Suteen kudeaketari buruzko polemikak Espainiako urte politiko berriaren hasiera baldintzatuko du
Begoña Gomezen kasua, Leire Diaz PSOEko "iturgina", klima-aldaketari buruzko Estatu ituna, Huaweirekin sinatutako kontratua eta beste batzuk izango dira Kongresuan eta Senatuan urte politikoaren hasiera markatuko duten gaiak.
Azken egunotan Espainiako Estatuan suntsipen handia eragin duten suteen kudeaketaren inguruko polemikak urte politikoaren hasiera baldintzatuko du. Aste honetan ekingo diote urte politikoari Espainian, eta Kongresuan eta Senatuan saioak izango dira, baita Ministroen Kontseilua ere.
Kongresuan, ezohiko bilera egingo du astearte honetan Diputazio Iraunkorrak, PPk suteei buruz eskatutako agerraldiak erabakitzeko, eta beste gai batzuk ere aztertzeko.
Popularrek Pedro Sanchez Espainiako Gobernuko presidentea Kongresura lehenbailehen joatea nahi dute, Begoña Gomez emazteari delitu gehiago egotzi ostean, eta Leire Diaz PSOEko "iturgina"ren ikerketa judizialari buruz hitz egin dezan, besteak beste.
Era berean, Sara Aagesen Espainiako Gobernuko hirugarren presidenteorde eta Trantsizio Ekologikorako ministroaren eta Margarita Robles Defentsa ministroaren agerraldiak eskatu dituzte, Gobernuak suteak izan dituzten autonomia erkidegoei nola lagunduko dien azal dezaten.
Horiez gain, Fernando Grande-Marlaska Barne ministroaren agerraldia eskatuko dute, Huawei enpresa txinatarrari Telekomunikazioen Intertzeptazio Sistema Integratuaren (SITEL) biltegiratzea kudeatzeko kontratua esleitu izanaren inguruko azalpenak eman ditzan. Elma Sainz Inklusio, Gizarte Segurantza eta Migrazioetako ministroak Estatuaren hegoaldeko eta Balearretako "migrazio larrialdiari buruz" hitz egitea ere nahi du PPk; eta Ana Redondo Berdintasun ministroak Gobernuan "nagusi den matxismoaren aurkako neurriak" azaltzeko.
Maria Jesus Montero Espainiako Gobernuko lehen presidenteorde eta Ogasun ministroak ere Kongresuan presazko agerraldia egitea nahi du PPk, Kataluniari zorra kitatzeko hartutako erabakien inguruko xehetasunak eman ditzan.
Eskaera horiek guztiak Kongresuari dagozkio, baina Alberto Nuñez Feijoo buru duen alderdiak Senatuan ere eskatu ditu Sara Aagesen, Margarita Robles, Fernando Grande-Marlaska eta Luis Planas ministroen agerraldiak.
Espainiako Gobernuko presidenteak aurreratu duenez, bere kabinetea bildu baino lehen, klima-aldaketari buruzko ministerioen arteko batzorde bat jarriko da martxan, eta batzorde hori arduratuko da, Trantsizio Ekologikorako hirugarren presidenteorde eta ministroarekin eta Barne Ministerioarekin batera, Sanchezek klima-aldaketari aurre egiteko proposatutako Estatu ituna lantzeaz.
Zure interesekoa izan daiteke
Iruñeko aire-trafikoa "hobetzeko prest" agertu da Espainiako Gobernua
Maria Caballero UPNko senatariak egindako galdera bati erantzunez, Oscar Puente Espainiako Gobernuko Garraio eta Mugikortasun Jasangarriko ministroak Iruñeko aireportuaren egungo eredua defendatu du, aire-trafikoa "hobetu" daitekeela aitortu arren. Haren hitzetan, Iruñekoa da 2018tik bidaiarien kopurua gehien hazi den aireportuetako bat da, % 40.
Abortua Konstituzioan blindatzea onartu du Ministroen Kontseiluak, "dinamika atzerakoien aurrean"
Konstituzioaren erreforma honek hiru bosteneko gehiengoa behar du Kongresuan eta Senatuan, eta, beraz, gobernukideak oposizioko alderdiekin adostasunera iristen saiatu beharko dira.
