El Ventorroko jabeak adierazi du ez zituela Mazonen deiak entzun eta 18:30ak eta 19:00ak artean joan zela
Valentziako Generalitateak GOIDIAren inguruan egin zuen kudeaketa ikertzen ari den Catarrojako (Valentzia) epailearen aurrean deklaratu behar izan du ostalariak. Ez zuela Mazon telefonoz hitz egiten entzun esan du eta ez zitzaiola iruditu presidentea arduratuta zegoenik.
Jatetxeko nagusia deklaratzera sartu denean. Argazkia: EFE.
2024ko urriaren 29an Carlos Mazon Valentziako Generalitateko jarduneko presidenteak Maribel Vilaplana kazetariarekin bazkaldu zuen El Ventorro jatetxeko jabeak Catarrojako epailearen aurrean adierazi duenez, ez zituen Mazonen telefono-deiak entzun eta presidentea 18:30ak eta 19:00ak artean joan zen lokaletik komunikatzailearekin batera.
Ostalariak lekuko gisa deklaratu du ostiral honetan 229 hildako utzi zituen goi-geruzetako depresio isolatuaren (GOIDI) inguruko kudeaketa ikertzen ari den epailearen aurrean. Jatetxeko jabea zen Mazon eta kazetaria bazkaltzen ari ziren gelan sartu eta ateratzen zen pertsona bakarra, epailearen idatzi baten arabera, eta, beraz, Mazonek Salome Pradas Barne eta Larrialdi kontseilari ohiarekin egindako telefono-deien inguruan galdetu nahi izan dio.
Lekukoak azaldu duenez, urriaren 29 hartan, Mazonek eta Vilaplanak jatetxean bazkaldu zuten lehen solairuko erreserbatu batean. Bakoitza bere aldetik iritsi zirela argitu du; Mazon bizkartzainik gabe.
Testigantzaren arabera, 18:30ak edo 19:00ak arte egon ziren aretoan, gutxi gorabehera. "19:00ak baino beranduago ez zen joan” eta “goizenez, 18:25ean", gaineratu du ostalariak.
Ez telebistarik, ez irratirik
Lekukoak kontatu duenez, bazkalorduan hainbat aldiz igo zen gela horretara, eta ez du Mazon telefonoz hitz egiten gogoratzen. Pradas 16:29an Mazoni deitzen saiatu zela galdetu diotenean, erantzun du Movistar konpainiak ez duela arazorik bere lokalean, baina beste batzuek, Orangek edo Vodafonek, esaterako, arazo batzuk eman ditzaketela.
Horrez gainera, jatetxean telebistarik eta irratirik ez daukatela azaldu du, eta egun hartan ez zuela albisteen berri izan adierazi du. Halaber, presidentea "inoiz" ez zuela kezkatuta ikusi ere esan du.
Horrez gain, lekukoaren arabera, Generalitateko pertsona bat igo zen gelara, "Mazonek paper batzuk sinatu behar zituelako". "Sartu, paperak eman eta bost minutura itzuli zen jasotzeko", esan du.
Zure interesekoa izan daiteke
“Begirada aldaketa” eskatu du Bengoetxeak, “Gernika” “berme guztiekin” lekualdatzeko
Ibone Bengoetxea Eusko Jaurlaritzako lehendakariorde eta Kultura sailburuak adierazi duenez, Eusko Jaurlaritzak ez du oraindik "Gernika" lekuz aldatzeko eskaerari buruzko erantzunik jaso. Eusko Jaurlaritzak Picassoren obra Euskadira kontserbazio "berme guztiekin" eramateko baldintza egokiak ezagutzea baino ez duela eskatzen adierazi du. Bien bitartean, EAJk astearte honetan eramango du eztabaida Senatura, Kultura ministroari azalpenak eskatzeko.
