Santurtziko oposizioko alderdiek aho batez salatu dute alkateak haiek jo izana dimisioaren erantzule
Karmele Tubilla Artetxe Santurtziko alkateak dimisioa eman du "arrazoi pertsonal, profesional eta politikoengatik", eta gainerako alderdi politikoek EAJren irudia kaltetzeko erabiltzen ari direla salatu du.
Santurtziko Udalaren aurrealdea. Argazkia: EFE
Ezustean hartu dute Santurtziko Udaleko oposizioko alderdiek Karmele Tubilla alkatearen dimisioa, eta talde guztiek gogor kritikatu dute buruzagi jeltzaleak haiei leporatzea egoeraren ardura.
Goizean argitaratutako ohar batean jakinarazi du Tubillak dimisioa. "Arrazoi pertsonal, profesional eta politikoengatik" uzten duela kargua argitu ondoren, oposizioko alderdiei egotzi die EAJren irudia kaltetzeko erabiltzea alkatea.
Azaroan, Tubillak haren eginkizunetatik kendu zuen Sonia Lopez Segurtasun arloko zinegotzia, harengan zuen konfiantza hautsi baitzuen, sindikatuek udaltzain bati egindako igoera-azterketa baten ustezko filtrazioa salatu ostean.
Gaurko osoko bilkuran, gai hori zuten aztergaietako bat, eta ordubete lehenago zabaldu da dimisioaren berria.
EH Bildu: "EAJren aroa agortu da"
Berehala etorri dira oposizioko alderdien erreakzioak. Naiara Gutierrez EH Bilduren zinegotziak uste du alkatearen dimisioak agerian utzi duela "EAJren aroa agortu" dela. Haren hitzetan, Santurtzitik "kanpoko bulegoetan" ari dira erabakiak hartzen, eta kudeaketa horrek huts egin duela erakusten du egoera honek.
Gutierrez harrituta agertu da, alkateak oposizioa jo duelako dimisioaren errudun. Gogoratu du "gutxiengoan gobernatzea aukera zilegia" dela, baina "akordioak" ezinbestekoak direla aurrera egiteko, eta Santurtzin ez da halakorik egon, esan duenez.
Ustezko filtrazioaren inguruan Tubillak informazioa ezkutatu duela ere salatu du.
Naiara Gutierrez, EH Bildu. Argazkia EFE
PSE-EE: "EAJren proiektua agortuta dago"
Ildo beretik mintzatu da Juan Andrade PSE-EEren zinegotzia ere. Ziurtatu du alkateak berak eta talde jeltzaleak "zikindu" dutela EAJren irudia.
Ordezkari sozialistak, halaber, aitortu du "sorpresaz" hartu duela berria, eta komunikabideen bidez jakin izana kritikatu du. Hala, dimisioa emateko modua ez dela egokia izan esan du; alde egiteko modua eta agintzen egon denekoa alderatu ditu, "klase gutxi" erakutsi duela adierazteko. "Ezer esan gabe eta haizagailua martxan jarrita, ardura guztia oposizioaren bizkar utziz".
Juan Andrade, PSE-EE. Foto: EFE
Elkarrekin Podemos: "Berandu datorren berria, baina arduratsua"
Elkarrekin Podemosen ustez, Santurtziko Udaltzaingoaren lan-eskaintza publikoan gertatutakoa "larria" da, eta alkateak kargua uztea beharrezkoa zen. "Berandu" iritsi arren, "erabaki arduratsua" dela esan du talde moreak.
Jose Manuel de Pablo Elkarrekin Podemosen zinegotziaren arabera, Santurtziren izena "gardentasun ezarekin" zikindu dute udal arduradunek.
Jose Manuel de Pablo, Elkarrekin Podemos. Argazkia: EFE
PP: "Hauteskunde taktika"
Azkenik, Luis Angel Urdiales PPren zinegotziak hauteskunde usaina hartzen dio alkatearen dimisioari, eta "halabeharrez egindako mugimendua" dela uste du. "Kudeaketa eta proiektu eza estaltzeko mugimendua", esan du.
"Berandu, gaizki eta arrastaka" emandako urratsa izan dela ere adierazi du. Haren iritzian, erabakiaren atzean ez dago "arrazoi pertsonalik zein profesionalik". "Filtrazioarekin zer gertatu den ez dute azaldu nahi".
