Abalos ministro ohia epaitzea proposatu du 'Koldo' auziaren epaileak, talde kriminala egotzita
Leopoldo Puente Goreneko Zigor Salako magistratuak prozedura laburtuko autoa plazaratu du Garraio ministro ohiaren aurka, covid pandemian musukoak salerosteko kontratu irregularrak egitea leporatuta. Funtzionario-eroskeria, erakunde kriminaleko kide izatea, eragimen-trafikoa eta ondasun publikoak bidegabe erabiltzea egotzi dizkiote ministro ohiari.
Leopoldo Puente Auzitegi Goreneko Zigor Salako magistratuak prozedura laburtuko autoa atera du gaur José Luis Abalos Garraio ministro ohiaren aurka, besteak beste, covid pandemiaren garaian musukoak salerosteko kontratu irregularrak egitea egotzita. Koldo Garcia Izaguirre aurreko ministroaren aholkulari ohiaren eta Victor de Aldama enpresaria delitu horiengatik epaitzea proposatu du epaileak.
Funtzionario-eroskeria, erakunde kriminaleko kide izatea, eraginen trafikoa eta ondasun publikoak bidegabe erabiltzeagatik ikertuko dituzte hirurak.
Autoan, instruktoreak Fiskaltzari eta herri-akusazioen ordezkaritzari helarazi dizkie jarduketak, hamar eguneko epean eska dezaten ahozko epaiketa irekitzea akusazio-idazkia formulatuz, edo auzia largestea, edo, salbuespenez, eginbide osagarriak egitea.
Kontratuak nobere buruari mesede egiteko esleitzea
Epailearen ustez, hirurak "Espainiako Gobernuko ministro karguaz jabetu eta gutxira hitzartu ziren, eta horretaz baliatu ziren Administrazio Publikoaren eremuan egin zitezkeen kontratuak esleituta onura ekonomikoa jasotzeko eta aukera guztiaz baliatzeko".
Orain, epaileak dio "zantzu oso sendoak" daudela, frogatutzat jotzen diren gertakarietatik abiatuta, De Aldamak Jose Luis Abalos eta Koldo Garcia ikertuei diru-kopuruak eman zizkiela, haien bidez beren kargu publikoei zegozkien betebeharren aurkako egintzak egin zitezen".
Era berean ziurtatu duenez, Abalosek eta Koldok "ordainsari ekonomiko horiek guztiak lotzen zituen delitu-proiektua gauzatzeko eta jokabide desleial horien kontraprestazio gisa" jaso zituztela agerian uzten duten zantzuak ere daude.
Puenteren arabera, ustezko sare horretan De Aldama arduratzen zen "Administrazioarekin harremanetan jartzeko eta kontratatzeko ordainketak ordaintzeko prest zeuden enpresak zein partikularrak lokalizatzeaz, eta, horren bidez, onura ekonomikoa lortzen zuen beretzat".
Bestalde, Koldo, "ministroaren aholkulari izateaz eta erabateko konfiantzaz baliatuta, kasu bakoitzean beharrezkoak ziren ohiko kudeaketak egiteaz arduratzen zen; ministroak berak esku hartzea, sinatzea edo haren zuzeneko eragina ezinbestekoa zenerako gordetzen zen".
Zure interesekoa izan daiteke
Abian da Udal hauteskundeen bigarren itzulia Ipar Euskal Herriko 11 herritan
Baionan eta Biarritzen aliantzak lortu dituzte aste honetan bigarren itzulirako txartela lortu duten zerrendetako batzuek. Kanbon, Donibane Lohizunen, Hendaian, Urruñan, Maulen, Bokalen, Beskoitzen eta Azkainen, ordea, ez dute adostasunik lortu, eta hautagaitza bakoitzak bere bidea egingo du.
Ione Belarrak "zitala" deitu dio Josu Jon Imazi
Irango gerraren harira, deigarria izan da gaur Ione Belarra Podemoseko idazkari nagusiak Josu Jon Imaz Repsoleko kontseilari delegatuaren kontra erabili dituen hitzak: "Gerra hau Josu Jon Imazek ordaindu dezala, zitalki joan zen-eta Donald Trumpengana".
