Kataluniak 5.000 milioi euroko erreskatea eskatu dio Gobernuari
Kataluniako gobernuak Erkidegoentzat Likidazio Funtsararekin bat egitea eskatu dio Gobernuari eta 5.023 milioi euroko mailegua eskatu du. Hala ere, ez duela "baldintza politikorik" onartuko aurreratu du, "baliabide horiek kataluniarrenak direlako".
Horixe adierazi du Francesc Homs Kataluniako gobernuko bozeramaileak.
Katalunia da zor handiena duena
Erreskate Funtsari egindako eskaera formalak agerian utzi du Generalitatearen diru falta. Espainian, Katalunia da zor handiena duen autonomia erkidegoa, 42.000 milioi euro baino gehiago zor ditu (bere BPGren % 21), eta defizita % 3,9tik (2011ko datua) % 1,5era murriztu beharko du aurten.
Homsen arabera, 5.000 milioi euro horiekin, Kataluniako Gobernuak "itundutako defizit maximoa betetzeko borondatea" duela erakusten du. Barne Produktu Gordinaren % 1,5eko defizita itundu zuen Espainiarekin, eta "lortzea zaila" izango dela aitortu du bozeramaileak.
Halere, ez ditu murrizketa gehiago baztertu; Homsen hitzetan, "bizi ditugun momentu hauetan, inork ezin du ezer baztertu". Horrez gain, ez du bonu txikizkari gehiago igortzea baztertu.
Oraingoz, Homsek ez du zehaztu osasunarekin, hezkuntzarekin eta erakunde sozialekin dituzten zorrak kitatzeko egutegia zein izango den; "ahal bezain azkar" ordainduko dutela adierazi du.
Hirugarren erreskate eskaera
Valentziak lehenik, eta Murtziak ondoren eskatutako erreskateen ostean, Katalunia erreskatea eskatzen duen hirugarren erkidegoa da. Autonomia erkidegoentzako likidazio funtsak 18.000 milioi euro ditu.
Espainiak baietza eman dio erkidegoari
Mariano Rajoy Gobernuko presidenteak beste autonomia erkidegoekin egin duen bezalaxe, Kataluniari laguntza emango diola baieztatu du.
Herman Van Rompuy Europako Batzordeko presidentearekin batera eman duen prentsaurrekoan esan ditu hitzak. Horrez gain, Rajoyk onartu du bazekiela Kataluniak likidezia arazoak zituela.
"Beste erkidegoak lagundu ditugun bezala, lagunduko dugu Katalunia" esan du presidenteak, baina aurretik, guztiek –Gobernu zentralak, autonomiek eta Udalek- zorra eta defizitarekin bete beharko dute.
Zure interesekoa izan daiteke
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).