Santos Cerdanek Senatuko ikerketa batzordean testigantza faltsua eman ote zuen ikertuko du Madrilgo epaile batek

PSOEko Antolakuntza idazkari ohiak esan zuen ez zela Koldo Garcia ministro-aholkulari ohiarekin harremanetan jarriko 2021etik 2023ra, ez zekiela hark bitartekari gisa jardungo zuenik maskarak erosten, ez ziola jarraibiderik eman enpresa jakin batzuei etekina ateratzeko, eta ez zuela enpresa-harremanik izan zuzenean edo zeharka hirugarrenen bidez.

20240430125713_santos-cerdan_ — 2024ko apirilaren 30ean Koldo kasua ikertzeko Senatuko batzordean egindako agerraldian.

Agentziak | EITB

2025/10/20 - 13:29

Azken eguneratzea

2025/10/20 - 13:29

Santos Cerdan PSOEko Antolakuntza idazkariak behin-behineko espetxealdian jarraitzen duen bitartean, Madrilgo epaile batek ikerketa abiatu du Koldo auziari buruz Senatuan egiten ari diren ikerketa batzordean testigantza faltsua eman ote zuen ala ez argitzeko. Epailearen arabera, buruzagi sozialista ohiak esandakoaren eta errealitatearen artean "desbideratze argia" dago.

Madrilgo 24. Instrukzio Epaitegiko epaileak uste du Cerdanek ez zuela egia esan 2024ko apirilaren 30eko agerraldi hartan. Pasa den ekainean, PSOEko Antolakuntza idazkari zenak dimisioa eman zuen eta diputatu akta ere utzi egin zuen, ustez, legez kanpoko eskupekoak jaso zituelakoan, lan publikoen esleipenen truke.

EFE albiste agentziak eskuratu ahal izan duen autoaren arabera, instrukzio epaileak tramitera onartu du Hazte Oir erakunde ultrakatolikoak Cerdanen aurka testigantza faltsuagatik aurkeztutako kereila.

Halaber, instrukzio epailea Kongresuari ere zuzendu zaio Cerdanek diputatu aktari uko egin zion egiaztatzeko.

Autoaren arabera, ikerketa batzordean kontatu zuenaren eta errealitatearen arteko aldea "agerikoa eta begi bistakoa da", Guardia Zibilaren UCO unitateak egindako txostenaren edukia ikusita.

Magistratuaren ustez, zantzuak daude gezurra esan zuela 2021etik 2023ra Koldo Garciarekin (Espainiako Garraio Ministerioko aholkulari izan zena) harremanetan jarri ez zela esan zuenean, ez zekiela hark bitartekari gisa jardun zuenik maskarak erosteko, ez ziola jarraibiderik eman enpresa jakin batzuei mesede egiteko, eta ez zuela enpresa harremanik izan zuzenean edo zeharka.

Politikari buruzko albiste gehiago

EH Bildu Ertzaintzari zilegitasuna kentzen saiatzen ari dela uste du EAJk, "gorroto duelako eta ez zaiolako inoiz gustatu"

Joseba Diez Antxustegi EAJk Eusko Legebiltzarrean duen bozeramaileak adierazi duenez, urriaren 12an Gasteizen izandako istiluetan Ertzaintzak izandako jokabidea "deslegitimatzeko" EH Bilduk egindako saiakera polizia hori "gorroto" dutelako izan da. "Ez zaie Ertzaintza gustatzen, ez orain, ezta duela 20 urte ere", esan du, eta Arnaldo Otegiren alderdiari "zein polizia-eredu proposatzen duten" galdetu dio.

14 urte ETAren indarkeriaren "behin betiko amaieratik"

2011ko urriaren 20an, ETAk "jarduera armatuaren behin betiko amaiera" iragarri zuen, bost hamarkada baino gehiagoko indarkeriaren ondoren. Komunikatu horrek zazpi urte geroago amaitu zen prozesu baten hasiera markatu zuen, desarmearekin eta behin betiko desegitearekin.

