EAJk Estatuari martxoaren 3ko sarraskiaren ardura har dezala eskatu dio, eta horrek beste aurrez aurreko bat ekarri du jeltzale eta sozialisten artean
EAJk eta EH Bilduk Espainiako Gobernuari eskatu diote aitor dezala martxoaren 3ko sarraskian erantzukizun zuzena izan zuela, eta aitortza horrekin maila goreneko adierazpen ofiziala egin dezala. PSE-EE ez dator bat eskari horrekin.
EAJren eta PSE-EEren arteko enegarren talka geratu da gaur agerian Eusko Legebiltzarrean. Oraingoan, martxoaren 3ko sarraskian Espainiako Gobernuak izan zuen arduraren inguru ez dira bat etorri bi gobernukideak, eta aurrez aurrekoa izan dute. 1976ko gertakarian, Espainiako Poliziak bost langile hil zituen, tiroz, Gasteizen.
50. urteurrena dela eta EH Bilduk eta Sumarrek sinatutako legez besteko proposamena aurkeztu dute Gasteizko Ganberan, Espainiako Gobernuari langileen hilketan izan zuen "erantzukizun zuzena" aitor dezala eskatzeko. Halaber, 1978ko Sanferminetan, Iruñean, izandako istiluetan poliziak hildako gaztearen heriotzaren erantzulea Estatua bera ere badela aitortzea eskatzen da ekimenean.
Jeltzaleak eta sozialistak ez dira bat etorri gaiaren inguruan, eta zuzenketa bana aurkeztu dute, nork bere aldetik. EAJ bat dator Estatuari aipatutako aitortzak eskatzean, eta maila goreneko adierazpen ofiziala egin dezala galdegitean ere bai.
PSE-EE ez dago ados exijentzia horrekin, eta egin duen zuzenketan ez dio ardurarik eskatu Estatuari. Gainerakoan, jeltzaleen testu berbera eraman du Legebiltzarrera.
Talka gehiago
Azken hilabeteotan hainbat ika-mika izan dituzte publikoki EAJk eta PSE-EEk. Aurrenetarikoa Gasteizko Arana auzoan Espainiako Gobernuak ireki asmo duen errefuxiatuentzako zentroak piztu zuen: sozialistek Madrilgo Exekutiboaren plana babestu zuten eta EAJ kontra agertu zen, "euskal harrera ereduarekin talka" egiten duelakoan.
Administrazio publikoaren lan-eskaintzetako euskara eskakizunen inguruan ere ez dira bat etorri bi alderdiok, eta agerian geratu zen Enplegu Publikoaren Lege erreformarako jeltzaleek euren proposamena erregistratu zutenean.
Azken asteotan, berriz, Pasaiako Portuaren kudeaketa EAEra eskualdatzeko eskariak eta Ayesa enpresaren erosketak jarri ditu parez pare gobernu bazkideak.
Zure interesekoa izan daiteke
Jaurlaritza AEKren ordezkariekin bilduko da, Korrikaren balorazioa egiteko
"Erakunde bati dagokiona egingo dugu: ebaluazio bilera bat egingo dugu Korrikaren arduradunekin, Gobernua parte den ekitaldi orotan egin ohi dugun bezala", azaldu du Ibone Bengoetxea lehenengo lehendakariordeak.
Jaurlaritzak 'Jauzia Gara' Euskararen Plan Estrategikoa onartu du erabileran "jauzi kualitatiboa" emateko
Ibone Bengoetxea lehen lehendakariorde eta Kultura eta Hizkuntza Politikako sailburuak azpimarratu duenez, "inoiz baino euskaldun gehiago dugu, baina erronka nagusia erabileran dago". Helburua da euskararen ezagutzan eta, bereziki, erabileran "jauzi kualitatiboa" ematea, hizkuntza eskubideak bermatzeko eta euskararen presentzia gizarteko eremu guztietan handitzeko.
Arnaldo Otegik "heriotza-mehatxuak" jaso zituela salatu du Gasteizko epaitegi batean
Mehatxuak abenduan gertatu ziren, mezu elektroniko baten bidez, baina ez zen salaketaren berri eman. EH Bilduren koordinatzaile orokorrak epaitegietan deklaratu ondoren filtratu da auzia.
Zupiriak "irmo eta erabat" gaitzetsi ditu Otegik jasandako heriotza-mehatxuak
Arnaldo Otegi EH Bilduren koordinatzaile nagusiak ertzain-etxean salatutako heriotza-mehatxuei buruz galdetuta, Bingen Zupiria Eusko Jaurlaritzako Segurtasun sailburuak deitoratu du horrelako gertaerek "elkarbizitza kolokan" jartzen dutela.
Albiste izango dira: Jaurlaritzaren Gobernu Kontseilua, Gatazka Ekialde Hurbilean eta BBK Liven XX. urteurrenaren aurkezpena
Gaurkoan Orain-en albiste izango direnen laburpena, bi hitzetan.
Espainiako Estatuko aire-espazioan sartzea galarazi diete Irango gerran parte hartzen ari diren hegazkinei
PPk "inprobisaziotzat" jo du erabakia, eta PSOEk, berriz, "neurri koherentea" dela esan du.
Aitor Esteban: "Harritu egin ninduen Korrikaren azken mezua Bilduren munduari oso lotuta dauden zazpi gaztek egin izanak"
EAJko EBBren presidenteak euskarak Administrazioan izango duen pisuaz akordio bat lortzea espero du, eta euskarari "segurtasun juridikoa" ematearen alde agertu da.
"Subiranotasunaren bidean beste jauzi bat" eskatuko dute EH Bilduk eta EH Baik Aberri Egunean
"Euskal Herriaren oraina eta etorkizuna erabakitzeko gaitasuna eta gure herriaren hitza errespetarazteko bermeak behar ditugu", nabarmendu dute bi alderdiek astelehen honetan Irunen egindako agerraldian.
Aitor Estebanen ustez, EAJren buru gisa egin duen urtea “positiboa” izan da, eta emakume eta gazte gehiagoren aldeko apustua egin du
Aitor Esteban EAJko EBBren presidenteak karguan bete berri duen lehen urtearen inguruko balantze "positiboa" egin du. Horrekin batera, aireportuen gaineko akordioa eta Euskadik horiek kudeatzeko duen gaitasuna defendatu ditu, eta kritikatu egin du PSE-EE aireportuak kudeatzeko neurriak murrizten saiatu izana.
"Fronte zabalak eraikitzea" eskatu du EH Bilduk, "ultraeskuinaren mehatxuaren aurrean"
Koalizio abertzaleak ohar bidez jakinarazi duenez, Sonia Jacinto Antolakuntza idazkaria eta Gorka Elejabarrieta Harreman Politikoetarako idazkaria Argentinara eta Uruguaira joan dira azken egunotan, eta hainbat ordezkari politiko, giza eskubideen aldeko erakunde eta euskal diasporako kiderekin bildu dira han.