Bertan behera geratu da adin-txikiko migratzaileen lekualdatzeak aztertzeko Konferentzia Sektoriala, PPk planto egin ondotik
Alderdi Popularraren esku dauden hainbat erkidegotako ordezkariek dagoeneko iragarria zuten ez zirela gaurko bilerara joango, banaketa sistemarekin ados ez daudela argudiatuta. Espainiako Gobernuaren arabera, Nafarroak 118 haur eta nerabe jaso beharko ditu, eta EAEk, bat ere ez.
Espero zen eta hala gertatu da. Aurreratu bezela, PPk gobernatutako erkidegoek uko egin diote Haur eta Nerabeen Konferentzia Sektorialean parte hartzeari, argudiatuz ez daudela ados banaketa sistemarekin. Hitzorduan 3.000 adin txikiko migratzaileen lekualdatzeak ziren aztertzekoak.
09:30ean zen bilera hastekoa, baina, azkenean, ez da egin, Espainiako Gobernuak quorumik ez dagoela egiaztatu baitu. Hala, Angel Victor Torres Lurralde Politikako ministroak salatu du PPk gobernatzen dituen erkidegoek galarazi egin dutela sektoreko batzarra egitea, eta ohartarazi du erabaki horrekin ez diotela Espainiako Gobernuari "huts egiten" Kanariar uharteei baizik, eta bertan daude adin-txikikoei. "Jarrera horrek Gorenari bermea eskatzera behartzen gaitu", gaineratu du.
Gaurko hitzorduaren helburua zen Kanarietatik, Ceutatik eta Melillatik beste lurralde batzuetara bakarrik iritsitako 3.000 adingabe migratzaileen lekualdatzea aztertzea. Espainiako Gobernuak dagoeneko zehaztu zuen erkidego bakoitzak zenbat adin txikiko hartu beharko lituzkeen. Nafarroak 118 haur eta nerabe, eta, Euskal Autonomia Erkidegoaren kasuan, ez lukete inor hartu beharko, Pedro Sanchezen gobernuak aurrez egindako ahaleginak hartu dituelako kontuan.
Alderdi Popularraren esku dauden hainbat erkidegotako ordezkariek dagoeneko iragarria zuten ez zirela gaurko bilerara joango, eta helegitea ere aurkeztu dute Auzitegi Konstituzionalean birkokatzeko mekanismo hori sortu zuen errege lege-dekretuaren aurka.
Ana Davila Madrilgo Erkidegoko Gizarte Gaietako kontseilariak azaldu duenez, bilerara ez joatea erabaki dute "Konstituzioaren aurkako banaketa anker baten konplize ez izateko". Esan duenez, "adingabeak ezin dira salgaiak balira bezala banatu", eta banaketa erkidego batetik bestera "desberdina" dela ere kritikatu du. Madrilgo Erkidegoa izango litzateke adingabe gehien hartuko lituzkeen bigarren erkidegoa, 647 guztira.
Politikari buruzko albiste gehiago
Montorok jakinarazi du PPko afiliatua izateari utziko diola, epaile batek inputatu eta biharamunean
PPren Eskubide eta Bermeen Batzordeak atzo erabaki zuen auzi honekin lotutako informazio prozedura bat irekitzea. Alderdiko Eskubide eta Bermeen Batzordeak auzi honekin lotutako informazio prozedura bat abiatzea erabaki zuen bart, baina, iragarpen honekin, prozedura bertan behera geratu da.
Jaurlaritza "oso kezkatuta", udaletan euskara lehenesten duten hainbat artikulu baliogabetu ondoren
Maria Ubarretxena bozeramailearen arabera, Eusko Jaurlaritza gehien kezkatzen duena "erabaki politikoak judizializatzen hastea" da, bereziki, euskararen alorrean. Halaber, iruditzen zaio "apurtu" egin dela euskararekiko alderdi politiko ezberdinen artean zegoen nolabaiteko "itun soziala".
Jaurlaritzak kezkaz hartu du Gorenak euskarari buruz emandako epaia,“erabaki politikoak judizializatzen hastea”
Auzitegi Gorenak EAEko udal legearen dekretutik hainbat artikulu baliogabetzea berretsi eta biharamunean, Maria Ubarretxena Eusko Jaurlaritzako bozeramaile eta Gobernantza, Administrazio Digital eta Autogobernurako sailburuak kezka adierazi du. "Kezka sorrarazten diguna da erabaki politikoak judizializatzen hastea", nabarmendu du.
Fiskaltzak 3 urte eta 9 hilabeteko kartzela-zigorra eskatu du Ayusoren bikotekidearentzat, iruzur fiskalagatik
Maiatzaren 29an, Alberto González Amador ikertzen ari den epaileak auzipetu egin zuen, 350.951 euroko iruzur fiskala eta dokumentuak faltsutzea egotzita.
Cristobal Montoro Ogasun ministro ohia ikertzen ari dira, "ordainketa esanguratsuen" truke gas konpainiei mesede egiteagatik
Air Liquide, Abello, Messer, Praxair eta Sociedad Española de Carburos Metalicos gas enpresak ere ikerketapean daude. Epailearen arabera, "onartu egin zuten" Equipo Economico sozietateari "ordaintzea" zergetan erreformak lortzeko.
Sanchezek migrazio "seguru, arautu eta ordenatua" aldarrikatu du Mauritanian, Torre Pachecoko olatu arrazistaren aurrean
"Gaur egun, Espainiaren aurrerabideak eta egoera ekonomiko onak asko zor diote bizitza proiektu bat garatzera etorri den migrazioaren ekarpenari", aitortu du Espainiako gobernuburuak.
Kongresuak Gorenari jakinarazi dio 750.000 eurotik gora ordaindu zizkiola Abalosi, soldata eta dieta artean
'Koldo auziko' instrukzio epaileak egindako errekerimenduari erantzun dio horrela Diputatuen Kongresuak. Izan ere, Leopoldo Puente magistratuaren arabera, buruzagi sozialistaren kontu korronteetako zifrak ez zetozen bat Ogasunak emandako informazioarekin.
Mikel Torresek uste du Sanchezek borondatea duela Diazen Ministerioak kudeatutako transferentzietan oztopoak gainditzeko
Lehendakariorde eta Ekonomia, Lan eta Enplegu sailburuaren arabera, Lan Ministerioaren egungo kudeaketak konpondu beharreko erronkak ditu aurretik, baina atzo Bitariko Batzordean lortutako akordioek etorkizunerako "ate garrantzitsuak" irekitzen dituela iritzi dio.
Epaitegi batek Leire Diezen aurkako auzia ireki du, ustezko influentzia-trafikoagatik
PSOEko militante ohiak UCOri buruz hitz egiten duen audioen berri izan ondoren, Guardia Zibilaren elkarte batek haren aurkako salaketa jarri du eta bertan beste delitu batzuk ere aipatzen ditu, hala nola, eroskeria eta justizia oztopatzea.