'Greba muturreko erantzuna da, muturreko erreforma baten aurrean'
Gemma Zabaleta Lan sailburuaren iritzian, osteguneko greba orokorra "muturreko erantzuna da, muturreko lan erreforma baten testuinguruan kokatu behar dena".
Radio Euskadin egindako elkarrizketan, Zabaletak ohartarazi du greba orokorrak "inoiz ez" direla positiboak, "ekonomia gelditzea suposatzen dutelako". Nolanahi ere, sindikatu guztiek grebara deitu izanak, "PPren Gobernuak onartutako lan erreformaren ondorioen inguruan hausnarketa sakona eragin behar du".
Zabaletaren esanetan, "lan erreformak kaleratzeak inoiz baino gehiago erraztuko ditu eta langileek ez dute ezer jasoko; beraz, enpresarien eta beharginen arteko oreka hautsita geratuko da".
Bestalde, datorren osteguneko lanuztean "greba egin nahi dutenen nahiz lanera joan nahi dutenen eskubideak errespetatu behar dira eta gutxiengo zerbitzuak bermatu behar dira".
Jaurlaritzak gutxiengo zerbitzu horiek betetzen direla bermatuko duela azpimarratu du eta greba honek aurrekoak baino arrakasta handiagoa izan dezakeela iritzi dio; izan ere, "kezkatuta dagoen mugimendu soziala eta sindikala dago atzean".
Lan erreformak "kaleratzeen merketzea" eta "lan erregulaziorako espedienteak administrazioen esku ez geratzea" ekarriko duela deitoratu du. Gainera, "desorekatua da, hitzarmen kolektiboari garrantzia kentzen dio eta sindikatuen papera zalantzan jartzen du".
Eusko Jaurlaritzak "oinarrizko araudia" errespetatu egingo duela esan du, baina euskal autonomia erkidegoari dagozkion eskumenetan Espainiako Gobernuarekin "kolaboratzea edo ez" kasuan kasu aztertuko dutela nabarmendu du.
Zure interesekoa izan daiteke
Euskadiko ikuskizunetako teknikariek grebari eutsi diote, lehen hitzarmen kolektiboaren negoziazioa blokeatuta dagoela salatuta
Lanuzteek abuztuaren 14an eta 26an jarraituko dute, Donostiako eta Bilboko jaiekin bat eginez.
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.