Madrilgo Torrejon Ospitaleko kudeatzaileak dimititu egin du, itxaron-zerrendei buruzko audioen ondorioz

Pablo Gallart Ribera osasun-taldeko kontseilari delegatuak Torrejon de Ardozeko Ospitaleko (Madril) kudeatzaile kargua utzi du. El Paisek audio batzuk kaleratu zituen, Ribera, enpresaren onurak handitzeko, kudeaketa pribatuko ospitale publiko horretako itxaron-zerrendak handitzeko eskatzen ari zela.

Riberak berak ohar batean adierazi duenez, kargua utzi du Gallart ospitalearen "kudeaketa-taldearen ezaugarri izan diren balioak eta etika bermatzeko".

Auditoretza sakona egiten ari direla jakinarazi dute, "pazienteen arretan, etika profesionalean eta legean kalitate-estandarrak bete direla bermatzeko".

Gallerten audioak argitaratu ostean, Madrilgo eta Estatuko ezkerreko alderdiek PPk bultzatutako osasun-eredua kritikatu dute, eta Isabel Diaz Ayusoren gobernuaren jarrera salatu dute.

Ribera taldeak, bestalde, azpimarratu du "osasun sistema publikoarekin duen konpromisoari eusten diola, pazienteari ahalik eta arreta onena ematen jarraitzeko".