Jaurlaritzak 'herentzia pozoitua' utzi izana egotzi dio EAJri
Carlos Aguirre Eusko Jaurlaritzako Ekonomia sailburuak "herentzia pozoitua" utzi izana egotzi dio EAJri. Izan ere, horren esanetan, "Aurrekontuek gainez egin zieten" jeltzaleei azken legegintzaldian.
Aguirrenk agerraldia egin du Gasteizen, Jaurlaritzaren bideragarritasuna defendatzeko, EAJk "porrot arriskuaz" ohartarazi eta gero.
Sailburuaren hitzetan, azken legegintzaldian, EAJ agintean zegoenan, gastua % 10 hazten zen urtetik urtera, eta defizita % 4ra iritsi zen. "Diru-bilketa kiebran zegoen, [EAJk] 2.800 milioi euroko zuloa utzi baitzuen", gaineratu du.
Aguirrek "zuzenketak" egin behar izan dituztela azaldu du, eta, beraz, EAJk "porrot arriskua" egotzi izana "lotsagarri"tzat jo du.
Egoera ekonomikoa
Sailburuak ezeztatu du Eusko Jaurlaritzaren finantza egoera txarra denik, eta bere bulegoko eta enpresa publiko garrantzitsuenetako abuztuaren 20ko datuak eman ditu: 1.103 milioi euro zeuden. Hori dela eta, Aguirrek gaineratu du Eusko Jaurlaritzak “diru tentsiorik gabe” bukatuko duela urtea.
Aurten Gobernuak % 1,5eko defizita beteko duela berretsi du sailburuak, “ongizate estatuaren zerbitzuak eta laguntzak murriztu beharrik gabe, Estatutik nahi duten bezala”, gehitu du.
Gobernuaren kudeaketa txarrari buruzko kritikez adierazi du “desoreka finantzarioak” aurreko legegintzaldiak sortu zituela. Aurreko agintariei gastu publikoa "gehiegi igotzea" leporatu die Ekonomia sailburuak. Gastu publikoa 2005 eta 2009 urteen artean, % 41 igo zutela adierazi du, euskal ekonomiak bakarrik % 12,7 gora egin zuen bitartean.
2001 eta 2007ko EAEko aurrekontu orokorrak bikoiztu egin zirela gogoratu ostean, Agirrek esan du 2005 eta 2009 urteen artean osasun, hezkuntza eta langileen gastuak % 50, % 40 eta % 35 gora egin zuela.
Zure interesekoa izan daiteke
EAEko enpresek 1.130 milioi euro esportatu zituzten Ekialde Ertainera 2025ean, guztizkoaren % 3,8
Guztira 42 euskal enpresak 63 ezarpen dituzte Ekialde Ertaineko hainbat herrialdetan.
Jantokien greban ikasleek janaria kanpotik eramatea errespetatzeko eskatu du Pedrosak, ikastetxeak baimentzen badu
Ikastetxe publikoetako jantokietako beharginek lan-baldintzak hobetzea eskatzeko joan den astean egindako hiru greba egunen ondoren, martxoaren 10, 11 eta 12rako deitutakoan aurreko egoera ez dadin errepikatu galdegin du Hezkuntza sailburuak, izan ere, zenbait ikastetxetan etxetik eramandako janaria kendu zitzaien ikasleei. Pedrosak sindikatuei eta enpresei eskatu die "mahaitik ez altxatzeko" akordio batera iritsi arte, horretarako "oinarri ona" dutelako.
Pradalesek eskatu du Ekialde Hurbileko egoera "baretu" dadila eskatu du, eta euskal enpresei dagokienez "beharrezkoak diren neurriak" agindu ditu
Makina-Erremintaren Nazioarteko Azokaren irekiera-ekitaldian, Barakaldoko BECen, lehendakariak aurreratu duenez, Eusko Jaurlaritza Ekialde Hurbileko gatazkak izan ditzakeen "ondorioak" aztertzen ari da dagoeneko, eta "gerra" bat hasteko "benetako arriskua" dagoela ohartarazi du.
Abian da MWCren hogeigarren ekitaldia Bartzelonan, fokua espazioan eta begirada 6G teknologian jarrita
Mobile World Congress kongresuak, konektibitateari lotutako teknologiari buruzko munduko hitzordu nagusiak, 2.900 erakusketari baino gehiago bilduko ditu. Bartzelonako Gran Via de Firako azoka-barrutian martxoaren 5era arte 100.000 bisitari baino gehiago biltzea espero da eta lurraldean 585 milioi euroko eragin ekonomikoa sortzea aurreikusten du, aurreko ekitaldian baino % 4,3 gehiago.
Makina-Erremintaren Nazioarteko Azokak digitalizazio, automatizazio eta robotika proiektu handizaleak erakutsiko ditu BECen
Martxoaren 2tik 6ra, bost egunez, 1.503 erakusketari eta 3.350 produktutik gora egongo dira bertan. Gainera, nazioarteari egingo diote azpimarra aurtengo edizioan, 70 herrialdetatik iritsitako bisitariak bilduko baititu.
Makina-Erremintaren Nazioarteko Azoka, euskal industriaren sendotasuna erakusteko topagunea
Euskal industriaren sendotasuna erakusteko eta merkatu berriak topatzeko aukera izango dute Makina-Erremintaren Nazioarteko Azokan parte hartzen duten enpresek. 34 herrialdetako 3.350 produktu eta zerbitzu berritzaile aurkeztuko dituzte, gehienak makinak.
Dermatosi nodularraren aurkako txertaketa Bizkaira eta Arabara zabaltzeko eskatu du berriro Jaurlaritzak
Espainiako Nekazaritza, Arrantza eta Elikadura ministroari gutuna igorri dio Amaia Barredo sailburuak. Bertan esan dionez, azken fokuaren eta EAEren arteko distantzia txikitu egin da, eta, hortaz, gaixotasuna gure lurraldean zabaltzeko arriskuak gora egin du.
Gipuzkoako zahar-etxeetako erabiltzaileen senideek grebaren ondorioak salatu dituzte
Gipuzkoako zahar-etxeetako adinekoek jasotzen duten zaintza gero eta prekarioagoa dela salatu dute adinekoen senideek. Gipuzkoako egoitza eta eguneko zentroetako langileek 110 egun daramatzate greban, hitzarmen berri baten alde.
Beste hiru greba egun deitu dituzte martxorako eskola jantokietan
Lanuzteak martxoaren 10ean, 11n eta 12an egingo dituzte, gaur egun negoziazioetan duten "blokeo" egoera dela eta.
Gipuzkoako erresidentzietako langileen itxialdia Donostiako Emakumeen Etxean
ELAk deituta, Gipuzkoako adinekoen egoitzetako ehun bat langile Donostiako Emakumeen Etxean itxialdia egiten ari dira atzotik, babes soziala lortzeko eta lan-gatazkan Gipuzkoako Foru Aldundiak "berehala esku-hartzea" eskatzeko.