Luis Angel Urdiales, PP. Argazkia: EFE
Zure interesekoa izan daiteke
Jaurlaritza AEKren ordezkariekin bilduko da, Korrikaren balorazioa egiteko
"Erakunde bati dagokiona egingo dugu: ebaluazio bilera bat egingo dugu Korrikaren arduradunekin, Gobernua parte den ekitaldi orotan egin ohi dugun bezala", azaldu du Ibone Bengoetxea lehenengo lehendakariordeak.
Jaurlaritzak 'Jauzia Gara' Euskararen Plan Estrategikoa onartu du erabileran "jauzi kualitatiboa" emateko
Ibone Bengoetxea lehen lehendakariorde eta Kultura eta Hizkuntza Politikako sailburuak azpimarratu duenez, "inoiz baino euskaldun gehiago dugu, baina erronka nagusia erabileran dago". Helburua da euskararen ezagutzan eta, bereziki, erabileran "jauzi kualitatiboa" ematea, hizkuntza eskubideak bermatzeko eta euskararen presentzia gizarteko eremu guztietan handitzeko.
Arnaldo Otegik "heriotza-mehatxuak" jaso zituela salatu du Gasteizko epaitegi batean
Mehatxuak abenduan gertatu ziren, mezu elektroniko baten bidez, baina ez zen salaketaren berri eman. EH Bilduren koordinatzaile orokorrak epaitegietan deklaratu ondoren filtratu da auzia.
Zupiriak "irmo eta erabat" gaitzetsi ditu Otegik jasandako heriotza-mehatxuak
Arnaldo Otegi EH Bilduren koordinatzaile nagusiak ertzain-etxean salatutako heriotza-mehatxuei buruz galdetuta, Bingen Zupiria Eusko Jaurlaritzako Segurtasun sailburuak deitoratu du horrelako gertaerek "elkarbizitza kolokan" jartzen dutela.
Albiste izango dira: Jaurlaritzaren Gobernu Kontseilua, Gatazka Ekialde Hurbilean eta BBK Liven XX. urteurrenaren aurkezpena
Gaurkoan Orain-en albiste izango direnen laburpena, bi hitzetan.
Espainiako Estatuko aire-espazioan sartzea galarazi diete Irango gerran parte hartzen ari diren hegazkinei
PPk "inprobisaziotzat" jo du erabakia, eta PSOEk, berriz, "neurri koherentea" dela esan du.
Aitor Esteban: "Harritu egin ninduen Korrikaren azken mezua Bilduren munduari oso lotuta dauden zazpi gaztek egin izanak"
EAJko EBBren presidenteak euskarak Administrazioan izango duen pisuaz akordio bat lortzea espero du, eta euskarari "segurtasun juridikoa" ematearen alde agertu da.
"Subiranotasunaren bidean beste jauzi bat" eskatuko dute EH Bilduk eta EH Baik Aberri Egunean
"Euskal Herriaren oraina eta etorkizuna erabakitzeko gaitasuna eta gure herriaren hitza errespetarazteko bermeak behar ditugu", nabarmendu dute bi alderdiek astelehen honetan Irunen egindako agerraldian.
Aitor Estebanen ustez, EAJren buru gisa egin duen urtea “positiboa” izan da, eta emakume eta gazte gehiagoren aldeko apustua egin du
Aitor Esteban EAJko EBBren presidenteak karguan bete berri duen lehen urtearen inguruko balantze "positiboa" egin du. Horrekin batera, aireportuen gaineko akordioa eta Euskadik horiek kudeatzeko duen gaitasuna defendatu ditu, eta kritikatu egin du PSE-EE aireportuak kudeatzeko neurriak murrizten saiatu izana.
"Fronte zabalak eraikitzea" eskatu du EH Bilduk, "ultraeskuinaren mehatxuaren aurrean"
Koalizio abertzaleak ohar bidez jakinarazi duenez, Sonia Jacinto Antolakuntza idazkaria eta Gorka Elejabarrieta Harreman Politikoetarako idazkaria Argentinara eta Uruguaira joan dira azken egunotan, eta hainbat ordezkari politiko, giza eskubideen aldeko erakunde eta euskal diasporako kiderekin bildu dira han.