Zaldibarko EH Bilduk babes osoa agertu dio Arantza Baigorri alkate ohiari, eta "inpartzialtasuna" eskatu du
EH Bilduren esanetan, "lurralde antolamenduarekin lotutako auzi honek ez du zabortegiaren amiltzearekin zerikusirik". Horren ustez, "amiltzearekin lotzeko saiakerek desitxuratzea dute helburu eta erabat lekuz kanpo daude".
Zaldibarko EH Bilduk oharra kaleratu du otsailaren 1ean, Arantza Baigorriren inputazioaren ostean, alkate oihari babesa emateko eta prozesuaren inpartzialtasuna aldarrikatzeko. 2011tik 2018ra bitartean izan zen Zaldibarko alkate Baigorri.
Oharrean, EH Bilduk adierazi du "Zaldibarko EAJ eta PSE alderdiek bultzatu dutela zabortegia: 1996ean EAJ eta PSEk onartu zuten proiektua, 2011ko maiatzean aktibitatea sinatu zuten (EAJk alkatetza galdu baino 16 egun lehenago) eta 2017an Verter Recyclingek zabortegia handitzeko aurkeztutako alegazioaren alde agertu ziren". Gaur egun, 2015etik aurrerako edozein kausa preskribaturik legoke.
Zabortegiaren ibilbide osoan, EH Bildu izan da "hasieratik eta beti kontra egon den alderdi bakarra", koalizio abertzalearen arabera, eta gogora ekarri dute, besteak beste, "zabortegia handitzeko alegazioen aurka bozkatu zuela EH Bilduk, Arantza Baigorri alkate zela".
"Zabortegiak behar zuena baino leku gehiago okupatzen zuela jakitea eta Verter Recyclingi mesede egitea leporatzen zaio Arantza Baigorriri", Zaldibarko EH Bilduk zabaldutako oharraren arabera, eta hori "zentzugabea" dela esan du, "Zaldibarko HAPOak Udaleko zein Foru Aldundiko teknikari guztien onespena izan baitzuen, baita Imanol Pradales Azpiegiturak eta Lurralde Garapeneko foru diputatuarena ere".
Zaldibarko EH Bilduren esanetan, Ertzaintzak "Juan Mari Uriarte EAJko alkateorde ohiaren testigantzan oinarritzen du" ia erabat Fiskaltzari aurkeztutako txostena, eta koalizio subiranistari "sinesgaitza" egiten zaio ibilbide guztia ikusita, "Arantza inputatuta egotea eta EAJko alkate eta alkateordeak ez".
Bestalde, salatu dutenez, "Eusko Jaurlaritzak 2019an zabortegian egin zuen ikuskaritzan jakin zuen zabortegiak zegokiona baino eremu handiagoa zuela, eta, halere, ez zuen Zaldibarko Udala jakinaren gainean jarri". "Gertakari hau argitu beharra dago", ohar bidez zabaldu dutenaren arabera.
"Lurralde antolamenduarekin lotutako auzi honek ez du zabortegiaren amiltzearekin zerikusirik"
EH Bilduren esanetan, "lurralde antolamenduarekin lotutako auzi honek ez du zabortegiaren amiltzearekin zerikusirik". Horren ustez, "amiltzearekin lotzeko saiakerek desitxuratzea dute helburu eta erabat lekuz kanpo daude".
2024an abiatu zen ikerketa honetan, Zaldibarko Udalak eskatutako dokumentazio guztia aurkeztu dutela nabarmendu, eta "gardentasun osoz" jokatu dutela eta horrela jarraituko dutela berretsi dute.
Azkenik, Arantza Baigorriri "babes osoa" agertu dio Zaldibarko EH Bilduk; eta, horrez gain, "prozesua inpartzialtasunez betetzeko" eskatu du.
