Eusko Jaurlaritzak Gaza berreskuratzeko laguntza-plan bat onartu du
Osasun-arretaz gainera, planak tokiko GKEentzako laguntzak jasotzen ditu, 1,2 milioi euroko aurrekontuarekin.
Gazarako laguntza humanitarioaren artxiboko irudia.
Zerrendan su-etena ezarri ondoren, Gaza Berreskuratzeko Jarduera Programa eta Laguntza Ekonomikoa onartu du Eusko Jaurlaritzak. Planak bi ardatz nagusi ditu: haur gazatarrentzako osasun-arreta EAEko ospitaleetan eta Gazan lan egiten duten erakunde humanitarioentzako laguntza ekonomikoa.
Erabakia Gobernu Kontseiluaren asteko bileran hartu dute, eta ondoren prentsaurrekoa eskaini dute Maria Ubarretxena bozeramaileak, Alberto Martinez Osasun sailburuak eta Nerea Melgosa Ongizate, Gazteria eta Erronka Demografikoko sailburuak.
21 haur artatu dituzte Osakidetzan
Martinezek azaldu duenez, Israelen erasoaldia hasi zenetik Espainiako Estatura iritsi diren 39 haur gazatarretatik, 21 artatu ditu Osakidetzak. Gainera, hilabetearen amaierarako beste bost hau iristea aurreikusten dute.
Gurutzetako eta Donostia ospitaleetan artatutako haurrek lesio traumatologikoak, erredurak, arazo neurologiko eta kardiologikoak edota gaixotasun onkologikoak dituzte. Gehienek kirurgia plastiko, traumatologiko, kardiologiko edo neurokirurgiko tratamenduak behar izan dituzte, eta kasu askok jarraipen luzea eskatzen dute.
Gaur egun, sei haurrek tratamendu aktiboa jarraitzen dute: hiruk onkologian, bik bihotzeko arazoengatik eta batek osasun mentaleko unitatean. Gainerakoek prozesu kronikoen jarraipena jasotzen dute.
Osakidetzak, gainera, haur horien senideei ere arreta eman die: “Batez beste, adingabe bakoitza bi laguntzailerekin iritsi da, eta guztiei arreta anbulatorioa eman zaie”, zehaztu du Martinezek. Ama bat, gainera, Donostia Ospitalean ingresatu behar izan dute.
Egoitza-baimenak luzatzeko eskaera
Haur eta senide horiek egonaldi-bisa mugatuarekin iritsi dira gurera. Hala, Melgosak adierazi du Jaurlaritzak Espainiako Gobernuari epea luzatzeko eskatuko diola, Ukrainako errefuxiatuekin erabilitako formula bera baliatuz. “Helburua da pertsona horiek sendatzeaz arduratu daitezen, ez paperengatik kezkatu”, nabarmendu du Melgosak.
1,2 milioi euroko laguntza ekonomikoa
Planak 600.000 euro bideratuko ditu UNICEFentzat, Gazako haurren nutrizioa eta klinika mugikorren gastuak finantzatzeko; eta 250.000 euro UNRWAri, haur eta gazteen garapenean oinarritutako proiektuetarako.
Bestalde, Hezkuntza eta Lanbide Heziketa sailak “korridore akademiko” bat zabalduko du euskal unibertsitateekin eta LH ikastetxeekin elkarlanean, gazatar ikasleak hartzeko eta prestatzeko.
Proiektu horrek 350.000 euroko aurrekontua du eta 20 plaza eskainiko ditu hasiera batean. Ekimenak ostatua, tutoretza akademikoa, ikasketa-baliozkotze arina eta gaztelaniaren irakaskuntza aurreikusten ditu, beste neurri batzuen artean.
Gainera, 800.000 euroko funts berezia aurreikusi dute Gazan bertan lanean ari diren GKEentzako, premia bereziei erantzuteko.
