Astelehen honetan hasiko da Auzitegi Nazionalean Jordi Pujol Kataluniako presidente ohiaren aurkako epaiketa, ustez bere familia legez kanpo aberasteagatik
95 urteko presidente ohia ospitaleratuta egon da azaroaren erdialdetik joan den ostiralera arte, pneumoniak jota, eta epaiketa hasteko, bere osasun egoera dela eta epaiketara joan daitekeen eta Fiskaltzak berarentzat eskatzen duen 9 urteko kartzela-zigorrari aurre egiteko moduan legokeen ebatzi beharko da lehenbizi.
Auzitegi Nazionalak (AN) Jordi Pujol, 1980tik 2003ra Kataluniako Generalitateko presidente izan zena, epaituko du astelehen honetatik aurrera, zazpi seme-alabekin eta ustezko 15 laguntzaile baino gehiagorekin batera, ustezko erakunde kriminal bat osatzeagatik.
Delitu hauek leporatzen zaizkie: legez kanpoko taldea osatzea, kapitalak zuritzea, merkataritza-dokumentuak faltsutzea, Ogasun Publikoaren aurka egitea eta ondasunak ostentzea.
Zigorrik altuena, 29 urteko kartzela-zigorra, Jordi Pujol Ferrusola familiako seme zaharrenarentzat eskatzen du Fiskaltzak, baita 6,5 milioitik gorako isuna ere. Merce Girones emazte ohiarentzat 17 urteko kartzela-zigorra eta 600.000 euro baino gehiagoko isuna ere eskatu ditu fiskalak.
Ustelkeriaren aurkako erakundeak 9 urteko kartzela-zigorra eta 204.000 euroko isuna eskatu du presidente ohiarentzat berarentzat, eta beste sei seme-alabentzat, berriz, 8 eta 17 urte arteko espetxe-zigorrak.
Isunez gain, Pujol familiak 45 milioi euro baino gehiago itzultzea ere eskatzen du Fiskaltzak.
"Bezero-sarea"
Enpresariak dira gainerako akusatuak eta horientzat bi eta hiru urteko espetxe-zigorrak eskatu ditu Fiskaltzak merkataritza-dokumentuak faltsutzea egotzita, kapital-zuriketa delituarekin lotuta. Gainera, 200.000 eurotik 8 milioira bitarteko isunak ezartzea ere eskatu du.
Ustelkeriaren aurkako fiskalak uste du Pujolek Generalitateko presidente eta Kataluniako Konbergentzia Demokratikoko (CDC) buru zela "baliatuta", "klientelismo-sare bat ehundu" zuela, "Pujolek berak eta CDCren aldeko enpresariek lehiaketa publikoei esker, dirutza banatzeko euren artean".
Generalitateko presidente ohiak atzerrian dirua zuela onartu zuen 2014an, baina Florenci Pujol aitaren herentziatik eratorria zela argudiatu zuen. Komunikatu batean azaldu zuenez, Pujolen aitak diru hori Espainiatik kanpo utzi nahi izan zion, 30 eta 40ko hamarkadak gertutik bizi izan zituenez, "gerta zitekeenaren beldur zelako, eta politikari konprometitu bati gerta zekiokeenaz are gehiago".
200 lekukok baino gehiagok hartuko dute parte epaiketan eta 2026ko erdialdera arte luzatzea aurreikusten da.
Pujolen osasun-egoera
Presidente ohiak bideokonferentziaz agerraldia eginez hasiko da astelehen honetan epaieketa, Bere osasun egoeraren berri emango du Bartzelonako bere etxetik . Izan ere, azaroaren erdialdetik iragan ostiralera arte, ospitaleratura egon da pneumonia baten ondorioz.
Bere defentsak eskatuta egindako auzitegiko txosten baten arabera, Pujol "ez dago Madrilera lekualdatzeko edo deklaratzeko moduan". Perituaren arabera, 95 urteko politikari ohiak "nahaste neurokognitibo misto handia du (Alzheimer motakoa eta baskularra)".
