Parte-hartzea % 27koa izan da 12:00etan Pirinio Atlantikoetan, duela sei urtekoaren parekoa
08:00etan zabaldu dituzte hauteslekuak. Bi itzuliko hauteskundeak izan arren, udal gehientsuenetan, % 90ean, lehen itzulian erabakita geldituko da nor izango den auzapeza eta nortzuk izango diren herriko kontseilariak.
Emakume bat, Baionako hautesleku batean boto-paperak hartzen. Argazkia: EITB
Prefeturak emandako datuen arabera, parte-hartzea % 26,74koa izan da 12:00etan Pirinio Atlantikoetako udal hauteskundeetan. Parte-hartzea duela sei urteko bozetan ordu berean izandakoaren antzekoa izan da (% 26,40koa izan zen orduan) eta 2014koa hobetu du (% 25,62koa izan zen). Frantziako Estatuko parte-hartzearen datuekin alderatuta, berriz, nabarmen altuagoa da (herritarren % 19,37k baino ez dute bozkatu estatu osoan ordu horretarako).
Hauteslekuak 08:00etan zabaldu dituzte, eta 18:00ak arte egongo dira irekita. Guztira, 160 auzapez aukeratuko dituzte bozetan. Frantziako Estatuko udal hauteskundeek bi itzuli izan ohi dituzte, baina Ipar Euskal Herriko udal gehientsuenetan, % 90ean, lehen itzulian erabakita geldituko da nor izango den auzapeza eta nortzuk herriko kontseilariak. Izan ere, udal gehienetan hautagaitza bakarra (116 udalerritan) edo bi (30 udalerritan) izango dira aukeran, eta nahikoa izango dute gutxieneko boto-kopurua lortzea. Litekeena da 15 bat herritan, Baionan, Biarritzen eta Angelun esaterako, bigarren itzulia behar izatea.
Auzapezak eta udal kontseilariak hautatzeaz gain, Euskal Hirigune Elkargoko kideak ere aukeratuko dituzte.
Lehia estua espero da Baionan
Hautagaiek bozkatzeko deia egin diete herritarrei, eta badirudi interesa piztu dutela, boto-emaileen joan-etorria nabarmena izan baita.
Baionan, agintaldia hirugarrenez errepikatu nahian aurkeztu da Jean Rene Etchegaray zentrista. Kazetariei aitortu dienez, "lasai" dago, boto-emaileek baitute azken hitza. Guztira, bost zerrenda lehiatuko dira Lapurdiko hiriburuan: Etchegarayrena; ezkerra, hiru hautagaitzatan banatua, eta eskuin-muturrarena (ipar Euskal Herrian, bakarra). Hori horrela, agerian da bigarren itzulia erabakiko dela auzapezgoa.
Kanbo (Lapurdi) da beste arretaguneetako bat. Izan ere, Peio Etxeleku jeltzalea egungo alkatearen zerrendatik irten eta hautagaitza propioarekin aurkeztu da. Ezkerreko zerrenda abertzalearekin, hiru hautagai izango dira lehian. Etxelekuk nabarmendu duenez, "30 urteotan ez da halakorik gertatu (hautagaitza bat baino gehiago izatea) eta badirudi interesa sortu dugula". Etxelekuk Euskal Hirigune Elkargoaren burua ere jokatu nahi dio Etchegarayri, eta alkate izatea erabakigarri izango da.
Biarritzen sei hautagaitza izango dira parez pare. Maider Arosteguy kontserbadorea alkatetzan jarraitzeko itxaropentsu agertu da, baita "lasai" ere, adierazi duenez.
Biarrizko egungo auzapeza, Arosteguy, boza ematen.
Zure interesekoa izan daiteke
Eusko Jaurlaritzak harridura azaldu du Espainiako Estatuak aireportuen inguruan egindako azken proposamenaren aurrean
Euskadiko aireportuen kudeaketaz hitz egiteko Madrilen izango da astelehen honetan Maria Ubarretxena Eusko Jaurlaritzako Autogobernu sailburua. Azken proposamenak ez omen ditu jasotzen Euskadiren eskakizunak.
Ubarretxena Madrilen izango da bihar EAEko aireportuen aldebiko kudeaketan aurrera egiteko
Batzarraren helburua da aireportuek interes orokorreko sailkapena ez galtzea, baina horiek kudeatzeko aldebiko erakunde bat sortzea. Hain justu, auziaz galdetuta, akordio baten inguruan baikor agertu da Marisol Garmendia.
Otegi: "Gure izenean ez dago gerra inperialistarik, ez herrien aurkako erasorik"
EH Bilduren idazkari nagusiak gogorarazi du duela 40 urte Hego Euskal Herriak ezetz esan ziola erreferendum batean NATOri, eta koalizioak "autodeterminazioa, gerrarik ez, bakeari bai eta herrien burujabetza" defendatzen dituela nabarmendu du.
Parte-hartzea % 12,58koa izan da Gaztela eta Leonen 11:30ean
2022an baino 1,28 puntu altuagoa izan da. PP da garaipena errepikatzeko faborito. Datorren legegintzaldian 82 ordezkari izango dira Gorteetan, aurrekoan baino bat gehiago izango baitu Segoviak.
Garmendiak uste du aireportuen inguruan akordioa egongo dela, baina baztertu egin du Pasaiako Portua desklasifikatzea
Marisol Garmendia Espainiako Gobernuak EAEn duen ordezkariaren esanetan, "akordioa lortuko da" EAEko aireportuak kudeatzeko aldebiko erakunde bat sortzearen inguruan. Bestelako iritzia plazaratu du Pasaiako Portuaren harira, eta baztertu egin du interes orokorreko sailkapena kentzea. Izan ere, klasifikazio hori kentzeak portua "degradatu egingo luke eta dituen 400 lanpostu zuzenak arriskuan jarriko lituzke".
Hauteskundeak Iparraldean: Baionako bataila, abertzaleen erronkak eta ezkerraren zatiketa
Ipar Euskal Herriko 160 auzapez aukeratuko dituzte igande honetan eta, bigarren itzulia bada, hilaren 22an. Ezkerra zatituta aurkeztu da, EH Baik azken urteotako emaitza onak berretsi nahi ditu eta EAJk bere eragina handitu nahi du.
Berdintasunaren alde borroka egiteko deia egin du Anduezak
Gizarte askeago baten alde egindako lana aitortzen duten Bidegileak sariak banatu ditu Euskadiko Alderdi Sozialistak. Ekitaldian "berdintasunaren alde borrokatzeko" deia egin die sozialistei Eneko Anduezak.
Hauteskundeak egingo dituzte Gaztela eta Leonen igandean, eta PP da faborito
Alderdiek Gorteetan duten ordezkaritza handitu nahi dute, aurrerantzean 82 prokuradore izango baitituzte (orain baino bat gehiago), eta 42 beharko dira gehiengo absolutua izateko.
Eusko Jaurlaritzak eta EHUk 2027-2030rako unibertsitate-plan berriaren oinarriak adostu dituzte
Lehen bilera horretan, Unibertsitate Sistemaren Planean jaso nahi diren bost ardatz nagusiak finkatu dituzte. Datozen hilabeteotan, ekintzak eta azpiegitura egokiak bermatzeko plangintza zehaztuko dituzte.