La organización Bienal Mugak ha calificado de "inadmisible" que su obra se haya usado para difundir "mensajes antidemocráticos". Además, la organización ha anunciado que ya ha retirado los mensajes en coordinación con el Ayuntamiento de Vitoria-Gasteiz.

Ikerketa hasi dute Gasteizko horma gorriko pintaketen egileak identifikatzeko

Maider Etxebarria alkateak iragarri du Udalak ikerketa hasi duela horma hori "terrorismoaren apologia egiteko" erabili zuten pertsonak identifikatzeko.

EH Bilduren agerraldia Palestinako genozidioa salatzeko

EH Bilduk gobernatzen dituen udaletan Israelekin harremanak etetea erabaki dute

EH Bilduk gobernatzen dituen udaletan Israelekin harremanak etetea erabaki dute gaur. Alkate abertzaleek Arrasaten egin duten bileran hartu dute erabakia. Azaldu dutenez, genozidioaren aurrean urrats bat eman behar dute, eta harremanak moztea da Palestina babesteko egin daitekeen gauzarik eraginkorrena.

"Gora ETA" margotu dute Gasteizko horma gorrian

Horrekin batera, Goma-2 lehergaiaren inguruko mezuak, Poliziaren aurkakoak eta "pim, pam, pum" jarri dituzte grafitigileen pintaketak biltzeko Andre Maria Zuriaren plazan jarritako horman.

Sarek biktimak ez mailakatzea eta giza eskubideetan oinarritutako elkarbizitza eraikitzea eskatu du II. Konferentzian

Biktimen mina “politikoki instrumentalizatu” dutenen eta biktima kategoria ezberdinak defendatzen dituztenen jarrera salatu dute Joseba Azkarragak eta Maria Jauregik irakurritako manifestuan.

GRAFCAV5463. SAN SEBASTIÁN (ESPAÑA), 18/10/2025.- El secretario de vivienda del PSE-EE y consejero de Vivienda y Agenda Urbana del Gobierno Vasco, Denis Itxaso (2i), el secretario general del PSE-EE de Gipuzkoa, José Ignacio Asensio (d), la portavoz socialista en el Ayuntamiento de San Sebastián, Ane Oyarbide, y la directora general de Alokabide, Patricia Val (i), participan este sábado en un acto sobre vivienda. EFE/Juan Herrero.

Denis Itxasok programa bat iragarri du eremu tentsionatuetako alokairuetako jabeak babesteko

Eusko Jaurlaritzako Etxebizitza eta Hiri Agenda sailburuak azaldu duenez, helburua da merkatu librean etxebizitzen eskaintza handitzea eta prezioak jaistea eremu tentsionatuetan.

En la tertulia realizada este sábado en el programa 'Parlamento en las Ondas', de Radio Euskadi, los parlamentarios vascos han defendido sus diferentes puntos de vista respecto a los principales retos que abordarán en el nuevo curso político.

Legebiltzarkideek igandean Gasteizen izandako istiluei buruzko iritzia eman dute

Legebiltzarkideek igandean Gasteizen izandako istiluak izan dituzte hizpide larunbat honetan Radio Euskadiko "El Parlamento en las Ondas" saioan; izan ere, talde falangista batek elkarretaratzea deitu zuen eta antifaxistak haien kontra protesta egiteko bildu ziren.

Unescoren Global Education Monitoring (GEM) Reporteko Aholku Batzordean sartzeko bidea zabaldu du Eusko Jaurlaritzak

UNESCOren hezkuntzari buruzko erreferentziazko txostenaren Aholku Batzordean sartu da Euskadi

Hezkuntza sailburuak UNESCOren Parisko egoitzan izan da akordioa sinatzen. GEM Report txostenaren Aholku Batzordean parte hartzeak "ahotsa eta ikusgarritasuna emango dio" Euskadiko Autonomia Erkidegoari "hezkuntzari buruzko etorkizuneko erabakietan", Eusko Jaurlaritzaren arabera.