Gazteria Legea aldatzeko proposamena erregistratu dute EAJ eta PSE-EEk, adin txikikoen udalekuak zorrotzago kontrolatzeko
Presazko prozeduraren bitartez erregistratu dute, eta bi hilabeteko epean aldaketak indarrean egotea aurreikusten du Nerea Melgosa Gazteria, Ongizate eta Erronka Demografikoko sailburuak.
Bernedoko kanpamentuen harira izandako polemikaren ostean eta adin txikikoen udalekuak zorrotzago kontrolatzeko helburuz, Gazteria Legearen erreforma erregistratu dute, gaur goizean, EAJk eta PSE-EEk Eusko Legebiltzarrean.
Lege proposamenaren arabera, udalekuen antolatzaileek erantzukizun adierazpena aurkeztu beharko dute Eusko Jaurlaritzaren edo tokian tokiko foru aldundiaren aurrean. Orain arte, nahikoa zuten aldez aurreko komunikazioa egitearekin.
Aldaketa hori tarteko, antolatzaileek beren gain hartuko dituzte ezarritako baldintzak eta arauak betetzearen gaineko erantzukizun osoa.
Horrez gain, adin txikikoekin lan egiten duten langile guztiek sexu delituen ziurtagiri negatiboa izan beharko dute, eta urtero berritu, aurrekaririk ez dutela egiaztatzeko.
Aldi berean, zerbitzu eta ekipamenduek ezarritako baldintzak betetzen dituztela erakutsi beharko dute antolatzaileek. Horrela bada, tokian-tokian eskumena daukan erakundearen oniritzia jasoko dute.
Azkenik, arau hausteen eta zehapenen araubidea berrikusi egingo da. Gauzak horrela, arau hauste larria izango da delitu sexualen ziurtagiri negatiborik, erantzukizun zibileko asegururik ez izatea edota instalazio edo ekipamenduen beharrezko segurtasun neurririk ez izatea. Aitzitik, arau hauste oso larritzat joko dira arrazismoa, xenofobia, indarkeria matxista edo beste edozein indarkeria mota sustatzen duten jarduerak.
Aldaketak bi hilabeteko epean sartuko dira indarrean
EAJk eta PSE-EEk presazko prozeduraren bitartez erregistratu dute lege erreforma, eta, hortaz, bi hilabeteko epean aldaketak indarrean egotea aurreikusten du Nerea Melgosa Gazteria, Ongizate eta Erronka Demografikoko sailburuak.
Lege erreformak Bernedoko udalekuan izan dezakeen eraginaz galdetuta, gainerako udalekuek bezala legeak ezarritakoa bete beharko duela azpimarratu du Melgosak.
Zure interesekoa izan daiteke
Aitor Esteban estatus berriaren itunaz: "Duela pare bat aste itxaropentsu nengoen, orain zalantzak ditut"
Egun On saioan egin dioten elkarrizketan, Aitor Esteban EAJren EBBko presidenteak aitortu du EAJ, EH Bildu eta PSE-EEren arteko hiruko-elkarrizketetan "itxaropentsu" zegoela "duela pare bat aste" estatus berria adostearekin, baina orain "zalantzak" dituela. "Ateak irekita daudela dirudienean, ustekaberen bat" gertatzen da, esan du.
ETAko preso batzuk jasotako espetxe baimen eta gradu aldaketaren inguruko eztabaida izan da Legebiltzarrean
ETAko presoei mesede tratua ematea leporatu diete Javier de Andres Euskadiko PPko buruak eta Amaya Martinez Voxeko parlamentariak Imanol Pradales lehendakariari eta Maria Jesus San Jose Justizia sailburuari.
Zupiriak “zentzuz” jokatzeko eskatu du, Voxek Gasteizen deitutako ekitaldiaren aurrean
Eusko Jaurlaritzaren esanetan, “alderdi autoritario baten ekitaldia” izango da, “15 lagunek deituta”.
Aldakako ebakuntza berri bat egingo diote Aburtori martxoaren 9an
Hilabete eta erdi inguruko beharko du Aburtok osatzeko, eta Amaia Arregi egungo alkateordeak beteko ditu alkate lanak aldi horretan.
Jon Enparantza eta Arantza Zulueta Martuteneko espetxean sartu dira
Otsailaren 3an espetxeratzeko agindua eman zuen Auzitegi Nazionalak 2022an ezarritako zigorra bete ahal izateko eta euren kabuz joan dira espetxera.
Iraungitako txertoen kasuari lotutako batzorde independente bat eratzeko eta erantzukizunak eskatzeko proposamenak atzera bota dituzte EAJk eta PSEk
Jeltzaleek eta sozialistek iragarritako neurriak arintzeko eskatu diote Osasun Sailari, "akatsen arriskua gutxitzeko".
EHUk Arabako campusa itxiko du astelehenean, Voxen ekitaldi bat dela-eta
Eskuin muturreko alderdiak otsailaren 23aren oroigarri gisa egin du deialdia, “unibertsitatean askatasuna defendatzeko ezker abertzalearen aurrean”.
Eudelek aurrekontuak luzatu ditu, 40 urtean lehen aldiz, EH Bilduren abstentzioaren ondorioz
EH Bildu atzo iragarri zuenez, koalizio abertzaleko zinegotziek aurrekontua atzera botatzeko asmoa zuten, gaurko bozketan abstenituz, EAJk bultzatutako zuzendari berriaren hautaketa prozesuarekin ados ez zeudelako. Esther Apraiz Eudelen presidenteak adierazi du"intituzioa etsirik" dagoela erabakiaren aurrean, eta ohartarazi du horrek "zaildu" egingo duela hainbat proiektu egitea.
Jaurlaritzak begi onez hartu du bizitzeko baimena berritu nahi duten migratzaileei hizkuntza ofizialetan egiten jakitea eskatzea
Kataluniako Gobernuak egin du proposamena, hizkuntza kohesiorako eta hobeto integratzeko elementu gisa baliatu daitekeelakoan. Ildo horretatik, euskara jakitea migratzaileen integrazio prozesua indartzeko kohesio tresna izatea nahi du Eusko Jaurlaritzak.