Zure interesekoa izan daiteke
Kongresuak "blokeo politikoa" dagoela egiaztatu du eta ustelkeriagatik "ardura hartzeko" eskatu dio Sanchezi
Mozioa aurrera atera da PP, Vox, UPN eta Junts alderdien aldeko 177 botoekin, eta EAJ eta Coalicion Canaria abstenitu egin dira. Gainerako talde parlamentarioek idatzi horren kontra bozkatu dute.
Epaileak Zapateroren alabak eta idazkaria inputatu ditu
Ustelkeriaren aurkako Fiskaltzak eskatuta hartu du erabakia epaileak, beren defentsarako eskubidea baliatu ahal izan dezaten.
Chivitek Foru Hobekuntzaren erreforman euskara berezko hizkuntza gisa aitortzea proposatu du
Nafarroako presidenteak proposamen hori defendatuko du Foru Hobekuntzaren erreforman, eta hizkuntza hezkuntzatik, aniztasunetik eta ezagutzatik lantzearen aldeko apustua egingo du, eztabaida politikotik urrun.
Trumpek akordioa sinatu du Iranekin, Versaillesera egindako bisitan
AEBko presidenteak aurreikusitakoa baino bi egun lehenago zigilatu du ituna. Iranek dio Israelek Libanoko hegoaldetik erabat erretiratzeari uko eginez gero, akordioa bertan behera geratuko litzatekeela. Akordioak, 14 puntuz osatua, 60 egun ematen dizkie aldeei beste atal batzuk negoziatzeko.
EAJk Sanchezen gaineko presioa areagotu du, eta PPk "Parlamentua isilaraztea" leporatu dio
Kongresuan egin duten Gobernuaren kontrol saiak bi gai nagusi izan ditu. Batetik, EAJk Sanchezi aurrekontu batzuk aurkezteko edo hauteskundeak deitzeko eskaria egin dio. Bestetik, PPk kritika ugari egin dizkio hauteskundeak aurreratzeko bere bozketa proposamena atzera bota ondoren.
Aske utzi dute Enrique Maya Iruñeko alkate ohiari egindako erasoarekin lotuta atxilotu duten gizona
Joan den ekainaren 9an, Iruñeko alkate ohia iraindu eta bularrean kolpatu zuten Estafeta kalean, inolako kalterik jasan gabe. Egun batzuetako ikerketaren ostean, atzo, asteartea, gizon bat atxilotu zuten autoritatearen aurkako atentatu delitu bat egotzita.
Epaileak ez dio kautelazko neurririk ezarri Zapaterori, ez baitu ihes egiteko eta frogak suntsitzeko arriskurik ikusi
Epailearen esanetan, “ez ditu ezeztatu inputazio autoan jasotako delitu zantzu arrazoizkoak”.
Pradalesek elikagaien eta energiaren BEZa jaistea eskatu dio Sanchezi, eta oposizioak erantzun falta kritikatu du
Eusko Legebiltzarrak bizimodu duina bermatzeko osoko bilkura monografikoa egin du gaur, EH Bilduk bultzatuta. Otxandianok ohartarazi du ongizaterako arrisku nagusia ez dela balizko "inbasio militar bat", etxebizitzen garestitzea eta soldata txikiak baizik, eta sektorea "desmerkantilizatzea" eskatu du.
Zapaterok deliturik egin izana ukatu du epailearen aurrean: "Egia nagusituko da, eta zalantzan daudenei konfiantza itzuliko diet"
Espainiako Gobernuko presidente ohia eraikinaren atari nagusitik sartu da, eta hiru orduz deklaratu du. Ondoren zabaldu duen oharrean, errugabea dela berretsi du: "Mingarriena da jakitea jende asko etsita senti daitekeela, nitaz esaten direnak sinesten baditu".
Albiste izango dira: Zapateroren deklarazioa Auzitegi Nazionalean, lehendakariari elkarrizketa eta Azkena Rock jaialdiaren aurkezpena
Gaurkoan Orain-en albiste izango direnen laburpena, bi hitzetan.