13 polizia zauritu dira eta 20 lagun atxilotu dituzte Grezian
Greziako sindikatu nagusiek 24 orduko greba orokorra deitu dute "krisia plutokraziak ordain dezala" lelopean. Horrela, Greziako ekonomia onbideratzeko Gobernuak abian jarri duen herstura fiskalaren planaren aurka protesta egin dute.
Hirugarren greba eguna da honakoa, Yorgos Papandreu sozialistaren Exekutiboak neurri zorrotzak martxan jartzeko konpromisoa hartu zuenetik.
10.000 lagunek Atenaseko erdigunea hartu dute eta zenbait manifestarien eta polizien arteko listarrak jazo dira. Orotara, 13 polizia zauritu dira egunean zehar izan diren liskarretan. Poliziak 20 lagun atxilotu ditu.
Efe albiste agentziak jakinarazi duenez, burua estalita zuten pertsona talde ezberdinek sei denda, lau hotel, hiru banketxe eta bi ibilgailu eraso dituzte.
Greba garraio eta zerbitzu publikoetan
Goizeko lehen orduetatik, garraio publikoaren grebaren ondorioz, Atenas ibilgailu pribatuz eta taxiz bete da.
Halaber, herrialdeko aireportu guztiak atzo gaueko hamabietatik itxita daudenez, ehunka hegaldi bertan behera geratu ziren eta beste ehun bat gehiagoren ordutegiak aldatu zituzten.
Horrez gain, hainbat langilek bat egin dute greba egunarekin hala nola, ospitaleetakoak, ikastetxeetakoak eta estatuko zerbitzu bulegoetakoak. Komunikabideek, aldiz, musika eta entretenimendu saioak besterik ez dituzte ematen. Eta argi, telefono eta ur zerbitzuek gutxieneko zerbitzuak eskaintzen dituzte.
Atenas erdiguneko saltokiak soilik irekita zeuden goizean, baina gerorako deitutako manifestazioetan gerta zitezkeen istiluen beldur direnez, dendetako jabe asko ixteko prest zeuden.
Albiste gehiago ekonomia
AEBko apelazio auzitegi batek legez kanpokotzat jo ditu Trumpen muga-zergak, baina indarrean jarraitzen dute
Trumpen muga-zergek jaso duten bigarren kolpe judiziala da, eta berretsi egiten du New Yorkeko merkataritza auzitegi batek maiatzean emandako epaia.
Euriborrak urteko lehen igoera izan du, baina hipotekek behera egiten jarraituko dute
Abuztuan izandako igoerak ez du Euriborraren egonkortasunaren joera eten, aldaketa txiki bat baita ohiko joeraren aurrean.
Urte arteko KPIa % 2,7an mantendu da abuztuan, elikagaien, argindarraren eta erregaien prezioen bilakaeragatik
Ekainean eta uztailean gora egin ostean, KPIaren urtebeteko tasa egonkor mantendu da. Aitzitik, azpiko inflazioak gora egin du bigarren hilabetez jarraian. Abuztuan hamarren bat hazi da, % 2,4raino.
Euriborraren jaitsiera dago hipoteken gehikuntzaren atzean, sektore batzuetan
Guztira 1.922 hipoteka sinatu dira EAEn. Batez beste, 163.000 euro ingurukoak dira, % 2,99ko interes-tasarekin, eta 25 urtera. Hain justu, interes-tasen beherakadak animatu du jendea. Hori eta alokairuaren merkatuaren egoera kaskarra. Paradoxikoki, aldi berean, etxebizitzak garestitzen ari dira. Urteko lehenengo hiruhilekoan % 12 egin du gora prezioak.
Ikasle-egoitza edo pisua? Ikasturte hasierako erabaki handietako bat
Duela urte batzuk alde ekonomiko nabarmena zegoen egoitzan bizi eta beste ikasle batzuekin alokairuko etxean egotearen artean. Bigarren aukera askoz merkeagoa zen. Gaur egun, ordea, arrakala hori murriztu egin da, besteak beste, euskal hiriburuetako pisuen prezioen ondorioz. Hala ere, argi dago abuztu amaieran zailena leku bat aurkitzea dela, egoitzan zein etxea partekatuan.
Etxebizitzen gaineko hipoteka-kopurua % 24 hazi da Euskadin ekainean
Nafarroa, aldiz, jaitsiera izan duen bakarra da Estatuan.
Euskadi eta Nafarroa, batez besteko erretiro-pentsio altuena duten erkidegoen artean
Gizarte Segurantzak 13.620,8 milioi euro erabili ditu abuztuan kotizaziopeko pentsioen hileko nomina arrunta ordaintzeko, eta kopuru horren ia hiru laurden, erretiro-pentsioetarako.
Enplegu erregulazioko espedientearen kaleratzeak 22tik 14ra jaitsi ditu Serveok, eta langileek greba abiatu dute
Enpresak banan-banan negoziatuko du kaleratutako langile bakoitzarekin. Sindikatuek salatu dute Bridgestoneko langileak atzeman dituztela Serveoko beharginen lanak egiten, greba hasi eta bi ordura.
Bigarren Hezkuntzan eta Lanbide Heziketan eskainitako irakasle-plazen % 17 hutsik geratu dira Nafarroan
Eskainitako 473 plazetatik 84 ez dira bete. Lehen Hezkuntzan, berriz, ia ez da lanposturik geratu bete gabe.
Correosek aldi baterako etengo ditu balio txikiko paketeen bidalketak Estatu Batuetara eta Puerto Ricora
Correosek ostiral honetan ohar baten bidez jakitera eman duenez, Estatu Batuetako aduana-arauak aldatu dira, balio txikiko bidalketei aplikatzen zitzaien muga-zergen salbuespena kentzeko. Ondorioz, Correos-ek mota horretako bidalketak 24ko (igandea), 23:59ra bitartean soilik onartuko ditu.