Kataluniak errezeta bakoitzeko euroa eta zerga turistikoa onartu ditu

Kataluniako Parlamentuak astearte honetan CiUren eta PPren botoekin tasa berriak sortzea onartu du, besteak beste, turistikoa eta osasun publikoan ematen den botika-errezeta bakoitzagatik euro bat jartzearena, azken hori ekainaren 1etik aurrera jarriko dute indarrean.

Tasa berri guzti hauek Neurri Fiskalen eta Finantzarioen Legean bildu dira, Aurrekontuen osagarrien lege bezala ezagutuan. ERC, ICV-EUiA, C´S eta SI alderdiek Estatuko Garantia Batzordeari jarritako errekurtsotik hilabete pasatu denean egin da onarpen hau.

Ramon Espadaler Parlamentuko bozeramaileak esan duenez, tasak igotzea ez zaie gustatu sektore kaltetuei, besteak beste, turistikoari, baina Generalitateko kutxak "saneatzeko" beharrezko neurria dela gaineratu du.