Joseba Asiron Iruñeko alkate izendatu dute
Joseba Asiron Iruñeko alkate izendatu dute eta, hala, Nafarroako hiriburuan ezker abertzaleak duen lehen alkatea da EH Bilduko hautagaia. Osoko bilkura hasi aurretik sinatu dute inbestidura akordioa EH Bildu, Geroa Bai, Aranzadi eta I-E alderdiek, eta, horrela, UPNk ez du agintea lortu, nahiz eta maiatzaren 24ko hauteskundeetan zerrendarik bozkatuena izan.
Alkate moduan egindako lehen adierazpenetan, Asironek ''aldaketaren aldeko apustua'' azpimarratu du, ''elkarbizitzarako testuinguru erreal'' bat sortzeko.
"Biktima guztien eskubideen eta memoriaren alde ahalegin berezia egingo dut'', esan du Asironek. Horren ildotik, iragarri du ''Bakerako Batzorde Iraunkor'' bat sortuko duela, eta ''edozein giza eskubideen urraketa'' gaitzetsiko duela.
Alkate berria krisiaz eta ''gizartearen larrialdi egoeraz'' aritu da, eta ''eskubide sozialen eta ekonomikoen defentsa erabateko lehentasuna'' izan behar dutela azpimarratu du.
Ekitaldian izan dira, besteak beste, Patxi Zabaleta eta Bakartxo Ruiz.
(Makila jaso ostean udaletxeko balkoira irten da Asiron. EFE)
Aginte makila jaso ostean, udaletxeko plazara atera da Asiron, makila herritarrei eskaintzeko. Jendetza bildu da plazan, ''aldaketaren alde'' egindako deialdian, baina protestak ere daude deituta, EH Bilduko hautagaitzaren kontra.
(Jendetza bildu da udaletxeko plazan. Argazkia: EFE)
(EH Bilduren alkate berriaren kontrako protestak)
Akordioaren neurriak
Akordioak 148 neurri biltzen ditu, tartean alkatearentzako, zinegotzientzako eta goi-kargudunentzako kode etikoa. Halaber, neurrien herri galdeketa lotesleak egiteko asmoa ere jaso dute bertan, eta etxegabetzeen eta pobreziaren inguruko adierazpenak.
Lehen izendapenak
Patricia Perales, Aritz Romeo eta Jose Abaurrea lehen, bigarren eta hirugarren alkateorde, hurrenez hurren, izendatu ditu Joseba Asiron Iruñeko alkate berriak. Guztiak EH Bildukoak dira. Hori gauzatzeko, dekretua sinatu du bide elektronikoa erabilita.
Bigarren dekretu baten bidez behin-behineko Gobernu-batzordea osatu du, eta lehen aldiz bilduko da datorren asteartean. Organu horretarako aipatutako hiru alkateordeak izendatu ditu, eta baita Itziar Gomez, Esther Cremaes eta Javier Leoz (Geroa Bai), Ana Lizoain eta Laura Berro (Aranzadi), eta Edurne Eguino (I-E). Idazkaria Abaurrea izango da.
Ordezkari zinegotzigoei dagokionez, Perales Zerbitzu Orokorrak eta Ongizate Soziala eta Berdintasuneko buru izango da; Abaurrea Hirigintza, Etxebizitza eta Ingurugirokoa; Maider Beloki Hezkuntza, Kultura, Parte-hartzea, Gazteria eta Kiroletakoa; eta Romeo Hiri-Segurtasun, Enplegua, Merkataritza eta Turismokoa.
UPNren aurka jendea 'xaxatzea' leporatu diote Asironi
"Erregionalistei eraso egiten dietenak xaxatu izana" leporatu dio UPNk Joseba Asiron Iruñeko alkateari, inbestidura-saioan Asironek "hitz onak" bota arren.
