Irango gerraren ondorioen aurkako neurrien dekretua onartu dute Kongresuan
Neurri ekonomikoek 5.000 milioi euro mobilizatzea aurreikusten dute. Voxek bakarrik bozkatu du kontra, eta PPk eta Podemosek abstentziora jo dute.
Diputatuen Kongresuan onartuta geratu da Espainiako Gobernuak Iranen aurkako gerraren ondorioak arintzeko neurri ekonomikoen dekretua, Voxen kontrako botoarekin eta PPren eta Podemosen abstentzioarekin.
Lege-dekretu oro bezala, testua indarrean zegoen Ministroen Kontseiluak onartu zuenetik, hau da, martxoaren 20tik, baina Kongresuak baliozkotu behar zuen 30 eguneko epean, eta Behe Ganberak ostegun honetan egin du, baita dekretua lege-proiektu gisa izapidetzea onartu ere.
Dekretuak 5.000 milioi euro mobilizatuko dituen 80 neurri biltzen ditu. Zehazki, testuak erregaien, elektrizitatearen, gas naturalaren, pizgailuen eta pelleten BEZa % 21etik % 10era murriztea jasotzen du, eta, aldi berean, butanoaren eta propanoaren gehieneko salmenta-prezioa izoztea eta industria handiarentzako bidesari elektrikoen hobaria % 80an berreskuratzea.
Horrela, BEZa % 10era jaitsi da, eta gasolinaren eta dieselaren prezioari eragiten dioten zergak Europako zuzentarauak baimentzen duen gutxienekora arte jaitsi dira. Argindarraren fakturaren barruan, BEZaren jaitsierari Energia Elektrikoaren Ekoizpenaren Balioaren gaineko Zergaren (EEEBZ) aldi baterako etendura (% 7) eta Elektrizitatearen gaineko Zerga Bereziaren (EZB) murrizketa (% 5) gehitu behar zaizkio, Europar Batasunak ezarritako % 0,5eko gutxieneko tasara.
Arauak hidrokarburoen gaineko zergaren tasa baimendutako gutxieneko mailara jaistea jasotzen du, eta gehien kaltetutako sektoreentzat, garraiolariak, nekazariak, abeltzainak eta arrantzaleak barne, 20 zentimoko laguntza ezartzen da jardueran erabilitako gasolio litro profesional bakoitzeko. Laguntza Zerga Agentziak eta Euskadiko eta Nafarroako foru-administrazioek ordainduko dute.
Horrez gain, ongarriak erosteko laguntza emango da, "sektore garrantzitsu horiek krisi honi aurre egin ahal izateko eta erosketa-saskiaren prezioei ahalik eta gehien eusteko", adierazi du presidenteak.
Kaleratzeak debekatuta, gerraren ondorio badira
Espainiako Gobernuak Irango gerrak izan duen eraginari erantzuteko planak barne hartzen du enpresei Ekialde Ertaineko gatazkak eragindako ondorio ekonomikoengatik kaleratze objektiboak egitea debekatzea, baita gerrarekin lotutako laguntza publikoak jasotzen dituzten konpainien kasuan ere.
Era berean, Merkatuen eta Lehiaren Batzorde Nazionalari (MLBN) gainbegiratzeko eta zigortzeko gaitasun handiagoak ematen zaizkio. Horren bidez, asmoa da gerrari erantzuteko planean jasotako laguntzaren bat jasotzen duten enpresek gerrarekin berarekin etekinik ez ateratzea. Gainera, erregai-hornidurako enpresen enpresa-marjinen kontrol handiagoa jasotzen da neurri-sorta honetan.
Autokontsumoa bultzatzea
Bestalde, dekretuak kenkari fiskalen pakete bat jasotzen du autokontsumo energetikoa eta bero-ponpak sustatzeko. Kenkari horiek, Pertsona Fisikoen Errentaren gaineko Zergaren (PFEZ) bidez, eguzki-plakak instalatzera bideratuko dira, bai eta karga-puntuetara, bero-ponpetara edo eraikinen klimatizaziora ere. Era berean, ibilgailu elektrikoak eta entxufagarriak erosteko % 15eko kenkariak aurreikusten dira PFEZn.
Zure interesekoa izan daiteke
Sanchezek iragarri du Carlos Cuerpo izango dela Maria Jesus Monteroren ordezkoa lehen presidenteorde gisa
Orain arte lehen presidenteordea eta Ogasun ministroa izan dena Gobernutik atera da Andaluziako Juntako presidentegai sozialista izateko.
Ekialde Hurbileko gerraren aurrean "biziak salbatzea" bermatzeko osoko bilkura monografikoa egitea eskatu du EH Bilduk
EH Bilduk gaur erregistratu du eskaera Eusko Legebiltzarrean, eta bilkura monografikoa uda aurretik egitea eskatu du.
Frankismoaren biktimei kalte-ordainak emango dizkiete; Portugaleteko eta Bilboko kasuetakoei, besteak beste
Espainiako Gobernuak 15 erreparazio-eskaera onartu ditu, eta 1968tik 1978ra bitartean eraildako edo lesio larriak izandako berrogeita hamar bat kasu aztertzen ari da.
Irango gerraren ondorioak arintzeko dekretua aurrera aterako da Kongresuan, PPren erabakiaren zain
Espainiako Gobernuak inbestidurako bazkideen babesa bermatuta du, eta, hortaz, beherapen fiskalak, oinarrizko hornigaiak eteteko debekua eta sektore kaltetuenei laguntzeko neurri orokorrak aurrera aterako dira.
Zupiria: “Istilu horietan bidegabeko biktima bat egon zen”
Zabarte auziaren harira, Bingen Zupiria Segurtasun sailburuak adierazi du auzitegiei dagokiela zer gertatu zen argitzea, eta familiak errekurritzeko eskubide osoa duela. Hala ere, argi du bidegabeko biktima bat egon zela istilu haietan.
Accionaren presidentearen aurka eginbideak abiatzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPren buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.