Bankia erreskatatzeko plana aurkezteko dei egin du Bruselak
Amadeu Altafaj Europako Batzordeko Gai Ekonomietako bozeramaileak Bankia erreskatatzeko plana aurkezteko dei egin dio Espainiari. Izan ere, plan horren harira sortutako "zalantzak" merkatuak "oztopatzen" ari direla iritzi dio.
"Zalantzek ezin dute gehiago iraun. Bankuek emaitza txarrak badituzte, ezin du inork espero merkatuek pozik erantzutea", ohartarazi du, RNEn egindako adierazpenetan.
Bruselako bozeramaileak berretsi du Espainiako Gobernuak asmoak azaldu behar dituela, hau da, "[erreskatea] merkatuaren mekanismoen bitartez egingo duten, edo Gobernuak funtsak lortuko dituen".
Plana aurkeztu eta gero, Bruselak aztertu egingo du, eta "laguntza publikoen baldintzak" betetzen badira, "oniritzia" emango dio.
EBZ: "Gutxietsi egin zituzten Bankiaren arazoak"
Bestalde, Mario Draghi Europako Banku Zentraleko (EBZ) presidenteak deitoratu egin du agintariek "hasieran" Bankiaren arazoak "gutxietsi" izana, eta ondorioz birkapitalizazioa hainbatetan berrikusi behar izana.
Europako Parlamentuko Ekonomia Batzordean egindako agerraldian, Draghik azaldu du "Bankiaren adibideak" erakutsi egiten duela "birkapitalizazioak" behar direla. "Hobe da asko ematea, motz geratzea baino", gaineratu du.
Ez du esku hartuko merkatuetan
Agerraldi horretan, Draghik baztertu egin du berriz ere merkatuetan esku hartzea arrisku sarien igoerak edo euroaren jaitsiera geldiarazteko, baina "banku batasuna" sortzea eskatu du.
EBZko presidenteak ez du erantzun zehatza eman Espainiako arrisku saria kontrolatzeko esku hartu behar duen galdetu diotenean, baina, zeharka, ez duela egingo ulertarazi du.
Zure interesekoa izan daiteke
Espainiak gasolio-, gasolina- eta keroseno-erreserbak ditu ia 100 egunerako
Sara Aagesen hirugarren presidenteorde eta Trantsizio Ekologikorako eta Erronka Demografikorako ministroak berretsi du Espainiako gas- eta petrolio-merkatuak "lasai eta normal" funtzionatzen ari direla.
Espainiako Gobernuak 107 milioi inbertituko ditu Multiverse Computing enpresa donostiarrean
2025ean, Eraldaketa Teknologikorako Espainiako Sozietateak bere babesa eman zion konpainiari 59,2 milioi euroko inbertsioarekin, AAri lotuta aurrerapen teknologikoak sustatzeko helburuarekin.
Bizkaiko Aldundiak iragarritako aldaketa fiskalek langileen artean desberdintasunak sortzen dituztela salatu du ELAk
Aldundiak beherapen fiskalak eskaini nahi ditu enpresak bertan errotzeko eta langileak erakartzeko. ELAren arabera, "enpresarien zerbitzura" egindako neurriak dira, eta langileen artean ezberdintasunak sortuko dituzte.
Araban, AP-68a % 70 merkeago izango dute autoek, eta % 50, kamioiek
Foru Aldundiak azaroan hartuko du bere gain bide horren Arabako zatiaren kudeaketa. Tarifen helburua lurraldeko gaitasun handiko bideen "zaintzeko eta modernizatzeko baliabideak biltzea" izango dela adierazi du.
Osakidetzak deitutako EPEaren azterketak gainditu dutenen batez besteko tasa % 90 ingurukoa da
Epaimahaiek berehala zuzentzen dituzte azterketak, eta Osakidetzak egun berean edo hurrengo egunean argitaratzen ditu notak. Normaltasunez eta gorabeherarik gabe egin dituzte probak.
Osakidetzako EPEaren azken egun handia BECen
Guztira, 13.112 pertsonak eman dute izena Erizaintzako hautaprobak egiteko. Administrari laguntzaile (16.728 hautagai) eta administrari (9.821) lanpostuak betetzeko azterketak ere egin dituzte goizean.
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.