CAFen kontrako protesta batek Bilboko tranbia geldiarazi du eta Ertzaintzak pertsona bat atxilotu du
Atxilotuak identifikatzeari uko egin dio, Segurtasun Sailaren arabera. Atxilotzeko unean liskarra sortu da, eta Ertzaintzaren lau agente zauritu dira. Protestaren deitzaileek jakinarazi dutenez, hainbat pertsona zauritu dira, jasotako kolpeen ondorioz.
Ertzaintzak pertsona bat atxilotu du eta hainbat identifikatu ditu gaur Bilbon, CAFek Israelekin dituen "kontratu guztiak berehala etetea eskatzeko" egindako protesta batean. Hainbat lagun Bilboko tranbiaren errailen gainean etzan dira, Bilboko Plaza Biribilean, eta, hori dela eta, tranbia zerbitzua tarte batez etenda geratu da.
Segurtasun Sailak ohar bidez jakinarazi duenez, lau ertzain zauritu dira, kolpeak hartuta. Protestaren deitzaileen arabera, berriz, hainbat manifestari zauritu dira agenteak oldartu zaizkienean.
"Boikot Israel. Palestina askatu" lelopean egin dute protesta. Palestinako banderak eskuan, manifestariak tranbiaren errailen gainean jarri dira, horren bidea oztopatzeko.
Bertan bildutakoei altxatzeko galdegin diete agenteek. Segurtasun Sailaren arabera, manifestariek uko egin diote eskari horri, eta Ertzaintza protestariak identifikatzen hasi da orduan. "Atxiloketa egiteko unean, bildutako pertsonetako batzuek agenteei oldartu zaizkie", eta Ertzaintzak borrak erabili ditu sakabanatzeko. Lau agente eraman dituzte mutuara, kolpeak hartu baitituzte.
Ertzaintzak pertsona bat atxilotu du, desobedientzia eta desordena publikoak egotzita. Atxilotua ertzain-etxera eraman dute, eta han ere uko egin dio bere burua identifikatzeari, Segurtasun Sailaren arabera.
Segurtasun Sailak agenteei egindako erasoa salatu du. "Bildutako lagunek ez dute ordena publikoa errespetatu, eta tranbiaren zerbitzua eten dute, erabiltzaile asko dauden sasoian. Gainera, euren lana egiten ari ziren agenteen kontra egin dute, indarkeria erabilita".
Protestaren deitzaileek ohar bidez jakinarazi dute hainbat ekintzailek "ubelduak" dituztela "Ertzaintzaren esku hartzeagatik", eta "protesta kriminalizatzeko ahalegina" salatu dute. Azkenik, atxilo hartutako emakumea aske uzteko galdegin dute.
Zure interesekoa izan daiteke
Gure Eskuk "gehiengoaren borondatea ikuspegi alderdikoien gainetik jartzea" eskatu du eta erabakitzeko eskubidea aldarrikatu du
Erabakitzeko eskubidearen aldeko plataformak Bazkideen Batzarra egin du Gasteizen. "Eragile politiko eta sozialek ardura eta anbizioz jokatu behar dute une historiko honetan burujabetza osoaren bidean urrats sendoak egiteko", adierazi dute.
Bilboko tranbiaren zerbitzua eten dute CAFek Israelekin dituen kontratuak etetea eskatzeko
"Boikot Israel. Palestina askatu" lelopean, dozenaka pertsona tranbiaren errailetan etzan dira, bidea oztopatzeko. Ertzaintzak pertsona bat atxilotu du, eta hainbat pertsona zauritu dira, kolpeak hartuta.
EAJ eta PSOE "bereizezinak" direla uste du PPk: "Interes pribatuen mesederako koalizioa da"
Euskadiko PPk Gabonetako bazkaria egin du gaur Gasteizen, eta Miguel Telladok eta Javier De Andres EAEko PPko presidenteak EAJri zuzendu dizkiote kritikak.
Andueza: "Aurrekontu akordioak lortzea Euskadiren alde jokatzea da, horren alde lan egitea"
Eneko Andueza PSE-EEko idazkari nagusiaren arabera, Eusko Legebiltzarrean eta beste erakundeetan sozialisten babesarekin onartu diren edo onartuko diren aurrekontuek argi erakusten dute sozialistak, beste batzuek ez bezala, ez daudela denbora galtzen.
Leire Diez eta Antxon Alonso aske utzi ditu epaileak, kautelazko neurriekin
Aurretik, Ustelkeriaren aurkako Fiskaltzak Leire Diez PSOEko militante ohia, Vicente Fernandez Estatuko Industria Partaidetzarako Sozietateko (SEPI) presidente ohia eta Antxon Alonso enpresaburu gipuzkoarra kautelazko neurriekin aske uzteko eskatu dio epaileari.
Estebanek, Sanchezi: “Eskandaluen jarioa geldiarazi edo hauteskundeak deitu”
EAJren IX. Batzar Nagusiaren amaieran hitza hartu du EBBko presidenteak. Buruzagi jeltzalearen ustez, hauteskundeak deitu “beste aukerarik ez du” Espainiako Gobernuko presidenteak. “Hilabete batzuk iraun ditzake, baina ez urtebete eta erdi: ez da serioa”, erantsi du.
Podemos Euskadik esan du lortzen dituen akordioak gehiengoaren eskubideak bermatzeko direla
Richar Vaquero koordinatzaileak Arabako aurrekontuen inguruan irekitako negoziazioak aipatu ditu; izan ere, Aldundia eta Elkarrekin Podemos-IU akordio bat lortzear daude. "Irmotasun berarekin negoziatzen jarraituko dugu", azpimarratu du.
EAJk datozen lau urteetarako estatutuak onartu ditu militantziaren parte hartzea “sendotu eta aktibatzeko”
Jeltzaleek bilera egin dute gaur Gasteizen EAJren Aberri Estatutu berriak onesteko. Parte hartzea sustatzeko hainbat neurri berri txertatu dituzte, hala nola gai jakinen inguruan alderdikideen iritzia biltzeko kontsultak egitea eta "EAJren jarraitzaile" figura sortzea. Era berean, euskararen eta berdintasunaren defentsa egiteko protokolo eta jarraibideak zehaztu dituzte.
Leire Diez, SEPIko presidente ohia eta Antxon Alonso galdekatuko ditu epaileak
Antonio Piña Auzitegi Nazionaleko epaileak Leire Diez militante sozialista ohia, Vicente Fernandez SEPIko presidente ohia eta Antxon Alonso galdekatuko ditu larunbat honetan.