UPNk ohar baten bidez salatu duenez, alderdi horretako zinegotziek eta senideek "irainak jaso dituzte, Udaletik irtendakoan, bereziki". "Asironek esandakoa egiazkoa bada, plazan zeudenei zeozer esan beharko lieke, baina alderantzizkoa egin du, eta balkoira atera da, herritarrak xaxatu ditu, eta hiriko makila astindu du, erregionalisten aurkako irainak entzuten ziren bitartean", salatu du UPNk.
"Bortxa horien aurrean", Enrique Maya UPNko ordezkariak ez duela "Iruñean eta Nafarroan askatasuna defentsan pixka bat ere amore emango".
Zure interesekoa izan daiteke
PSN, Zurekin Nafarroa eta EH Bilduri deia egin die Geroa Baiko Koldo Martinezek, akordiora heltzeko
Nafarroan, hauteskunde orokorrek bete-betean baldintzatutako negoziazioei buruz ezer gutxi eman dute ezagutzera oraingoz alderdiek. Gobernuaren osaketan eta Iruñeako Alkatetzan, ikusteko dago nola jokatuko duten Nafarroako sozialistek.
Garrido: 'Argi dago parte-hartze txikiak kalte egin digula'
Pilar Garridok parte-hartze txikia deitoratu du, bere koalizioari zuzenean eragiten diola argudiatuta.
Andueza: 'Euskadi sozialistagoa da gaur, ezkerrera gehiago begiratzen du'
Eneko Anduezak positibotzat jo ditu PSE-EEk hauteskunde hauetan lortutako emaitzak, eta Euskadi sozialistagoa dela eta ezkerrera begiratzen duela esan du.
Iturgaiz: 'PPren menpe badago, ez da Bilduko alkaterik edo ahaldun nagusirik izango Euskadin'
Carlos Iturgaizek positibotzat jo ditu PPk Euskadin eta Espainian lortutako emaitzak, eta ez dela Bilduko alkaterik edo ahaldun nagusirik egongo ziurtatu du.
Egibar: 'Argi dago zerbait ez dugula ondo egin'
Joseba Egibarrek EAJk Gipuzkoan lortutako emaitzen balorazioa egin du. Egibarrek adierazi du argi dagoela EAJk zerbait ez duela ondo egin.
EH Bildu alde nabarmenarekin garaile Gipuzkoako Batzar Nagusietan
Ezker abertzaleko koalizioak 22 eserleku bereganatu ditu Batzar Nagusietan (bost gehiago), EAJk 17 (hiru gutxiago), PSE-EEk zazpi (bi gutxiago), Elkarrekinek bi (bi gutxiago) eta PPk hiru (bi gehiago). Parte-hartzea % 59,92koa izan da, 2019an baino ia zazpi puntu gutxiago.
Otegi: 'Ziklo aldaketa baten lehen urratsa eman da'
EH Bildu nagusitu da udalerri askotan eta Gasteizen indar bozkatuena da 7 zinegotzirekin, duela lau urte baino bat gehiago
EAJk irabaziko luke Bilbon eta Donostian; EH Bilduk, Gasteizen; eta berdinketa teknikoa Iruñean
Nafarroako Parlamentuan, UPN izango litzateke bozkatuena, 12-13 eserlekurekin, baina PSN gertu egongo litzateke, 10-11rekin, eta Gobernuari eutsi ahalko lioke, egungo formula berarekin.
18:00etako parte-hartze datua: % 54,12 Nafarroan eta % 48,52 EAEn
Parte-hartzea % 1,19 igo da Nafarroan 2019ko hauteskundeekin alderatuta, eta % 4,84 jaitsi da EAEn.
Berezitasun ugariko hauteskundeak dira Udal hauteskundeak, Euskadiko bost udalerritan bereziki
Usansolon, Gernikan (Bizkaia), Irunen (Gipuzkoa) eta Arabako Errioxako Bastidan eta Guardian, adibidez, berezitasun ugariko hauteskundeak izango dira gaurkoak; jakin ezazu zergatik bideo honetan.