Gasteizek erantzukizunak eskatu dizkio Estatuari 76ko martxoaren 3ko eta 78ko sanferminetako gertaerengatik
Beste hainbat elkarterekin batera Martxoak 3 eta Sanfermines 78 Gogoanek aurkeztutako mozioa onartu du Udalbatzak.
Gasteizko udaletxea. Argazkia: EITB.
Gasteizko Udalak Espainiako Gobernuari eskatu dio onar dezala Arabako hiriburuan 1976ko martxoaren 3an eta Iruñean 1978ko sanferminetan izandako gertaeretan "Estatuak izan zuen erantzukizun nagusi eta zuzena".
Udaleko osoko bilkurak Martxoak 3 eta Sanfermines 78 Gogoan elkarteek aurkeztutako mozioa onartu du, besteak beste, "Fraco gabeko frankismoaren biktimak" aitortzea helburu duena. EAJk, EH Bilduk eta Elkarrekin Podemosek aldeko botoa eman dute, eta PSE-EE eta PP abstenitu egin dira.
Mozioak aipatzen dituen gertakariak bi dira nagusiki. Alde batetik, 1976ko martxoaren 3an Arabako hiriburuan batzar batean parte hartzen ari ziren bost langile hil zituen Poliziak, eta bestetik, 1978ko uztailaren 8an izan ziren istiluetan German Rodriguez hil zuen Poliziak, buruan tiro bat emanda. Hala ere, kontuan hartzen dira baita ere, bi gertaera horien protestatean beste herri eta hirietan izan ziren gertaerak eta hilketak.
Zehazki, mozioak "maila goreneko" adierazpen ofiziala eskatu die Espainiako Gobernuari eta Pedro Sanchez presidenteari, bi gertakari horietan Estatuak duen erantzukizuna aitortuz.
Gainera, testuan "erakunde eskudunei" eskatzen zaie urrats "errealak eta behin betikoak" eman ditzatela "Estatuaren indarkeriaren biktimek egia jakiteko duten eskubidea bermatzeko eta beharrezkoa den justizia eta erreparazioa lortzeko ateak irekitzeko, antzeko gertaerak berriro gerta ez daitezen ".
Ekimena bi gertaera nagusiekin lotuta dauden gainerako udalerrietara ere eramango dute elkarteek: Iruñera, Donostiara (1978an gazte bat hil zen Poliziaren tiroen ondorioz, Iruñean gertatutakoaren aurkako protestetan parte hartzen ari zenean), Astigarragara eta Basaurira (beste hildako bat izan zen 1976an, Gasteizko hilketen aurkakoprotestetan).
Zure interesekoa izan daiteke
Ikerketa batzordeak bertan behera utzi du Cerdanen emaztearen agerraldia, osasun arazoengatik deklaratzeari uko egin baitio
Erabaki hori gorabehera, txostenak "zalantzak sortu dizkie", batzordeko presidenteak esan duenez, baina "kontuz ibiltzeko moduko gai bat" dela iritzita, deklarazioa bertan behera uztea erabaki dute, bai eta Cerdanen emazteak aurkeztutako agiriari buruzko txosten "juridikoak" eta beste mediku batzuren "osasun txostenak" biltzea ere.
Epaiketa bertan behera uztea eskatu dute Kitchen auziko akusatuen abokatuek, intrukzioan akatsak izan direla argudiatuta
Lehen saioan, aurretiko gaiei helduta, hamar akusatuen abokatuek galdegin dute bertan behera utz dezatela Mariano Rajoyren Gobernuaren garaiko Barne Ministerioaren buruzagitzaren aurkako epaiketa.
PPk kritikatu du "biktimismoan" eta euskal herritarren errealitatetik urrun bizi dela EAJ
Laura Garridok (PP) hedabideen aurrean adierazi duenez, Aberri Egunean "betiko diskurtsoa" izan zuen EAJk. "Jauzi kualitatibo bati buruz hitz egin zuten, eta jauzi horrek euskal herritarrei mesede egingo ote dien galdetu nahi diet, kontuan izanda independentzia ez dagoela euskal herritarren lehen kezken artean", esan du.
Eibar Memoria Demokratikorako Leku da, ofizialki, gaurtik
Estatuko Aldizkari Ofizialean argitaratutako ebazpenak jasotzen duenez, "Eibarko hiriak Memoria Demokratikoaren Leku gisa aitortzeko oinarriak biltzen ditu, errepublikaren legezkotasunaren defentsa aktiboaren nahiz nazioarteko zuzenbide humanitarioaren urraketa larrien agertoki izan baita".
Arkaitz Rodriguez: "EH Bildu ez da hurrengo hauteskundeetan pentsatzen ari, hurrengo belaunaldietan baizik"
Koalizio subiranistako Ekintza Politikoko idazkariak EAJri erreferentzia eginez esan duenez, "penatuta entzuten ditugu hainbat adierazpen, ezin dugu ulertu nola dagoen kezkatuago dagoenik oraindik urtebete luze barru izango diren hauteskundeekin, herritarren arazoei konponbideak ematearekin baino".
Rajoyren Gobernuko Barne Ministerioko buruzagitza akusatuen aulkian eseriko da gaurtik aurrera, Kitchen auziagatik
Fernandez Diaz Barne Ministerioaren buru zen, Fiskaltzaren arabera, 2013an Gurtel auziko frogak lortzeko Luis Barcenas PPko diruzain ohiaren esku "legez kontrako inteligentzia operazio bat" egitea pentsatu zutenean, eta, horrela, epailearen esku geratzea "saihesteko".
Estebanek Ayusori erantzun dio "katetada" bere "aldarrikapen nazional nagusia kaña bat hartzea" dela eta Otegik "zureen ekarpena Gernikan Condor Legioa" izan zela
Isabel Diaz Ayuso Madrilgo Erkidegoko presidenteak Picassoren Gernika Euskadira aldi baterako eramateko "asmo nazionalistak" kritikatu ditu ordu batzuk lehenago, "katetada" direla esanez.
PPk eta UPNk, EH Bilduk Iruñean egin duen ekitaldiaren harira: "Nafarroa ez da inoiz euskalduna izango"
Sayasen esanetan, Nafarroa "forala eta espainiarra da historikoki, ordenamendu juridikoak hori diolako eta, batez ere, nafar gehienen nahia hori delako". Bestalde, Ibarrolak nabarmendu du UPNk bermatzen duela "Nafarroa euskal errepublikaren parte ez izatea".
Ertzaintzaren aurkako pintaketa gehiago egin dituzte Amurrion
Amurrioko futbol zelaian azaldu dira oraingoan pintaketak, eta agente bat seinalatu dute. Segurtasun Sailak gaitzetsi egin du gertatutakoa, eta salatu du horrelakoek zuzenean erasotzen dietela bizikidetzaren eta demokraziaren balioei.
EH Bai: "Euskal Herria nazio bat dela eta erabakitzeko eskubidea duela aldarrikatu dugu Aberri Egunean"
Baionan egin duen ekitaldian, Euskal Herria Baik nabarmendu du beste nazio batzuek duten eskubide berdinak izan behar dituela Euskal Herriak ere, "nazio bat delako".