Gorenak Auzitegi Nazionalaren esku utzi du Abalos, Cerdan eta Garciaren gaineko ikerketaren zati bat
Ministro ohiak diputatu aktari utzi ostean, hura ikertzeko eskumenik ez duela iragarri du Gorenak. Koldo auziaren pieza nagusiak, baina, haren esku jarraitzen du.
Abalos, Kongresuko bere eserlekuan, diputatu akta utzi aurretik. Argazkia: EFE
Leopoldo Puente Auzitegi Goreneko magistratuak Auzitegi Nazionalaren esku utzi du Koldo auziaren piezetako bat, obra publikoetan iruzurrak egin ote zituzten ikertzen duena, alegia.
Besteak beste, Jose Luis Abalos ministro ohia, Koldo Garcia horren aholkularia, Victor de Aldama enpresaburua eta Santos Cerdan PSOEren Antolaketa idazkari ohia daude ikerketapean pieza horretan.
Gorenak auto batean azaldu duenez, Abalosek diputatu akta utzita, auzitegiak kasua ikertzeko zuen eskumena galdu du (forudunak direnak ikertzeko eskumena du Gorenak).
Irailean abiatu zuten ustezko amarruen pieza hori, obra publikoetan egindako esleipenetan gorabeherak atzeman baitzituzten. Ikerketa hasi berria zuen, hortaz, Gorenak.
Gauzak horrela, Koldo auziaren pieza nagusia —pandemia garaian maskarak erosteko izan ziren irregulartasunak ikertzen dituena— baino ez du orain Auzitegi Gorenak. Ahozko epaiketa apirilerako aurreikusi dute. Dena dela, EFEk kontsultatutako iturri juridikoen arabera, baliteke defentsek argudiatzea auzi horretan Gorenak eskumenik ez duela.
Auzitegi Nazionalak Koldo auziaren beste hainbat ildo ditu ikerketapean, honakoak: 2017-2024 tartean, PSOEk buruzagiei, langileei eta militanteei ustez eskudirutan egindako ordainketak eta Hidrokarburoen auzia, hots, Villafuel enpresak egindako ustezko iruzurra ikertzen duena.
Zure interesekoa izan daiteke
Podemos Euskadik akordioa lortu du EAJrekin eta PSE-EErekin EAEn tasa turistikoa ezartzeko
Alderdi moreak aurreratu duenez, bihar emango dituzte itunaren xehetasunak, Donostian egingo duten prentsaurrekoan. Turismo egonaldien gaineko zergaren Foru Arauaren proiektua tramitazio bidean dago Arabako, Bizkaiko eta Gipuzkoako batzar nagusietan.
Euskadiko Gardentasun Legearen gakoak: informazio publikorako sarbidea, kontrol handiagoa eta kexa-postontzia
Gardena izeneko organo independenteak legea betetzen dela bermatuko du. Sektore publikoko administrazio, organismo eta erakunde guztiak eta pribatuak hartuko dituen jarduera-eremua izango du, baldin eta ez betetzea Euskadira mugatzen bada.
Zurekin Nafarroa: “Hautsi egin da Geroa Bairengan geneukan konfiantza”
Carlos Guzman Zurekin Nafarroaren Parlamentuko bozeramaileak adierazi duenez, Geroa Bairekin zuten konfiantza "hautsi" egin da, UPNk hezkuntza itunduaren inguruan egindako lege proposamenaren bozketan abstenitu egin baita.
Geroa Baik esku hartzeko eskatu dio Chiviteri, gobernukideak berriro adiskidetu daitezen
Pablo Azcona Geroa Bairen bozeramaileak Maria Chivite Nafarroako presidenteari eskatu dio "egoera bideratzeko, leheneratzeko, egonkortasuna bermatzeko eta gobernukideek elkar uler dezaten bermatzeko". Horretara mintzatu da, UPNk proposatutako itunpeko hezkuntzari buruzko lege proposamena onartu ostean.
Nafarroako gobernukideak banatuta atera dira legegintzaldi honetan izan den eztabaida tirabiratsuenetik
Lehen presidenteordeak biltzera deitu ditu PSN, Geroa Bai eta Contigo-Zurekin, "legealdia amaitu arte, eta gero ere bai, sinatutako konpromiso politikoa aztertzeko eta, hala badagokio, berresteko". Testuinguru horretan, "konpromisoa" eskatu die alderdiei.
Nafarroako Parlamentuak urtebeteko luzamendua onartuta, itunpeko sareko 14 ikasgelak ez dira itxiko datorren ikasturtean
UPNk bultzatutako ekimenak erregionalisten, PPren eta Voxen aldeko botoak jaso ditu. EH Bildu eta Geroa Bai abstenitu egin dira, eta PSNk eta Contigo Zurekin alderdiek kontra bozkatu dute.
Geroa Baik eta PSNk ikasgelen auzian itxitako akordioa kolokan, iragarri eta ordu gutxira
Geroa Baik ohartarazi du ez dagoela adostutakoa betzeko bermerik, PSNk "jarrera aldatu ezean". Sozialistek koalizioari eskatu diote "hausnartzeko" eta "konpromisoari eusteko".
Euskal Gardentasun Legeak aurrera egin du, oposizioaren babesik gabe
Gardentasunaren Euskal Lege berriak informazio publikorako sarbidea, herritarren parte-hartzea eta lobbyen jarduera arautuko ditu. Araua EAJren eta PSEren babesarekin atera da aurrera, eta oposizio osoak baztertu du, uste baitute ez dela nahikoa eta anbiziorik gabekoa dela.
PSNk eta Geroa Baik behin betiko hautsi dituzte hezkuntza itunen inguruko negoziazioak
PSNren, Geroa Bairen eta EH Bilduren arteko elkarrizketak hautsi egin dira Nafarroako Parlamentuan, eta ez dago akordiorik itunpeko sareko 14 unitate ixtea saihesteko. Zuzenketen bozketak erabakiko du orain UPNk hezkuntza itunen inguruan bultzatutako lege proposamenak aurrera egiten duen ala ez.
Albiste izango dira: Itunpeko ikasgelen itxierari buruzko osoko bilkura, Xi Jinping eta Donald Trumpen arteko bilera eta Orioko balea harrapatu zutela 125 urte
Gaurkoan Orain-en albiste izango direnen laburpena, bi hitzetan.