Urtasun: "Teknikoei entzun behar zaie beti, eta ez dute batere gomendatzen lekualdatzea"
Kultura ministroak Eusko Jaurlaritzak 'Gernika' behin behinean, bonbardaketaren 90. urteurrenagatik, lekualdatzeko eskaerari balioa eman eta errespetua helarazi dio, baina aukera baztertu du. Igotz Lopez EAJko senatariak gogorarazi dio txosten teknikoa eskaera egin eta bi egunera egin zela, eta Madrilgo museoaren bideragarritasuna margolanarekin lotzen zuela.
“Begirada aldaketa” eskatu du Bengoetxeak, “Gernika” “berme guztiekin” lekualdatzeko
Ibone Bengoetxea Eusko Jaurlaritzako lehendakariorde eta Kultura sailburuak adierazi duenez, Eusko Jaurlaritzak ez du oraindik "Gernika" lekuz aldatzeko eskaerari buruzko erantzunik jaso. Eusko Jaurlaritzak Picassoren obra Euskadira kontserbazio "berme guztiekin" eramateko baldintza egokiak ezagutzea baino ez duela eskatzen adierazi du. Bien bitartean, EAJk astearte honetan eramango du eztabaida Senatura, Kultura ministroari azalpenak eskatzeko.
Abalosen semeak ukatu egin du aitaren diru funtsak kudeatu izana: "Nik ez dut klabean hitz egiten; ez aitarekin, ez inorekin ere"
Astearte honetan hasi da garraio ministro ohiaren, haren aholkulari Koldo Garciaren eta Victor de Aldamaren aurkako epaiketa. Pandemiaren garaian, musukoak erosteko lehiaketa publikoen bidez eskupekoak jasotzea leporatuta, 24 urte arteko kartzela zigorrak eskatu ditu Fiskaltzak. Bi astez luzatuko da epaiketa, eta 80 lekukotik gora daude deklaratzera deituta.
Koldo Garciak “tentel” deitu dio Aldamari, eta epaiketa “lehertuko” duten frogak aurkeztuko dituela esan du
Jose Luis Abalosen aholkulari ohiak audio bat bidali du Telecincora, eta bertan adierazi du “erabat errugabeak” direla frogatuko dutela.
Abalos, Koldo Garcia eta Aldamaren aurkako epaiketa hasi da, maskarak iruzurrez erostea egotzita
Fiskaltzak eskatu du ministro ohiari 24 urteko espetxe-zigorra ezartzea; 19 urte, Garciari, eta 7 urte, Aldamari. 70 lekuko baino gehiago agertuko dira Auzitegi Gorenean.
Ikerketa batzordeak bertan behera utzi du Cerdanen emaztearen agerraldia, osasun arazoengatik deklaratzeari uko egin baitio
Erabaki hori gorabehera, txostenak "zalantzak sortu dizkie", batzordeko presidenteak esan duenez, baina "kontuz ibiltzeko moduko gai bat" dela iritzita, deklarazioa bertan behera uztea erabaki dute, bai eta Cerdanen emazteak aurkeztutako agiriari buruzko txosten "juridikoak" eta beste mediku batzuren "osasun txostenak" biltzea ere.
Epaiketa bertan behera uztea eskatu dute Kitchen auziko akusatuen abokatuek, intrukzioan akatsak izan direla argudiatuta
Lehen saioan, aurretiko gaiei helduta, hamar akusatuen abokatuek galdegin dute bertan behera utz dezatela Mariano Rajoyren Gobernuaren garaiko Barne Ministerioaren buruzagitzaren aurkako epaiketa.
PPk kritikatu du "biktimismoan" eta euskal herritarren errealitatetik urrun bizi dela EAJ
Laura Garridok (PP) hedabideen aurrean adierazi duenez, Aberri Egunean "betiko diskurtsoa" izan zuen EAJk. "Jauzi kualitatibo bati buruz hitz egin zuten, eta jauzi horrek euskal herritarrei mesede egingo ote dien galdetu nahi diet, kontuan izanda independentzia ez dagoela euskal herritarren lehen kezken artean", esan du.