Gorenak ez du onartu Koldo Garciak bere audioak argitaratzea debekatzeko egindako eskaria
Instrukzioko epaileak adierazi du ez duela eskumenik kautelazko neurri horiek hartzeko, eta auzipetuari gogorarazi dio horixe bera adierazi zuela Santos Cerdanek audioak oso-osorik ateratzeko eskaera egin zuenean. Audioak hiru telefono mugikorretan eta grabagailu batean aurkitu zituzten, Garciaren etxean, eta, atera ondoren, aldeei entregatu zaizkie.
Koldo Garcia, artxiboko irudi batean. Argazkia: EITB.
‘Koldo auzia’ ikertzen ari den Auzitegi Goreneko instrukzio-epaile Leopoldo Puentek ez du onartu Koldoren Garciaren etxea miatu zutenean aurkitutako audioak argitaratzea debekatu zezala auzipetuak egin zuen eskaera.
Audio horiek hiru telefono mugikorretan eta grabagailu batean aurkitu zituzten, eta prozesuan inplikatutako aldeei eman zizkieten, uztailaren 23an eta 24an gailuetatik atera eta prestatu ondoren. 22.000 mezu baino gehiago dira.
Auziaren instrukzio-aldiarekin lotura zuzenik ez dutela eta izaera pertsonal eta intimokoak direla argudiatuta, Garciak eskatu zuen audioak zabaltzea galaraztea, batik bat komunikabideei zuzenduta. Defentsaren iritzian, “bere inguru intimoarekin lotutako" ahots-oharrak zabaltzea “intimitate pertsonalerako oinarrizko eskubidean oso modu larrian urratzea” da.
Instruktoreak adierazi du ez duela eskumenik kautelazko neurri horiek hartzeko, eta Garciak eskaera egin dezakeela horretarako eskumena duen organoan.
Halaber, azaldu du audio guztiak atera eta kausarako prestatzeko erabakia hartu zela PSOEko Antolakuntza idazkari ohi Santos Cerdanek eskatuta, haren defentsa osoki artikulatzeko asmoz. Eta Garciari gogorarazi dio, halaber, alderdiei erabakiaren berri eman zitzaienean bere defentsak bat egin zuela eskaera horrekin.
Epailearen iritziz, “deitoragarria” da auzi honen instrukzio-fasean egindako jarduketen zati handi bat komukabideetara filtratu izana. Hala ere, gehitu du ez dagokiola berari filtrazio horiek legez kanpokoak ote diren ikertzea.
Grabazio horiek Guardia Zibilaren Unitate Zentral Operatiboaren txostenean jasota daude. Izan ere, epaileak horien ondorioz sartu zuen Santos Cerdan behin-behinean espetxean joan den ekainaren 30ean, obra publikoak esleitzeko sare ustelaren buruzagitzat jo baitzuen.
Zure interesekoa izan daiteke
Pradalesek gehiengo sindikala hartuko du gaur, gutxieneko soldataren negoziazioa eta Osakidetzaren gatazka mahai gainean direla
11:00etan Garbiñe Aranburu LABeko idazkari nagusiarekin bilduko da, eta 12:30ean, Mikel Lakuntzarekin (ELA). Sindikatu abertzaleak Jaurlaritzarekin oso kritiko mintzatu dira, eta Confebasken menera aritzea leporatu diote.
Lehen sektoreari eta Arabako Errioxari babesa agertu diete alderdiek
EH Bilduk sektorearen eta erakundeen artean "partekatutako" estrategia baten alde egin du. PSE-EEren aburuz, "Arabako Errioxa klima aldaketaren aurrean babesteko fronte bat" eratu behar da. PPk uste du landa eremua "abandonatuta" dagoela, eta egoera aldatzeko ekimenak agindu ditu.
Faxismoaren aurkako manifestazio jendetsua Donostian
Ernaik 4.000 lagun bildu ditu Gipuzkoako hiriburuan 'Euskal Herria irabaztera' lelopean. Kontxako banderaren bigarren jardunaldiaren amaierarekin bat egin du protestak.
Rego ministroak erantzukizuna eskatu die autonomia erkidegoei adingabe migratzaileak Ceutatik penintsulara eramateko
Gazteria eta Haurtzaro ministroak azaldu duenez, 2.100 haur migratzaile daude hirian. Asko "oso egoera gogorretatik" ihesean iritsi dira bertara, besteak beste, "sexu-indarkeriatik edo derrigorrezko ezkontzetatik".
Manifestazioa Itsasun, Iparretarrak taldeko kide baten omenezko murala ezabatzeko aginduaren kontra
Frantziako Gobernuko ordezkariak Iparretarrak talde armatuko kide ohi baten murala ezabatzeko agindua eman ostean, gaur Itsasun, Lapurdin, ehunka lagun kalera atera dira erabaki hori gogor kritikatzeko. Ez dago argi Udalak noiz ezabatuko duen Txomin Olhagaray Iparretarrak taldeko kidea irudikatzen duen margoa. Manifestariek adierazi dute artelan bat baino ez dela eta noizbait liburuak ere erreko ote dituzten galdetu dute.
Irene Monterok primario ireki batzuetara aurkeztuko du bere burua Podemosen hautagaia izateko hauteskunde orokorretan
Ministro ohiak ezker alternatiboa gidatu nahi du, Sumar, IU, Mas Madrid eta Comunsek osatutako koalizioak oraindik hautagairik ez duen testuinguruan.
Javier de Andres Euskadiko PPko presidenteak Eusko Jaurlaritzaren espetxe politika kritikatu du
Euskadiko PPko presidente Javier de Andresek Alderdi Popularreko Belaunaldi Berriek antolatutako jardunaldi baten amaieran parte hartu du larunbat honetan, Bilbon. Bertan, Eusko Jaurlaritzaren espetxe politika kritikatu du, eta Henri Parot ETAko buruzagi ohiari hirugarren gradua eman izana aurpegiratu dio.
Eneko Andueza, PSE-EE: "Goazen lehentasun sozialetara"
Euskadiko sozialisten burua Abantoko Burdin Jaian egon da, eta adierazpenak egin ditu bertan bildutako kazetarien aurrean. Lehentasun identitarioen gainetik, bere alderdiak lehentasun sozialak lehenetsiko dituela azaldu du.
Tropa frankistek Errenteria okupatu zutela 90 urte bete direla eta, ekitaldia egin du Udalak
1936ko irailaren 13an sartu ziren indarrez Beorlegi koronelaren tropak. Gertakariok eta ondoren jazotako sarraskia gogoan, lore eskaintza eta minutu bateko isilunea egin dute gaur, Udalak antolatuta.
Richar Vaquero: "Ezkerraren batasunaren alde lan egiten jarraituko dugu"
Richar Vaquero Podemos Euskadiko koordinatzaile nagusiak larunbat honetan abiatu du alderdiaren Herritarren Kontseilu Autonomikoaren urte politiko berria. Lehenengo bileran adierazi duenez, Podemosek "euskal errealitatea batu, ilusioa piztu eta eraldatzeko gai izango den blokea eraiki" nahi du.