Koldo auziari buruz galdetuko diote Chiviteri Senatuan astelehen honetan
Senatuko ikerketa batzordeko 86. agerraldia izango da Nafarroako Gobernuko presidentearena.
Maria Chivite, Nafarroako presidentea
Nafarroako Gobernuko presidente Maria Chivitek agerraldia egingo du astelehen honetan Senatuan, Koldo auziko ikerketa batzordean. Ustez PSN nahasita dagoen ustelkeria kasu horretan duen inplikazioaz galdetuko diote bertan UPN, Vox eta PP alderdietako kideek.
Santos Cerdan PSNko eta PSOEko Antolakuntza idazkari ohiaren inputazioak Koldo auziaren instrukzio judiziala irauli zuen ekainean, ordura arte pandemia garaiko maskara kontratuekin lotutako kontu bat baitzen.
PSNko idazkari nagusi eta foru presidentearen agerraldia Senatuko ikerketa batzordeak jaso duen 86.a izango da.
Cerdan bera izan zen hitza hartu zuen lehenengoetarikoa, 2024ko apirilaren 30ean. Auziarekin loturarik izatea ukatu zuen orduko hartan. Batez ere, kontratu haietan ustezko bitartekari izan zen Koldo Garcíarekin zuen harremanaz galdetu zioten, esan bezala, gai horri helduta abiatu baitzuten auzia.
Nafarroako beste hainbat buruzagi sozialistak ere hitz egin dute agerraldiotan, hala nola Elma Saiz Inklusio ministroak, 2024ko ekainaren 27an; Oscar Chivite Lurralde Kohesiorako kontseilariak, uztailaren 15ean; eta Bernardo Ciriza Lurralde Kohesiorako kontseilari ohi eta PSNko presidenteak, asteartean.
Ziur aski, Belateko tunelak eraikitzeko lanei buruz galdetuko diote Nafarroako presidenteari; izan ere, PPk, UPNk eta Voxek esleipenean gorabeherak izan zirela uste dute, sumario judizialak horrelakorik jaso ez badu ere.
Politikari buruzko albiste gehiago
EAJk esan du saiatuko dela Gipuzkoako aurrekontuak aurrera ateratzen, baina EH Bildurekin akordioa zail ikusten du
Ez dutela itxaropena galduko baina koalizio abertzalearen hitzetan konfiantza handirik ez dutela adierazi dute EAJko ordezkariek. "Orain arteko ekintzek erakutsi dute. EH Bilduk ez, ez eta ez erantzun die Gipuzkoako aurrekontu proposamenei 2015etik gaur arte", zehaztu dute.
Manifestazio jendetsua egin dute Gasteizen, Gazako genozidioaren aurka
Palestinarekin Elkartasuna elkarteak, Israelekin "edozein konplizitate mota duena" kritikatu du igande honetan. "Finantzatzen duena, laguntzen duena, armatzen duena eta negozioa egiten duena ere genozidioaren konplizea da", azpimarratu du elkarteak.
Feijook puntukako bisa bat eskatu du, "gure kultura ondoen ezagutzen duena sartzea lehenesteko"
Migrazioaren inguruan PPk duen bide-orriaren berri eman du popularren buruak Murtzian, eta puntukako txartel moduko bat sortzearen alde egin du, proposamen nagusi gisa.
Aitor Esteban: "Europa indartzeko lanean lagundu nahi dugu, baina, aldi berean, nazio garen aldetik dagokigun lekua eskatzen dugu"
“Aurreko belaunaldien lekukoa hartzeko ordua heldu da, eta, batez ere, bakoitzaren jarrerarekin etorkizuna aldatu ahal dela sinistea: gure kaleen etorkizuna, gure auzoena, beharrean dauden pertsonena, gure hizkuntzarena edo gure herriarena”, esan du EBBko presidenteak.
Autogobernua indartu eta transferitu gabe dauden eskumenen alde lanean jarraitzeko prest agertu da lehendakaria
"Euskal etxeak" duen garrantzia azpimarratu du Imanol Pradalesek, eta diskurtso arriskutsuak ugaritzen ari direla ohartarazi du. "Gaitasun politiko berriak behar ditugu gure autogobernua blindatzeko", esan du.
Aitor Estebanek estatus politiko berria eskatu du, EAJko buru gisa egin duen lehen Alderdi Egunean
Jeltzaleak goizean goizetik izan dira Forondan (Araba), ekitaldi eta ospakizunen artean. Alderdiak autogobernua eta estatus politiko berria izan ditu hizpide.
Maddalen Iriarte: "Politika publiko eraldatzaileak behar dira; bide horretan, EH Bilduren eskua luzatuta egongo da"
Maddalen Iriarte, EH Bilduren Gipuzkoako bozeramailea, EAJk negoziazioetan hartu duen bideaz kezkatuta agertu da. Iriartek politika publiko eraldatzaileak behar direla adierazi du, eta bide horretan EH Bilduk eskua luzatuta izango duela, baita aurrekontuak adosteko elkarrizketetan ere.
Mendiak esan du Estatutua eguneratzera "behartuta" daudela, "erantzukizunagatik"
PSOEko eurodiputatu eta PSE-EEko buruzagi ohiak ohartarazi du "garai zailak" datozela eta "trena pasatzen uztearen edo hartzearen artean" erabaki behar dela. Hori dela eta, Estatutu berri bat adosteko prest agertu da, "gizarteari laguntzea helburu duten oinarrien gainean".
Rodriguez: "Herri hau berriro zutitu behar da bloke neofrankistari ozen esateko ezin izan zutela, ezin dutela eta ezingo dutela"
"Garai zailak bizi ditugu, eta are ilunagoak etor daitezke, baina herri honek eta nazio askapenerako mugimenduak badakite zer den hori. Frankismoari, torturari eta gerra zikinari aurre egiteko gai izan ginen, estrategiaz aldatu eta ziklo politiko berri bat irekitzeko, eta gai izango gara herri hau independentziara eta sozialimora eramateko ere", azpimarratu du Sortuko idazkari nagusiak.