Elizak bere gain hartuko du sexu-abusuen biktimei eman beharreko kalte-ordainen gastua
Elizak eta Espainiako Gobernuak sexu-erasoak jasan dituztenei erreparazioa emateko akordioa erdietsi dute.
Akordioa sinatu duten unea. EFEren irudia.
Gobernuak eta Espainiako Gotzainen Batzarrak akordioa sinatu dute ostegun honetan, eta, horren arabera, Elizak hartuko du bere gain sexu-abusuen biktimentzako kalte-ordainen gastua. Zehazki, bi aldeek Herri Defendatzailearen bitartez, bide berria irekitzea adostu dute Justiziaren bidez ezinezkoa den kasuetan Eliza Katolikoaren baitan egin diren sexu-erasoak aitortzeko.
Felix Bolaños Presidentzia, Justizia eta Gorteekiko Harremanetarako ministroak, Luis Argüello Espainiako Gotzainen Batzarraren presidenteak eta Jesus Diaz Sariego Erlijiosoen Espainiako Biltzarraren buruak ostegun honetan sinatu dute akordioa.
Justiziaren bidez erreparazioa lortu ezin dutenei erantzuteko asmoz, sexu-abusuen biktima direnei kalte-ordaina emateko plana abian jarri zuen Elizak. Hala ere, biktimetako askok ez dute kasuak aztertzen dituen batzordearen aurrean agertu nahi.
Akordioaren bidez, Elizak eta Estatuak parte hartuko duten sistema mistoa sortuko da, biktimek parte har dezaten eta Elizak kalte-ordainak bere gain har ditzan. Aitortza-mekanismo berriaren arabera, biktimak Justizia Ministerioaren izapidetze-unitate batean hasiko du prozesua, eta Herriaren Defendatzailearen Biktimen Unitateari helaraziko dio kasua.
Zure interesekoa izan daiteke
Euskal Herrian Euskaraz mugimenduak euskararen lege berri bat aldarrikatu du
De Andres: "PP da euskal izaera ondoen defendatzen duena"
Erradikalizazioaren aurrean, gazte sozialistak "euste horma" direla esan du Maider Etxebarriak
Eskuin muturrari aurre egiteko ezberdinen arteko akordio "taktikoa" aldarrikatu du Otegik
Fiskaltzak helegitea jarri du Marisol Iparragirreri bigarren aldiz emandako erdi-askatasuneko erregimenaren aurka
Richar Vaquerok Podemoseko Bizkaiko ahaldun nagusigai izateko hautagaitza aurkeztu du
Politika orokorreko eztabaidak balio izan du lehentasunak eta alderdi bakoitza non dagoen ikusteko, Otxandianoren arabera
Uxue Barkos izango da berriro Geroa Bairen Nafarroako presidentegaia
Rocio Vitero EH Bilduren Gasteizko alkategai izango da berriro