PSNko zinegotzi batek eraman du Korrikako lekukoa Milagron, eta ikusleen artean Santos Cerdan izan da
Erriberan ibili da larunbat honetan Korrika eta Milagron, PSNko zinegotzi sozialista batek eraman du lekukoa Udalaren izenean (UPNk eta PSNk osatzen dute udalbatza). Euskadin ez bezala, alderdi sozialista normaltasunez ari da Korrikan parte hartzen Nafarroan. Milagro, bestalde, Santos Cerdan PSOEren antolakuntzako idazkari ohiaren herria da eta ETBk jaso duenez, terraza batean harrapatu du Korrika. Handik, irribarretsu agurtu ditu korrikalariak.
ETAk hil zuen Juan Priede Orioko zinegotzi sozialista gogoratu dute
Jose Ignacio Asensiok esan du apartheid politikoa gauzatzea ekidin zutela Priede bezalako pertsonek. Urte gogor haietan askatasunaren alde pauso bat eman zutela nabarmendu du, eta haien memoria politikoki ez erabiltzeko eskatu dio eskuinari eta ultraeskuinari.
Soledad Iparragirre ETAko buruzagi ohiari erdi-askatasuna eman diote, eta espetxetik atera ahalko da astelehenetik ostiralera
Espetxe-araudiaren 100.2 artikulua aplikatu zaio, eta, hala, lanegunetan Martuteneko kartzelatik atera ahalko da, lo egitera itzuli beharko bada ere.
Lehendakariaren dekalogoa energia krisiari aurre egiteko neurrien artean jaso izana ondo hartu du Eusko Jaurlaritzak
Familiek eta euskal industriak faktura elektrikoa murrizteko lagungarria izango dela uste du Jaurlaritzak, baina faltan botatzen du azken urte honetan shock bikoitza (muga-zergek eta erregaien garestitzeak eragindakoa) jasan duten industria-enpresentzat neurriak hartzea.
EAJ "pozik" dago krisiaren aurkako neurriekin, baina "ez da nahikoa", EH Bilduren ustez
Jeltzaleen arabera, neurri horiek "elektrizitatearen eta erregaien azken prezioa familientzat eta autonomoentzat eskuragarriagoa izaten lagunduko dute". Koalizio abertzaleak positibotzat jo du Sanchezi helarazitako hiru proposamen jaso izana, baina neurriek energia eta petrolio enpresa handien irabaziak handituko dituztela kritikatu du. Bestalde, PPk ez du bere babesa ziurtatu, eta Podemosek esan du krisiaren aurkako plana ez dela eraginkorra.
Espainiako Gobernuak elektrizitatearen, gasaren, gasolinaren eta gasolioaren BEZa % 10era jaitsi du
Ezohiko Ministroen Kontseiluak Ekialde Hurbileko gerraren ondorioak arintzeko lehen neurri sorta bat onartu du gaur. Neurri horiek 5.000 milioi euro mobilizatuko dituzte. Sanchezen arabera, "ez du eragotziko legez kanpoko gerra honen ondorioak Espainiara iristea, baina bai eramangarriagoak izatea".
Apirileko itzalaldi elektrikoa "hainbat faktorek" eragin zuten, Europako adituen arabera
Txostenak ondorioztatu du "oso azkar hedatu" zela Espainiako hegoaldean izandako "arazo lokal bat". Horrek gaintentsioagatiko deskonexio orokorrak eragin zituen, eta, azkenik, sistema iberikoa Europako gainerako lurraldeetatik bereizi zen.
PSOEk eta Sumarrek bi dekretu adostu dituzte, krisiari aurre egiteko neurriak eta etxebizitzaren ingurukoak jasotzeko
Irango gerraren ondorioak leuntzeko lege dekretua onartzeko Ministroen Kontseilua bi ordu pasako atzerapenarekin hasi da, Sumarreko kideek uko egin baitiote bileran sartzeari alokairuko kontratuen luzapena eta enpresen marjinak kontrolatzeko neurriak kanpoan uzten ziren bitartean. Azkenik, gobernukideak akordio batera iritsi dira.