Pujol aztertu ondoren txostena idatzi zuten medikuek ere astelehenean deklaratuko dute ondorioak berresteko.
Zure interesekoa izan daiteke
Sanchez ez dator bat fiskal nagusiari ezarritako zigorrarekin, baina indultuaz hitz egitea errefusatu du
Lehen aldiz hitz egin du Sanchezek Alvaro Garcia Ortiz fiskalari ezarritako zigorraz. Johannesburgon egin du, G20ko biltzarraren harira eman duen prentsaurrekoan. Auzitegi Gorenak bi urteko gaitasungabetzearekin eta 7.200 euroko isunarekin zigortu du fiskal nagusia.
PSE-EEk alderdi ezberdinekin akordioak lortzeko duen gaitasuna azpimarratu du Mikel Torresek
Bizkaiko sozialisten idazkari nagusiak igande honetan adierazi duenez, alderdi transbertsala izateak besteak (EAJ, EH Bildu, PP eta Podemos) gogaitzen ditu.
Aitor Esteban: "EAJ faxismoaren aurka betidanik agertu den alderdia da"
Sabino Arana EAJren sortzailearen heriotzaren 122. urteurrenean egin ditu adierazpenok EBBko presidenteak, EH Bilduk Bilboko kaleetan manifestazio antifaxista egin eta biharamunean.
Fiskal nagusia errugabea dela uste du Sanchezek
Pedro Sanchez Espainiako Gobernuko presidenteak esan du Alvaro Garcia Ortiz Estatuko fiskal nagusia errugabea dela sinesten jarraitzen duela. Gaineratu du ez datorrela bat Auzitegi Gorenaren epaiarekin, baina uste du ez duela zentzurik indultu bati buruz hitz egiteak.
EAJ faxismoaren aurka betidanik agertu den alderdia dela aldarrikatu du Aitor Estebanek
"Faxismoaren aurkako borroka gure odol-zainetan daramagu", azpimarratu du EBBko presidenteak, eta Europako demokrazia "jokoan" dagoela ohartarazi du. "40 urteko errepresioa jasan genuen Francoren diktaduran: alderdiaren ilegalizazioa, gure hizkuntzaren debekua eta erbestea", gaineratu du Estebanek.
EH Bilduk dio EAJk eta PSE-EEk PPrekin dituzten itunak Euskadiren "agindu demokratiko eta balioen aurkakoak" direla
Arkaitz Rodriguez EH Bilduko Ekintza Politikoko idazkariak larunbatean izandako manifestazioaren balorazio positiboa egin du. Euskal gizartearen izaera antifaxista goraipatu, eta bidelagunak ondo aukeratzeko eskatu du.
Honela daude antolatuta Arabako kontzejuak
Alderdi politikorik gabeko sistema honek parte hartze kolektiboa du oinarri. Herritarrek asanblea bidez banatzen dituzte ardurak. Horrela antolatzen dira Arabako herrixka batzuetan.
Demokraziaren eta bizikidetzaren defentsan indar politikoek bat egiteko eskatu du Justizia sailburuak
Radio Euskadin egindako elkarrizketa batean, Maria Jesus San Josek nabarmendu du gizarte demokratiko batek gertatutakoa gogoratu behar duela, errepika ez dadin. Ildo horretatik, Justizia eta Giza Eskubideen sailburuak esan du eskubideak zaindu egin behar direla gal ez daitezen.
EH Bilduk konpromiso politiko eta soziala berretsi du autoritarismoaren aurrean
Koalizio abertzaleak ziurtatu du beste indar politiko eta sindikalekin batera beharrezko erabaki instituzional guztiak hartuko dituela autoritarismoa geldiarazteko, eta azpimarratu du inoiz ez duela eskuin muturreko gobernurik onartuko bere botoak erabakigarriak diren tokietan.