Zure interesekoa izan daiteke
EH Bilduk "irmoki" gaitzetsi du Gasteizen agertutako pankarta, eta Bilboko EH Bilduk ere PPren egoitzako erasoa arbuiatu du
Koalizio subiranistaren iritziz, "kritika politikoa termino politiko eta dialektikoetan soilik" adierazi behar da, eta Euskal Herriko eragile politiko eta sozial guztiei "erantzukizunez jokatzeko" deia egin die.
Eusko Legebiltzarrak tramitera onartu du zezen-ikuskizunen inguruko lege-proposamena
Hortaz, EAJk eta PSE-EEk aurkeztutako lege-proposamenak bidea egingo du Eusko Legebiltzarrean. Jeltzaleen eta sozialisten testua babestu dute PPk eta Voxek, EH Bildu abstenitu egin da eta Sumarrek kontra bozkatu du.
Giza Eskubideen Europako Auzitegiak Frantzia zigortu du Ibon Fernandez Iradi presoaren esklerosia ondo ez tratatzeagatik
Epaian, Europako epaileek nabarmendu dutenez gaixotasunerako zaintza egokiak eskaini ez izanak, espetxean mantentzeko baldintza zena, Giza Eskubideen Europako Hitzarmenean tratu ankerrak eta umiliagarriak debekatzen dituen artikulua urratzen du.
Pradalesek "irmoki" gaitzetsi ditu PSE-EEren aurkako kartelak eta PPren egoitzaren aurkako erasoa
"Ez da onargarria mundua ikusteko moduak inposatzea. Ez da onargarria, eta ez dugu onartzen", esan du lehendakariak X sare sozialean.
Madrilgo Torrejon Ospitaleko kudeatzaileak dimititu egin du, itxaron-zerrendei buruzko audioen ondorioz
Ribera osasun-taldeak jakinarazi duenez, auditoria sakon bat egiten ari dira "bermatzeko pazienteen arretan, etika profesionalean eta legean kalitate-estandarrak bete egin direla".
Ospitale publikoen kudeaketa pribatuak beste arrakala bat urratu du Madrilgo Erkidegoko eta Espainiako gobernuen artean
Torrejongo Ospitalea kudeatzen duen Ribera taldeko CEOaren grabazio bat filtratu da, eta berehala piztu da polemika. Espainiako Gobernuko presidenteak eta hainbat kidek osasuna "negozio" bihurtzea leporatu diote Madrilgo Erkidegoari, eta Madrilgo Gobernuak dio ez duela arau-hausterik antzeman.
ETAren biktimen omenez jarritako hiru plaka margotu dituzte, Durangon
Joan den astean jarri zituzten plaka oroigarriak, gobernu-taldeak (EAJk eta PSE-EEk) PPrekin akordioa lortu ostean.
Bederatzi pertsona ikerketapean Donostian Ernaik euskararen alde egindako elkarretaratzean parte hartzea eta "desordena publikoak eta kalteak" egotzita
Ernaik deitu du protesta, "erasoak" salatzeko eta euskarak "independentzia" behar duela eskatzeko. Eusko Jaurlaritzako Segurtasun Sailaren arabera, protestaren berri ez zuten eman.
EAJk Sanchez inplika dadila eskatu du, Estatutua betetzeko “oztopoak” gainditzeko
Maribel Vaquero EAJk Espainiako Kongresuan duen bozeramaileak Euskadi Irratian egin dioten elkarrizketan azaldu duenez, epemuga ez da aldatu eta eskualdatzeke dauden eskumenak abenduaren 31rako transferitu beharko dituzte.
Jose Angel Gonzalez, Alonsotegiko Aldana tabernako jabea hil da, 89 urterekin
1980an eskuin muturreko Grupos Armados Españoles taldeak bonba bat lehertarazi zuen Aldana tabernako atean, eta lau pertsona hil ziren bertan. Kasua argitu gabe eta epaitu gabe gelditu zen.