikatutako enpresariak.
Elkartearen esanetan, Antonio Balas teniente koronelaren aurkako informazio konprometigarria lortzeko “helburu argiarekin” aritu zen Diez, ustez, "PSOEko karguen izenean".
Era berean, gogorarazi du, informazioaren truke, enpresaburuek prozedura penaletan onurak izatea espero zutela.
Hori horrela, salatuei deklarazioa hartzeko eta Guardia Zibilaren Kriminalistika Zerbitzuak aurkeztutako audioa aztertu dezala eskatu du ASESGCk, "audioaren osotasuna egiaztatzeko eta mozketarik edo gehigarririk ote duen jakiteko”, bai eta ahotsak modu frogagarrian identifikatzeko ere.
Elkarteak adierazi du "Guardia Zibilaren independentzia eta sinesgarritasuna ahultzeko saiakera" geldiaraztea dela salaketaren helburua, baita polizia talde horretako "kide guztien profesionaltasuna" defendatzea ere.
Madrilgo epaitegi batek militante sozialista ohiaren aurkako auzia ireki duen lehena da salaketa hau. Horrez gainera, beste elkarte batzuk, tartean, Hazte Oir eta Manos Limpias, kereilak aurkeztu zituzten, baina epailearen ebazpenaren zain daude momentuz.
Zure interesekoa izan daiteke
Sanchez eta Feijooren bilera astelehen honetan, tentsio handiko une batean eta azken batzarretik hamar hilabetera
Segurtasun eta diplomazia estrategiari buruzko bilera izango da, eta bilera-sortak aurrera jarraituko du asteartean, Sumarrekin eta ERCrekin, eta ostegunean, EH Bildurekin eta EAJrekin.
EH Bilduk "zorrotz" jarraituko du eraitsitako jauregiaren inguruko ikerketa, eta ustelkeria zantzurik egonez gero, ardurak eskatuko ditu
Iker Casanova EH Bilduren Bizkaiko bozeramaileak gogorarazi duenez, koalizioak salatu zuen Fiskaltzaren aurrean Irurak Bat jauregia eraitsi izana. Ikerketa martxan dagoenez, "zuhur" agertu da, baina hori bukatutakoan "zorrotz" arituko direla hitzeman du.
Ansolak berretsi du "irregulartasunik ez" zela izan eraitsitako jauregiaren kasuan, eta zinegotzi jeltzaleen errugabetasun-presuntzioa defendatu du
EAJren BBBko presidentea "harrituta" agertu da Ertzaintzak Getxoko udal bulegoak miatu dituela eta. Ansolak azpimarratu duenez, zinegotziak ez daude ikerketapean, baina EAJk "erabakiak hartuko lituzke" irregulartasunen bat edo etikoki portaera txarren bat ikusiko balu.
Lander Martinez: "Yolanda Diaz da gure aktiborik onena, eta bera izan da beti gure apustua"
Sumarreko euskal diputatuak adierazi du "mimoz" ari direla lanean alderdien artean "espazio bateratuak" eta "konfiantzazko espazioak" sortzeko, "maila instituzional bakoitzean boto-paper bakarra" egon dadin.
Elizalde: "Erakundeek eta herritarrek ez digute esker onik adierazi San Frantzisko eliza Martxoak 3 Memorialaren esku uzteagatik"
Gasteizko gotzaina kexu agertu da administrazio alorrean dagoen "moteltasun izugarria" tarteko, eta biktimen elkarteekin "tentsioa" dagoela aitortu, eta horrek "patronatu lasaia" edukitzea zailtzen duela erantsi du. Hala ere, "hainbeste urteren ostean" proiektu bat egotea positibotzat jo du, eta garrantzia kendu dio Memorialak 1976ko sarraskiaren urteurrenerako ateak ez irekitzeari.
Eskualdatzeke dauden transferentziak: zeintzuk dira eta zertan dira negoziazioak?
Ostiral honetan gauzatu diren bost eskualdaketez harago, Autonomia Estatutuak aitortutako beste 15 transferentzia falta ditu EAEk. Eskumenen nahas-mahasean ez galtzeko, honatx egin gabekoen zerrenda gaurkotua.
EH Bilduk “subiranotasunean jauzi bat" emateko beharra azpimarratu du
Gernikako Estatutua zaharkituta geratu dela dio Euskal Herria Bilduk, edukirik barik. Horregatik, subiranotasunean jauzi bat eman behar dela esan du Pello Otxandianok.
Estatutua betetzeko eskatu dio EAJk Espainiako Gobernuari: "Kitatu beharreko zorra da"
Maitane Ipiñazar EAJko Euzkadi Buru Batzarreko idazkariak "negoziatzeko modua aldatzeko" deia egin dio Espainiako Gobernuari, "ez delako egokia", eta negoziazio "ordenatuagoa" egitearen alde egin du.
Ubarretxena: "Urte luzetan itxita egon den Gizarte Segurantzaren atean zirrikitu bat zabaldu dugu etorkizunari begira"
Eusko Jaurlaritzako Gobernantza, Administrazio Digital eta Autogobernu sailburua "lasaiago" agertu da iaz adostutako bost eskumenak transferituta, eta gainerakoak negoziatzen jarraituko dutela azpimarratu du. Ez du uste Sanchezen gobernuarekin itxiko dituzten azken eskumenak izango direnik; nolanahi ere, "kezka" azaldu du balizko gobernu aldaketa batek negoziazioa zailduko lukeelako, batez ere tartean eskuin-muturra egonda.
Sumar atzean utzi eta PSOEtik aldendutako koalizio berri bat bultzatzeko deia egin du IUk
Yolanda Diaz kide duen Sumar Mugimendua alderdiak adierazi du garrantzitsuena ez direla izenak edo taldeak, "benetako funtsa" gobernatzen jarraitu ahal izatea baita.