Mañuecok "koktel gaizto" bati egotzi dio Gaztela eta Leongo suteen larritasunaren errua
Bien bitartean, kolektiboak eta sindikatuak Gaztela eta Leongo Gorteen atarian bildu dira dimisioak eskatzeko eta operatiboaren baliabide falta salatzeko.
Alfonso Fernandez Mañueco, Gaztela eta Leongo Juntako presidentea. Argazkia: EFE
Alfonso Fernandez Mañueco Gaztela eta Leongo Juntako presidentearen hitzetan, baso-suteak itzaltzeko operatiboak "hasiera-hasieratik" erantzun zuen.
Gaztela eta Leongo Gorteetako ezohiko osoko bilkuran esan duenez, suteen larritasuna muturreko baldintza meteorologikoen "koktel gaizto" baten ondorio da. Erkidego hori astindu duen sute-boladaren kudeaketaren berri emateko deitutako agerraldian egin ditu adierazpen horiek Mañuecok, eta sute horiek gizakiaren ekintzen ondorio ere badirela gaineratu du.
"Eztabaida baretzeko" eta "zaratatik, sinplismotik eta hauteskundeetako kalkulutik ihes egiteko" eskatu du Mañuecok; izan ere, "ez da etekin politikoak bilatzeko unea, suteei aurre egiteko politika eraginkorrak aplikatzeko unea baizik". "Ez da suteen kontura politika egiteko garaia, suteen aurkako politika egitekoa baizik", erantsi du.
Alfonso Fernandez Mañueco, Gaztela eta Leongo Juntako presidentea
Ez da suteen kontura politika egiteko garaia, suteen aurkako politika egitekoa baizik"
Gainera, Mañuecok bere babesa agertu dio Margarita Robles Defentsa ministroari, eta uda honetako egoera larrien aurrean langileen zailtasunak azpimarratzeko egin zituen adierazpenak defendatu ditu. Gainera, gogoan izan ditu suteen ondorioz izandako hildakoak, zaurituak eta kaltetutakoak.
Saioa minutu bateko isilunea eginez hasi da, Gaztela eta Leongo suteetan hil diren hiru pertsonen omenez. Juntaren ingurumen-politikaren inguruko azalpenak eman ditu, eta erantzukizunak eskatu eta aldaketak iragarri.
"Mañueco, Quiñones, dimititu"
Barruan saioa egin duten bitartean, elkarretaratzea egin dute Gaztela eta Leongo Gorteen atarian, gizate taldeek, sindikatuek, auzo elkarteek eta alderdiek deituta.
"Kudeaketa txarra, Quiñones dimititu!" lelopean eta "Mañueco, Quiñones, dimititu" oihukatuz, bertan bildutakoek hiru dimisio eskatu dituzte: Juan Carlos Suarez-Quiñones Ingurumen kontseilariarena, Jose Angel Arranz Ingurune Naturaleko zuzendari nagusiarena eta Alfonso Fernandez Mañueco presidentearena. Suteei aurre egiteko baliabide eta planifikazio faltaren erantzuletzat jo dituzte hirurak.
Protestan irakurritako manifestu batean, bertan bildutakoek salatu dute Juntak ez duela benetako prebentzio-politikarik, eta suari aurre egiteko emandako erantzuna berandu heldu dela eta eskasa izan dela, eta Mañuecoren gobernu autonomikoaren "pribatizazioa, ekintzarik eza eta zabarkeria" ikusita "kanpoko laguntza" behar izan dutela.
Politikari buruzko albiste gehiago
EAJk Getarian bilera egin du, Zarautzen ikasturte politikoari hasiera eman aurretik
Kurtso berriko lehen bilera izan du Jeltzaleen zuzendaritzak. Arratsaldean, berriz, urtero bezala Zarautzen egingo du eusko alderdi jeltzaleak urte politiko berriaren irekiera ekitaldia.
EH Bildu Eusko Jaurlaritzarekin akordioak lortzeko prest dago, politika publikoak "aldatzeko" bada
Arnaldo Otegi koalizioko idazkari nagusiak nabarmendu du EH Bildu akordioak lortzeko borondatearekin joango dela lehendakariak iragarritako bilera-sortara, baina gauzak aldatzeko politika publikoak aldatu behar direla erantsi du. Balizko estatus politiko berriari dagokionez, Otegik adierazi du Espainiak Euskal Herria nazio gisa aitortzea izan behar dela abiapuntua.
Mañuetako alkateak inskripzio frankista bat kentzeari uko egin izana aztertuko du Espainiako Gobernuaren ordezkariak
Francisco Javier Garcia herriko alkateak (PP) esan duenez, "nire borondatez ez dut kenduko", "ez du inor molestatzen" eta "bizitza osoa darama herrian".
Dozenaka baso-suhiltzaile Gaztela eta Leongo Gorteen aurrean bildu dira Mañueco eta Quiñonesen dimisioak eskatzeko
"Mala gestión. ¡Quiñones dimisión!" (Kudeaketa txarra. Quiñones, dimititu!) lelopean, ehunka pertsonak dimisioa emateko eskatu diete Gaztela eta Leongo Juntako presidenteari, Ingurumen sailburuari eta Natura Ondare eta Baso Politikako zuzendari nagusiari.
25 urte bete dira ETAk Manuel Indiano, Zumarragako PPko zinegotzia, hil zuela
Atentatu horren ondorioz, PSE-EEk bere zinegotzi guztiak eskolta eramatera behartu zituen. Zumarragako bost zinegotzi sozialistek, ordea, uko egin zieten euren aktei. Hainbat urtez, Zumarragak ez zuen PSE-EEko eta PPko ordezkaririk izan.
"Eskuin muturrari eta olatu autoritarioari aurre egiteko" elkarlanean aritzeko konpromisoa hartu dute EH Bilduk eta Mas Madrilek
Bi alderdi politikoek bilera bat egin dute Bilbon, Arnaldo Otegi buru duen alderdiak Estatuko egoera politikoa ebaluatzeko egiten ari den bilera-sortaren barruan. Komunikatu bateratu batean, bi alderdiek "positibotzat eta konstruktibotzat" jo dute hitzordua, eta "Espainiako Estatuak bizi duen egoerari eta testuinguru globalari buruzko ikuspegia partekatzeko balio izan duela" zehaztu dute.
Marlaskaren esanetan, autonomiek ez zuten Estatuaren laguntza zalantzan jarri Feijook gehiago eskatu zuen arte
Luis Santamaria PPko senatariari erantzunez, Barne ministroak larrialdien alorreko eskumenak zeintzuk diren gogoratu du, eta PPko kideei "baloiak kanpora" botatzea leporatu die.
Lehendakariaren ustez, Estatukoa baino LGS "handiagoa" lortzeko moduan gaude, gizarte-eragileekin hitzartuta
Lehendakariaren ustez, adostasunerako "jarrera horretan" jarraitu behar da lanean, "oztopoak kenduz", "eragile sozialen aldetik" erresistentziak daudelako eta "gai horiek beti denbora" daramatela eta "landu egin behar direla" uste dutelako.
Pradales: “Moreno Bonillari deitu diot elkartasuna eta laguntza eskatzeko, migratzaile adingabeen % 50 autobusez iristen baitira Andaluziatik”
Lehendakariak azpimarratu du elkartasuna ardatz izanda garatu behar dela migratzaileen kudeaketa. Hala, horri buruz hitz egiteko eta lan egiteko deia egin du, pertsonak baitira eta horien giza eskubideak eta duintasuna bermatu beharra baitago.