Ertzaintza, Albisteak, bideoak eta argazkiak Ertzaintzari buruz |Orain

2024/12/05 - 20:02

Espetxeratu egin dute Donostian gizon bat hiltzen saiatzeagatik atxilotutakoa

Ustezko erasotzailea asteazkenean atxilotu zuten, eztabaida baten ondoren beste bati arma zuri batekin mehatxu eta eraso egin ostean. Zauritua ospitalera eraman zuten, zituen lesioen larritasunagatik.

2024/12/05 - 13:36

Bi atxilotu Sestaon, sendagaiak lortzeko 200 mediku-errezeta faltsutzeagatik

Ertzaintzak bi pertsona atxilotu ditu Sestaon, botikak lortzeko helburuarekin 200 bat errezeta faltsutzeagatik. Iruzur delitua eta osasun publikoaren aurkako delitua egotzi dizkete.

2024/12/04 - 23:22

Gizon bat atxilotu dute Donostiako Ulia mendian beste gizon bat larri zauritzeagatik

Zauritua ospitalera eraman behar izan dute. Gertakariak goizeko seietan jazo dira, baso batean. Ustezko erasotzailea atxilotu egin dute, hilketa saiakera eta mehatxuak egotzita.

2024/12/03 - 14:15

Ertzaintzak eginbideak abiatu zituen 2021ean Leonorren ustezko hiltzailearen kontra, bigarrenez

Pasaian eraildako emakumeak 2020an salatu zuen bikotekidea, eta urruntze agindua ezarri zioten gizon matxistari. Handik urtebete eta erdira, 2021eko ekainean, atestatua zabaldu zuten gizonak urruntze agindua urratu zuela eta. Espedientea artxibatu egin zuten.

vitoria-gasteiz-asesinato-anciana-residencia-efe

2024/12/02 - 17:34

Behin-behineko espetxealdia, Gasteizen adineko andre bat hiltzea egotzita atxilotutako gizonarentzat

68 urteko gizonak aita hil zuen 80ko hamarkadan, eta nahasmendu psikiatrikoa du. Gasteizko epaitegi batek joan den larunbatean erabaki zuen zentro psikiatriko batean sartzea, medikuek erabaki zezaten noiz egon zitekeen deklaratzeko moduan. Gaur medikuek ebatzi dute horretarako prest zegoela.

pasaia HILKETA MATXISTA ASESINATO MACHISTA

2024/12/02 - 10:00

Pasaiako hilketa matxistaren ustezko egilea hurrengo orduetan igaroko da epailearen aurrera

53 urteko gizon matxista larunbatean atxilotu zuten, bikotekide ohia hil eta gutxira. Gipuzkoako Foru Aldundiak elkarretaratzea egingo du eguerdian, hilketa salatzeko eta biktimaren gertukoei babesa adierazteko.

2024/12/01 - 23:07

Pasaian bikotekide ohia hiltzeagatik atxilotutako gizonak Ertzaintzaren esku jarraitzen du

Hilketa gertatu eta denbora gutxira atxilotu zuten gizona, bere burua Villabonako Udaltzaingoaren komisarian entregatu zuen eta. Elkarretaratzea egin dute Pasaian, gertatutakoa gaitzesteko. Astelehen honetan ere protesta bat izango da Foru Aldundiaren atarian.

2024/12/01 - 18:41

Arrasateko Udalaitz mendian min hartu duen mendizale bat erreskatatu dute helikopteroz

Gailurrean zela erori eta min hartu du mendizaleak buruan eta hanka batean eta Debagoieneko Ospitalera eraman dute.

2024/11/30 - 20:21

Gizon batek bikotekide ohia hil du tiroz, Pasaian

16:00etan Pasaiako etxebizitza batean emakumea hil eta ihes egin du gero. Villabonako Udaltzaingoan entregatu du gero bere burua eta atxilotu egin dute.

2024/11/30 - 19:51

Gasteizen adineko andre bat hiltzeagatik atxilotutako gizona psikiatriko batean egongo da, deklaratu arte

68 urteko gizona Ertzaintzaren zaintzapean egon da gaur arte. 80ko hamarkadan bere aita hil zuen, eta nahasmendu psikiatrikoa du.

2024/11/30 - 12:39

Ertzaintzak ikerketa abiatu du Bizkaiko eskola batean adingabeen aurka ustez izan diren sexu-erasoengatik

Eusko Jaurlaritzaren Segurtasun Sailak oraingoz ez du datu gehiagorik eman kasuaren inguruan, baina salaketa izan dela eta ikerketa abian dagoela baieztatu du.

2024/11/28 - 21:54

Tolosan Ertzaintzaren pilotakadaz begi bateko ikusmena galdu duen gaztearen auzia artxibatu du epaileak

Epaileak ebatzi du Ertzaintza "legaren arabera eta era proportzionalean" aritu zela. Epaileak ez du beharrezko ikusten Xuhar Pazosen deklarazioa. Xuhar Herri Plataformak helegitea iragarri du.

2024/11/28 - 21:15

Ajaxeko ultrak Reale Arenara iritsi dira, tentsio momenturen baten ostean

Ajaxeko 150 zale ultra inguru Ertzaintzak lagunduta iritsi dira Reale Arenara. Minutu batzuk lehenago, tentsio-une batzuk izan dira Ertzaintzak Agirre lehendakariaren zubitik gertu kargatu duenean.

2024/11/28 - 13:25

EAJk, PSE-EEk eta PPk bat egin dute Ertzaintzaren defentsarako bitartekoak gaurkotzea eskatzeko

Horretarako, kontuan hartuko dira delinkuentzia moten bilakaera eta berrikuntza teknologikoan izandako aurrerapenak.

2024/11/28 - 08:32

Ertzaintzak Ajaxeko 20 bat zale identifikatu ditu istilu aipagarririk gabeko jardunaldi batean

18:00etatik aurrera, Ertzaintza Ajaxeko zaleak zaintzen ari zela, batzuek objektuak jaurti dituzte ertzainen aurka, eta beste batzuk Garcia Lorca pasealekuaren parean segurtasun hesia gainditzen saiatu dira, eta, beraz, agenteek indarra erabili behar izan dute haiei eusteko.

2024/11/26 - 19:57