Garbitu dituzte larunbatean Hernanin Ertzaintzaren eta Bingen Zupiriaren aurka agertutako pintadak
Larunbatean agertutako pintaketak gaitzetsi dituzte ordezkari politikoek eta sindikatuek.
Xabier Lertxundi Hernaniko alkateak larunbatean iragarri bezala, Ertzaintzaren eta Bingen Zupiria Segurtasun sailburuaren aurka Hernaniko frontoian larunbatean agertutako mehatxuzko pintadak garbitu dituzte dagoeneko.
Iñigo Ansola EAJren BBBko presidenteak gogor gaitzetsi ditu pintaketak, eta EH Bilduri zuzendu zaio esanez badela "garaia Bilduk behingoz esateko Ertzaintza hau demokratikoa dela".
Suma Mugimenduak pintaketak "ñabardurarik gabe" gaitzetsi ditu eta "mehatxuek eta indarkeriak gizarte demokratiko batean lekurik ez" dutela adierazi du. "Gure gizartean ezin da inolako indarkeriarik onartu", esan dute.
Erne Polizia-sindikatuak "erabateko" gaitzespena adierazi du igande honetan argitaratutak ohar batean. Sindikatuaren ustez "gizarte demokratiko batean ez dago justifikaziorik, ezta aitzakiarik ere, indarkeria, larderia edo hitzezko erasorako", adierazi du Ernek, eta Segurtasun Sailak Hernaniko pintaden egiletza "berehala eta zorrotz" ikertzea eskatu du: "Erantzuleak identifikatu, auzipetu eta zigortu egin behar dira", adierazi du.
Era berean, sindikatuak alderdi guztiei,"salbuespenik gabe" alderdi "guztiei" eskatu die "argi" hitz egin dezaten "euskal gizarteari ikasi dugula erakusteko".
Esan sindikatuak, bestalde, Ertzaintzaren "kriminalizazio saiakera" kritikatu du. EH Bilduri eta Sorturi ohartarazi die ez dutela "akusazio bakar bat ere onartuko erantzunik gabe", eta ez dutela onartuko "ertzain bakar bat ere seinalatzea".
Zure interesekoa izan daiteke
Pradalesek Agirreren ondarea aldarrikatu du haren heriotzaren urteurrenean: "Bake gizona, letra larriz"
Lehendakariak Jose Antonio Agirre ekarri du gogora, haren heriotzaren 66. urteurrenean, eta haren balioek nazioarteko egungo testuinguruan duten indarra azpimarratu du.
Abian da udal hauteskundeen bigarren itzulia Ipar Euskal Herriko 11 herritan
Baionan eta Biarritzen aliantzak lortu dituzte aste honetan bigarren itzulirako txartela lortu duten zerrendetako batzuek. Kanbon, Donibane Lohizunen, Hendaian, Urruñan, Maulen, Bokalen, Beskoitzen eta Azkainen, ordea, ez dute adostasunik lortu, eta hautagaitza bakoitzak bere bidea egingo du.
Ione Belarrak "zitala" deitu dio Josu Jon Imazi
Irango gerraren harira, deigarria izan da gaur Ione Belarra Podemoseko idazkari nagusiak Josu Jon Imaz Repsoleko kontseilari delegatuaren kontra erabili dituen hitzak: "Gerra hau Josu Jon Imazek ordaindu dezala, zitalki joan zen-eta Donald Trumpengana".
PSNko zinegotzi batek eraman du Korrikako lekukoa Milagron, eta ikusleen artean Santos Cerdan izan da
Erriberan ibili da larunbat honetan Korrika eta Milagron, PSNko zinegotzi sozialista batek eraman du lekukoa Udalaren izenean (UPNk eta PSNk osatzen dute udalbatza). Euskadin ez bezala, alderdi sozialista normaltasunez ari da Korrikan parte hartzen Nafarroan. Milagro, bestalde, Santos Cerdan PSOEren antolakuntzako idazkari ohiaren herria da eta ETBk jaso duenez, terraza batean harrapatu du Korrika. Handik, irribarretsu agurtu ditu korrikalariak.
ETAk hil zuen Juan Priede Orioko zinegotzi sozialista gogoratu dute
Jose Ignacio Asensiok esan du apartheid politikoa gauzatzea ekidin zutela Priede bezalako pertsonek. Urte gogor haietan askatasunaren alde pauso bat eman zutela nabarmendu du, eta haien memoria politikoki ez erabiltzeko eskatu dio eskuinari eta ultraeskuinari.
Soledad Iparragirre ETAko buruzagi ohiari erdi-askatasuna eman diote, eta espetxetik atera ahalko da astelehenetik ostiralera
Espetxe-araudiaren 100.2 artikulua aplikatu zaio, eta, hala, lanegunetan Martuteneko kartzelatik atera ahalko da, lo egitera itzuli beharko bada ere.
Lehendakariaren dekalogoa energia krisiari aurre egiteko neurrien artean jaso izana ondo hartu du Eusko Jaurlaritzak
Familiek eta euskal industriak faktura elektrikoa murrizteko lagungarria izango dela uste du Jaurlaritzak, baina faltan botatzen du azken urte honetan shock bikoitza (muga-zergek eta erregaien garestitzeak eragindakoa) jasan duten industria-enpresentzat neurriak hartzea.
EAJ "pozik" dago krisiaren aurkako neurriekin, baina "ez da nahikoa", EH Bilduren ustez
Jeltzaleen arabera, neurri horiek "elektrizitatearen eta erregaien azken prezioa familientzat eta autonomoentzat eskuragarriagoa izaten lagunduko dute". Koalizio abertzaleak positibotzat jo du Sanchezi helarazitako hiru proposamen jaso izana, baina neurriek energia eta petrolio enpresa handien irabaziak handituko dituztela kritikatu du. Bestalde, PPk ez du bere babesa ziurtatu, eta Podemosek esan du krisiaren aurkako plana ez dela eraginkorra.
Espainiako Gobernuak elektrizitatearen, gasaren, gasolinaren eta gasolioaren BEZa % 10era jaitsi du
Ezohiko Ministroen Kontseiluak Ekialde Hurbileko gerraren ondorioak arintzeko lehen neurri sorta bat onartu du gaur. Neurri horiek 5.000 milioi euro mobilizatuko dituzte. Sanchezen arabera, "ez du eragotziko legez kanpoko gerra honen ondorioak Espainiara iristea, baina bai eramangarriagoak izatea".
Apirileko itzalaldi elektrikoa "hainbat faktorek" eragin zuten, Europako adituen arabera
Txostenak ondorioztatu du "oso azkar hedatu" zela Espainiako hegoaldean izandako "arazo lokal bat". Horrek gaintentsioagatiko deskonexio orokorrak eragin zituen, eta, azkenik, sistema iberikoa Europako gainerako lurraldeetatik bereizi zen.