Rajoyk babesa eskatuko die Frantziari eta Italiari Maltako bileran
Mariano Rajoy Espainiako presidenteak Europako Kontseiluak ekainean hartu zituen erabakiak betetzeko eskatuko du, ostiral honetan Maltan François Hollande Frantziako presidentearekin eta Mario Monti Italiako lehen ministroarekin izango duen bileran, Moncloako iturriek jakinarazi dutenez.
Maltako bileran Mediterraneoko agintariak elkartuko dira urriaren 5ean eta 6an, hain zuzen ere, Magrebeko Aljeria, Libia, Maroko, Mauritania eta Tunisia herrialdeetakoak, eta Europako Frantzia, Italia, Portugal, Malta eta Espainia herrialdeetakoak.
Rajoyk azken Europako Kontseiluan hartutako erabakiak betetzeko eskatuko du, bankuen eta fiskalitatearen batasunean aurrerapausoak emateko. Ekaineko Europako bileran onartu zuten, besteak beste, Europako bankuak kontrolatzeko ikuskatzaile baten figura sortzea, bankuen birkapitalizazio zuzena ahalbidetuko duena.
Espainiako presidenteak “Europa integratuago” bat nahi du, “diru batasun gehiago, batasun politiko gehiago, batasun fiskal gehiago, eta batasun ekonomiko gehiago”, izan ere, “horrek ahalbidetuko du Europak garrantzia izatea mundu mailan”.
Espainiaren balizko erreskatearen harira, lehentasuna ekainean hartu ziren konpromisoak betetzea da, eta ez Espainiak erreskatea eskatuko duen ala ez jakitea, Espainiako Gobernuaren iritziz.
Zure interesekoa izan daiteke
Bilboko Aireportuko ‘handling’ zerbitzuek greba egingo dute, Aste Santuaren ateetan
Maletak eramateaz eta aireportuetako beste zerbitzuez arduratzen den Groundfroce enpresako langileek lanuzteak egingo dituzte astelehen, asteazken eta ostiralean, hitzarmen kolektibo berriaren negoziazioaren barruko desadostasunak direla eta.
52 urteko gizon bat hil da Valtierran, lan-istripuz
Ezbeharra hondakinak kudeatzeko enpresa batean gertatu da, Nafarroako udalerriko abeltzaintza-industrialdean. Lehen ikerketen arabera, kargatzeko pala batek jo du langilea.
Tubos Reunidosek hitzarturiko kaleratzeekin bat egin dezaten eskaini die finko bihurtutako 42 langileei, aldi baterako langileen baldintzekin
Lan Ikuskaritzak, asteazkenean batzordearekin eta enpresarekin egindako bilera batean, Tubos Reunidosek lege iruzurrez egindako 42-47 behin-behineko kontratu atzeman zituen. Hori dela eta, enpresak finko egin behar izan ditu langileak. Sindikatuek azaldu zutenez, enpresak martxoaren 31ra arte luzatu zituen kontratazio horiek.
Ertzaintzan hauteskunde sindikalak egingo dituzte gaur, lantaldea handitzeko eskaera mahai gainean dutela
Botoa emateko eskubidea duten 7.078 ertzainek 60 ordezkari aukeratu beharko dituzte: 17 Araban, 23 Bizkaian eta 20 Gipuzkoan.
Brent upela % 2 igo da, 104 dolarreraino, Irango gatazkaren eboluzioaren zain
Asteazkenean, % 2,17 jaitsi zen, gerrari amaiera emateko negoziazioek aurrera egiteko aukerak bultzatuta, eta AEBk Irani ebazpen-plan bat proposatu baitzion. Iranek plana onartu ez, eta berea aurkeztu du.
Euskadiko Lan Ikuskaritzak lege iruzurrez egindako 42-47 behin-behineko kontratu atzeman ditu Tubos Reunidosen
Langileen batzordeak bilera izan du goizean Eusko Jaurlaritzako Lan Ikuskaritzako ordezkariekin, Gasteizen, eta batzarrak iraun duen bitartean, dozenaka langilek protesta egin dute atarian.
Erregaien krisiak arrantza-sektorea astindu du: lehen ontziak geldirik, Ondarroan
Gasolioaren garestitzeak alturako flotaren zati bat portuan egotera behartu du. Bitartean, sektoreak bideragarritasuna bermatzeko laguntza gehiago eskatzen ditu.
Behargin bat hil da Goiaingo industrialdean, lan-istripuz
Ezbeharra 20:00ak aldera gertatu da, eta bertaratu diren larrialdi-zerbitzuek ezin izan dute langilea suspertu.
Osasun Ministerioak bi bilera egingo ditu aste honetan, medikuen grebari buruz hitz egiteko
Ostegunean greba batzordearekin bilduko da, mobilizazioak eragin dituzten gatazka-puntuak aztertzeko. Ondoren, ostiralean, egoeraren berri emango die autonomia-erkidegoei Osasun Sistema Nazionaleko Lurraldearteko Kontseiluan.
Tubos Reunidosek enplegu-erregulazioko espedientea aurkeztu du, eta 285 kaleratze iragarri
200 langile baino gehiago (152, Amurrion, eta 53, Trapagaranen) hitzartutako kaleratzeen bidez egotziko dituzte. Aldi baterako kontratudun langileak (80 bat), ordea, hilaren amaieran kaleratuko dituzte.