Abalosen semeak ukatu egin du aitaren diru funtsak kudeatu izana: "Nik ez dut klabean hitz egiten; ez aitarekin, ez inorekin ere"
Astearte honetan hasi da garraio ministro ohiaren, haren aholkulari Koldo Garciaren eta Victor de Aldamaren aurkako epaiketa. Pandemiaren garaian, musukoak erosteko lehiaketa publikoen bidez eskupekoak jasotzea leporatuta, 24 urte arteko kartzela zigorrak eskatu ditu Fiskaltzak. Bi astez luzatuko da epaiketa, eta 80 lekukotik gora daude deklaratzera deituta.
Koldo Garciak “tentel” deitu dio Aldamari, eta epaiketa “lehertuko” duten frogak aurkeztuko dituela esan du
Jose Luis Abalosen aholkulari ohiak audio bat bidali du Telecincora, eta bertan adierazi du “erabat errugabeak” direla frogatuko dutela.
Abalos, Koldo Garcia eta Aldamaren aurkako epaiketa hasi da, maskarak iruzurrez erostea egotzita
Fiskaltzak eskatu du ministro ohiari 24 urteko espetxe-zigorra ezartzea; 19 urte, Garciari, eta 7 urte, Aldamari. 70 lekuko baino gehiago agertuko dira Auzitegi Gorenean.
Ikerketa batzordeak bertan behera utzi du Cerdanen emaztearen agerraldia, osasun arazoengatik deklaratzeari uko egin baitio
Erabaki hori gorabehera, txostenak "zalantzak sortu dizkie", batzordeko presidenteak esan duenez, baina "kontuz ibiltzeko moduko gai bat" dela iritzita, deklarazioa bertan behera uztea erabaki dute, bai eta Cerdanen emazteak aurkeztutako agiriari buruzko txosten "juridikoak" eta beste mediku batzuren "osasun txostenak" biltzea ere.
Epaiketa bertan behera uztea eskatu dute Kitchen auziko akusatuen abokatuek, intrukzioan akatsak izan direla argudiatuta
Lehen saioan, aurretiko gaiei helduta, hamar akusatuen abokatuek galdegin dute bertan behera utz dezatela Mariano Rajoyren Gobernuaren garaiko Barne Ministerioaren buruzagitzaren aurkako epaiketa.
PPk kritikatu du "biktimismoan" eta euskal herritarren errealitatetik urrun bizi dela EAJ
Laura Garridok (PP) hedabideen aurrean adierazi duenez, Aberri Egunean "betiko diskurtsoa" izan zuen EAJk. "Jauzi kualitatibo bati buruz hitz egin zuten, eta jauzi horrek euskal herritarrei mesede egingo ote dien galdetu nahi diet, kontuan izanda independentzia ez dagoela euskal herritarren lehen kezken artean", esan du.
Eibar Memoria Demokratikorako Leku da, ofizialki, gaurtik
Estatuko Aldizkari Ofizialean argitaratutako ebazpenak jasotzen duenez, "Eibarko hiriak Memoria Demokratikoaren Leku gisa aitortzeko oinarriak biltzen ditu, errepublikaren legezkotasunaren defentsa aktiboaren nahiz nazioarteko zuzenbide humanitarioaren urraketa larrien agertoki izan baita".
Arkaitz Rodriguez: "EH Bildu ez da hurrengo hauteskundeetan pentsatzen ari, hurrengo belaunaldietan baizik"
Koalizio subiranistako Ekintza Politikoko idazkariak EAJri erreferentzia eginez esan duenez, "penatuta entzuten ditugu hainbat adierazpen, ezin dugu ulertu nola dagoen kezkatuago dagoenik oraindik urtebete luze barru izango diren hauteskundeekin, herritarren arazoei konponbideak ematearekin baino".
Rajoyren Gobernuko Barne Ministerioko buruzagitza akusatuen aulkian eseriko da gaurtik aurrera, Kitchen auziagatik
Fernandez Diaz Barne Ministerioaren buru zen, Fiskaltzaren arabera, 2013an Gurtel auziko frogak lortzeko Luis Barcenas PPko diruzain ohiaren esku "legez kontrako inteligentzia operazio bat" egitea pentsatu zutenean, eta, horrela, epailearen esku geratzea "saihesteko".