Jose Angel Gonzalez, Alonsotegiko Aldana tabernako jabea hil da, 89 urterekin
Jose Angel Gonzalez, Alonsotegiko Aldana tabernako jabea hil da bart, 89 urterekin. Duela ia 46 urte, 1980ko urtarrilaren 20an eskuin muturreko Grupos Armados Españoles (GAE) taldeak 6 kilo Goma-2 zeramatzan bonba bat leherrarazi zuen tabernako atean, eta taberna barruan zeuden 15 lagunetatik lau hil ziren: Liborio Arana Gomez (54 urte), Pacifico Fika Zuloaga (39), Maria Paz Armiño (38) eta Manuel Santacoloma Velasco (57).
Bonba tabernako atean kokatua zegoen eta zartako ikaragarriaren ondorioz, eraikinaren zati handi bat behera erori zen eta eraitsi egin behar izan zuten gerora zutik gelditu zen zatia.
Aldana tabernan ideologia abertzaleko bezeroak egon ohi ziren eta mehatxuak behin baino gehiagotan jaso izan zituen Gonzalezek. Harik eta mehatxua bete eta eraso egin zuten arte.
GAEk bere gain hartu zuen atentatua eta Jose Amedok (Estatu Terrorismoagatik zigortutako polizia-ohia) hartu zuen ikerketaren ardura. Baina, gertakariak ez dira argitu, ez eta arduradunak epaitu ere.
EITBk atentatuari buruz egindako dokumentala 'Aldana 1980. Isiltasun eztanda' Nahieran plataforman dago ikusgai.
Zure interesekoa izan daiteke
Negoziatzen ari diren transferentzien inguruko proposamen berriak jaso ditu Jaurlaritzak: Gizarte Segurantza eta portuak
Bi aldeek adostutakoaren arabera, akordioak abuztua baino lehen itxita beharko luke. "Hori da gure epemuga, eta epemuga horrekin lanean ari gara", adierazi du aste honetan Maria Ubarretxena Gasteizko Gobernuko bozeramaileak.
Bingen Zupiria: "Inola ere ez da gure politika inmigrazioa eta segurtasuna nahastea"
Bingen Zupiria Eusko Jaurlaritzako Segurtasun sailburuak nabarmendu du bere Sailaren politika “ez dela inola ere immigrazioa eta segurtasuna nahastea”, Arartekoaren azken agiriaren harira. Horrekin batera, adierazi du euskal gizarteak “eskatzen duela legeak eta arauak betetzen ez dituenarekin, izan kanpokoa edo izan hemengoa, gogorrak izatea”. ‘Basque Segurtasun Foroa: Segurtasun Integrala eta komunitatea’ udako ikastaroaren itxieran egin ditu adierazpenak.
12 urtean pantaila handirik ez duela jarri argudiatu du Aburtok eta Etxeberriak finala Plaza Berrian ikusteko gonbita egin du
Juan Mari Aburto Bilboko alkateak azaldu duenez, Munduko Futbol Txapelketako finala ikusteko pantaila erraldoiak jartzeko eskaera bakarra jaso du Udalak, PPrena, eta onartu egin du. Gasteizko Udalak Plaza Berrian pantaila erraldoia jarriko du eta Maider Etxebarria alkatea Espainiako kamiseta jantzita agertu da kazetarien aurrera eta igandean Plaza Berrira joateko deia egin du.
EAJk eta EH Bilduk Euskal Herriaren eta Estatuaren arteko harreman politiko berri bat aldarrikatu dute adierazpen bateratu batean
Ekimena Foruen abolizioaren 150. urteurrenarekin eta Bergarako Alkate Mugimenduaren 50. urteurrenarekin bat dator; bi efemerideak igande honetan gogoratuko dituzte.
Giza Eskubideen Behatokiaren txosten batek Estatuko aparatuak lotu ditu Perturren desagerpenarekin
40 orrialdeko txosten baten bidez, ondorioztatzen du Perturren desagerpena Estatuko aparatu polizial edo parapolizialen operazio baten ondorio izan zela, eta haren ingurune politikotik etorritako lankidetza batek erraztu zuela.
Eusko Jaurlaritzak gaur espero du Espainiako Gobernuaren transferentzien inguruko proposamen berriak jasotzea
Gizarte Segurantzaren eskumen batzuk eta interes orokorreko portuen transferentzien inguruan negoziatzen jarraitzen dute, eta behin proposamena jasota erabakiko du Jaurlaritzak abuztua aurretik egin beharreko Bitariko Batzordearen bilerara bilerara agertuko den ala ez.
Albiste izango dira: Transferentzien inguruko proposamen berria, Pasai Antxoko geltokiaren inaugurazioa eta Trumpek nazioari eskainitako hitzaldia
Gaurkoan Orain-en albiste izango direnen laburpena, bi hitzetan.
Zeintzuk dira hurrengo urratsak? Epaiak ez du ekarriko Puigdemonti amnistia berehala ezartzea
Carles Puigdemont presidente ohia eta Toni Comin zein Lluis Puig kontseilari ohiak atxilotzeko aginduek indarrean jarraitzen dute. Europako epaia gorabehera, Espainiako Justiziak kasua aztertzeko eta ebazteko ardura du orain.
Madrilgo Auzitegiak berretsi egin du herri-epaimahai batek epaituko duela Begoña Gomez, eta kautelazko neurriak kendu dizkio
Ihes egiteko arriskurik ez dagoela iritzita kendu dizkio aurretik ezarritako kautelazko neurriak, hau da, Espainiatik irteteko debekua, pasaportea entregatzea eta 15 egunean behin agintaritza judizialaren aurrean sinatzeko betebeharra. Hala ere, lokalizatuta egon beharko du une oro.
Lehendakaria harremanetan jarri da Puigdemontekin eta adierazi du president ohia itzultzeko garaia dela
EAJk auzitegiei eskatu die "legea behingoz aplikatzeko", eta EH Bilduk azpimarratu du gatazka politikoak ez direla "auzitegietan konpontzen, ezta errepresioaren bidez ere".