Sekretu ofizialen lege berria onartzeko eskatu die Sanchezek taldeei, Zabalzaren auzia argitzeko
Zabalzaren familiari errespetua eta elkartasuna adierazi ostean, Sanchezek elkarrekin lan egiteko deia egin die Diputatuen Kongresuko talde parlamentarioei, gaur egun indarrean dagoen lege frankista atzean utzi eta sekretu ofizialen lege berria aurrera ateratzeko.
Pedro Sanchez, asteazken honetan Kongresuan egin den kontrol saioan. Argazkia: EFE
Mikel Zabalza atxilotu eta hil zutela 40 urte betetzen diren honetan, EAJk eta EH Bilduk haren heriotzari buruzko azalpenak eskatu dizkiote Pedro Sanchez Espainiako Gobernuko presidenteari. EAJren eta EH Bilduren galderei erantzunez, gobernuak mahai gainean jarri duen sekretu ofizialen lege berria onartzeko deia egin die gobernuburuak talde parlamentarioei.
1985eko azaroaren 26an atxilotu zuten Donostian, terrorismoaren aurkako operazio baten barruan, eta Guardia Zibilaren Intxaurrondoko kuartelean hil arte torturatu zuten. Hogei egun geroago, haren gorpua Bidasoa ibaian agertu zen.
Hala ere, orduko iturri ofizialen arabera, Zabalza ihes egiten saiatzen ari zela ito zen Bidasoko uretan.
"Egia zuen eskuetan dago, batera lan egiteko eskatzen dizuet", esan du Sanchezek Maribel Vaquero EAJk Diputatuen Kongresuan duen bozeramaileari erantzunez.
Zabalzaren familiari errespetua eta elkartasuna adierazi ostean, Sanchezek elkarrekin lan egiteko deia egin die Diputatuen Kongresuko talde parlamentarioei, gaur egun indarrean dagoen lege frankista atzean utzi eta sekretu ofizialen lege berria aurrera ateratzeko.
Halaber, Sanchezek argi eta garbi utzi du Estatuko botereek ere kontuak eman behar dituztela.
Dokumentuak desklasifikatzeak ez diola beldurrik ematen adierazi du Espainiako presidenteak, baina gaineratu du horretarako sekretu ofizialen lege berria onartu behar dela eta hori ez dagoela gobernuaren esku.
Hori dela eta, erantzukizunez jokatzeko deia egin die talde parlamentarioei.
Zure interesekoa izan daiteke
Saibigaingo guduan desagertutako gudari eta milizianoak omendu dituzte
Saibigain mendian, Gerra Zibilean desagertu ziren euskal gudari eta milizianoak omendu dituzte. Lore eskaintza egin diete mendi puntan dagoen monolitoan. Bertan bildutakoek gertakari horiek inoiz ez ahazteko eskatu dute.
Ansolak uste du EAJk zeregin nabarmena beteko duela Euskal Hirigune Elkargoan
Iñigo Ansola BBBko presidenteak nabarmendu du Peio Etxeleku jeltzaleen ordezkariak aldaketaren alde egin duela Euskal Hirigune Elkargoan, Hegoaldearekiko harremana sendotzeko asmoarekin. Ildo horretatik, jeltzaleen babesa Ipar Euskal Herriko logikan ulertu behar dela berretsi du.
Espetxe eskumenak eskuratu zituenetik Eusko Jaurlaritzak "indarrean dagoen legedia bete" duela esan du Zupiriak
Bingen Zupiria Segurtasun sailburuak azpimarratu duenez, Eusko Jaurlaritzak "legea bete du" espetxe eskumenak bere gain hartu zituenetik, eta, nolanahi ere, Justizia da "azken hitza izango duena". Horrez gain, azken egunotan agertutako pintaketak gaitzetsi ditu.
EAJk salatu du pintaketak agertu direla Mendaroko batzokian
Pintura beltza baliatuz, besteak beste, "EAJ español. Faxistak kanpora!" idatzi dute pintaketa horietan, baita igitaiaren eta mailuaren irudia egin ere.
Omenaldia egin diete Gerra Zibilean hildako Iruñeko zinegotzi eta udal langileei
Gerra Zibilean fusilatu zituzten Iruñeko udal beharginei omenaldia egin diete gaur haien senitartekoek Nafarroako hiriburuan, eta gertatu zenari buruz kontatutakoa "gezurra" dela esan dute ekitaldian. "Ez da egia gerran denok galdu genuela, irabazleak egon baitziren. Horregatik, egia, justizia eta ordaina aldarrikatzen jarraituko dugu", azpimarratu dute.
Alain Iriart hautatu dute Euskal Hirigune Elkargoko lehendakari
Hiriburuko (Lapurdi) ezker abertzaleko auzapeza bederatzi urtez lehendakari izan den Jean-Rene Etchegarayri gailendu zaio. Bigarren bozketan lortu du Iriartek Lehendakaritza, aurrenekoan ezein hautagaik ez baitu gehiengo osorik lortu. Iriartek alkate izateari utziko diola iragarri du, Elkargoan buru-belarri aritzeko.
Jean-Rene Etchegaray eta Alain Iriart, Euskal Hirigune Elkargoko lehendakari izateko borrokan
Bi hautagaiek bildu dituzte boto gehien lehen bozketan: Etchegarayk 99 eta Iriartek 80. Etxeleku jeltzalea eta Lesellier eskuin muturreko hautagaia ez dira bigarren bozketara aurkeztu, eta lehenengoak iragarri du Iriarten alde egingo duela.
Frantziako Fiskaltzak bete beharrekoa ez den bost urteko zigorra eskatu du Josu Urrutikoetxearentzat
Frantziako estatutik behin betiko kanporatzeko ere eskatu du fiskalak; defentsak, berriz, ez kanporatzeko deia egin du. Auzia epaiaren zain geratu da. Uztailaren 2an emango dute jakitera.
Sanchezek eskatu du EB-Israel akordioa bertan behera uzteko, eta Netanyahuk Espainia kanporatu du Gazarako koordinazio zentrotik
Espainiako Gobernuko presidenteak ohartarazi du Israel nazioarteko zuzenbidea "nabarmen" urratzen ari dela Palestinan eta Libanon. Israelgo lehen ministroak, bestalde, Israelgo Armadako soldaduak difamatzea leporatu dio Espainiari.
Fiskaltzak ETAko buruzagi ohi Marisol Iparragirreri emandako erdi-askatasuneko erregimenaren aurka egin du
Fiskaltzak Espetxe Araudiaren 100.2 artikuluaren aplikazioa berrikusteko eskatu du; txostenak, baina, ez du Eusko Jaurlaritzaren erabakia eten.