Extremadurako hauteskundeetako parte hartzea % 50,60koa izan da 18:00etan, 2023an baino 6,5 puntu txikiagoa
890.985 herritarrek dute botoa emateko eskubidea. Inkesten arabera, PPk irabaziko ditu bozak, gehiengo osorik lortuko ez badu ere, eta PSOEk zartakoa hartuko du. Voxek eta Unidasek, aldiz, gora egingo dute, inkestek iragarritakoa betez gero.
Maria Guardiola (PP) botoa ematen, Extremaduran. Argazkia: EFE
Extremadurako hauteskunde autonomikoetako parte hartze indizea % 50,60koa zen igandeko 18:00etan, hau da, 2023ko hauteskunde hitzorduan erregistratutakoa baino 6,52 puntu txikiagoa, datu ofizialen arabera.
Hautestontziak 20:00etan itxi dira, eta 21:15etik edo 21:30etik aurrera emango da botoen zenbaketaren berri.
Hauteskunde zikloa Espainian
Extremadurako hauteskunde autonomikoekin hauteskunde ziklo berri bat abiatuko da Espainiako Estatuan: 2026an, otsailean, Aragoik hartuko du lekukoa, eta udaberrian, Gaztela eta Leonek eta, ziurrenik, Andaluziaren txanda ere izango da.
Abenduaren 21 honetan, erkidegoko presidentea hautatu eta Parlamentua berrituko dute extremadurarrek euren botoekin. Maria Guardiola PPko hautagaia da faborito nagusia, inkesta guztiek bera jotzen baitute irabazle, gehiengo osoa lortzea baztertu badute ere. Ika-mika izan da nagusi hauteskunde kanpainan, eta ugariak izan dira Guardiolaren eta Santiago Abascal Voxeko buruaren arteko liskarrak. Guardiolak Abascalen matxismoa salatu zuen, eta ultraeskuineko politikariak PPko buruzagiaren "biktimismoa".
42 urtean lehen aldiz, hauteskundeak aurreratu behar izan dituzte, berez 2026an egin behar baitzituzten. Extremadurako Parlamentuak 65 eserleku ditu, eta azken legealdian 28 diputatu izan ditu PPk, PSOEk ere 28 izan ditu, 5 izan ditu Voxek eta 4, berriz, Unidasek.
890.985 herritarrek dute botoa emateko eskubidea: 556.424k Badajozen eta 334.561ek Caceresen. Horietatik gehienak (300.000 inguru) Extremaduran bertan bizi dira, eta 30.610 kanpoan (atzerriko botoa). Badajozen 36 diputatu aukeratuko dituzte, eta Caceresen, berriz, 29.
Hautagaiak
Maria Guardiola (PP), Miguel Angel Gallardo (PSOE), Oscar Fernandez (Vox) eta Irene de Miguel (Unidas) dira hautagaiak.
Hauteskunde kanpaina
Beroa izan da kanpaina amaiera. Besteak beste, posta bidezko ehunka boto lapurtu dituzte, eta iruzur hotsak haizatu ditu eskuinak. Maria Guardiolak bere txoferra kaleratu du, indarkeria matxistagatik zigortua izan dela zabaldu ostean.
Emaitzak
Lehen emaitza ofizialak 21:30erako jakinaraziko dituzte, eta behin betikoak, abenduaren 26an. Ordura arte, beraz, behin-behineko emaitzak izango dira.
Inkestak
Inkesta guztien arabera (CISena barne), PPk irabaziko ditu hauteskundeak, baina ez du gehiengo osoa lortuko. Horiek betez gero, PSOEk beherakada nabarmena izango du, eta Voxek, aldiz, gorakada. Unidas ere hazi egingo dela iragarri dute.
Posta bidezko botoen lapurreta
Badajozko Fuente de Cantos udalerrian posta bidez emandako dozenaka boto ostu dituztela eta, iruzur susmoak hauspotu dituzte PPk eta Voxek. Guardia Zibilaren ustez, ordea, lapurretak ez du motibazio politikorik, eta delitugile arrunten kontua izan dela adierazi du.
Ostegunean lapurreta egin zuten Badajozko hiru posta bulegotan, eta horietako batean, Fuente de Cantos herrikoan, kutxa gotor bat ebatsi zuten, barruan 14.000 euro eta 124 boto zeudela. Guardia Zibilak "erabat kiskalita" topatu zuen kutxa hori, eta botoak inguruan barreiatuta. Diruaren arrastorik ez zuten topatu, ordea.
Zure interesekoa izan daiteke
GOIDIa ikertzen duen epaileak lekuko gisa deklaratzera deitu du Mazon
Horrez gainera, "bere borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre 'Anbotori' espetxe araudia aplikatu zaiola esan du Ubarretxenak
Eusko Jaurlaritzako bozeramaileak azaldu duenez, Iparragirrek beste edozein presoren tratamendu bera jaso du, eta ez da inolako neurri diskrezionalik hartu. Aipatu du ulertzen dutela ETAren biktimei eragin ahal izan dien mina. Hala ere, gogorarazi du neurri horrek birgizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.
Andaluziak 2026ko maiatzaren 17an egingo ditu hauteskunde autonomikoak
Juanma Moreno presidenteak hilabete aurreratu ditu hauteskundeak; izan ere, legegintzaldia ekainean amaitzea aurreikusita zegoen.
Pradalesek ausardiaz jokatzeko garaia dela esan die euskal enpresei
Irango gerrak Euskadiko ekonomian izango duen eraginaz kezkatuta agertu da lehendakaria, ULMA enpresara egin duen bisitan. Onartu egin du hurrengo asteak eta hilabeteak ez direla errazak izango, baina nabarmendu du Europako berrindustrializazioari ekarpen handia egin diezaioketela euskal enpresek.
PPk zer erabaki jakin arte, Gobernua Juntsen menpe egongo da Irango gerraren ondorioak arintzeko beherapen fiskalen dekretua aurrera ateratzeko
Podemosek adierazi du ez duela neurri sortaren aurka egingo, baina uste du ezin duela aldeko botorik eman, beherapen fiskalak ezartzea "prezioen igoerari aurre egiteko bidea" ez delakoan. Hala, abstenitu egingo dela jakinarazi du.
Nafarroako Parlamentuak atzera bota ditu UPNk eta PPk Korrikaren aurka aurkeztutako bi adierazpen instituzional
Taldeen bozeramaileek agerian utzi dituzte euren arteko desadostasunak, euskararen aldeko lasterketan ETAko presoen argazkiak erakustearen eta Korrikaren beraren inguruan.