EAJk Bizkaian nahi duen gauza bera Araban nahi izatea espero du PPk
Arabako, Bizkaiko eta Gasteizko Udaleko aurrekontuak onartzeko EAJk eta PPk dituzten negoziazioetan, jeltzaleek Bizkaian nahi duen gauza bera Araban nahi izatea espero du Javier de Andres Arabako ahaldun nagusiak.
Oionen egin duten Diputatuen Batzordearen ostean egin ditu adierazpen hauek De Andresek. EAJk eta PPk 2013ko aurrekontuak onartzeko lehengo astetik dituzten bilerez mintzatu da.
Bizkaiko Aldundian, EAJk PPren abstentzioa behar du gutxienez aurrekontuak onartzeko. Gasteizko Udalean, ordea, Javier Maroto popularrak jeltzaleen babesa behar du proiektua aurrera atera ahal izateko, gutxiengoan gobernatzen baitu.
Arabako Aldundiaren egoera zailagoa da. Bertan, lehengo astean EAJren zuzenketa guztiak sartzeko prest azaldu zen De Andres, baina EAJk aukera baztertu egin zuen eta 2012ko kontuen luzapena proposatu zuen.
Hala ere, jeltzaleen ezezkoa beste akordio batzuk onartzeko "oztoporik" ez dela onartu du Arabako Ahaldun Nagusiak.
Ildo honetan, "jarrera argitzeko" eskatu dio EAJri eta Iñigo Urkulluk krisiari aurre egiteko euskal erakundeetan aurrekontuen inguruko egonkortasunaren alde agin duela ekarri du gogora.
"Agian, gaur bertan EAJk Arabarentzat Bizkaiarentzat nahi duen gauza bera nahi duen ala ez" jakingo dela gaineratu du.
EAJko eta PPko zinegotziak atzo sei orduz bilduta egon ziren eta jarrerak hurbildu zituzten; hori dela eta, gaur bertan itxi daiteke Gasteizko Udalerako akordioa.
Albiste gehiago ekonomia
Industriaren geldialdiak ekonomiaren hazkundea galarazten duela ohartarazi du Adegik
Fakturazioak eta eskariak ez omen dira hazten azken boladan. Enplegua ere gutxiago hazten ari da, eta Gipuzkoako enpresek uste dute laster batean hazkunde hori “zero" izango dela.
Euskadiko Medikuen Sindikatua kalera atera da Estatutu Markoaren zirriborroaren aurka
Lanuzteak bestelako jarraipena izan du EAEko hiru probintzietan: Bizkaian, profesionalen % 30ek egin dute greba; Gipuzkoan, % 26,89k; eta, Araban, % 16,52k, Osakidetzaren arabera. Arratsaldean, parte-hartzea % 10,33ra jaitsi da EAEn.
Jaurlaritzak bertan behera utzi du angula arrantzatzeko 2025-26ko kanpaina, espeziearen egoera "kritikoa" dela eta
Hainbat txostenen arabera, orain arte aplikatutako neurriek ez dute balio izan espeziearen egoera kritikoa lehengoratzeko, eta, horren aurrean, Arrantza Sailak espeziea berreskuratzeko neurriak indartzea erabaki du egoera atzeraezina izan baino lehen.
Medikuak kalera atera dira Estatutu Markoaren zirriborroaren aurka
Lan-baldintzak negoziatzeko mahai propioa exijitzen dute medikuek. "Guk diseinatu eta negoziatu nahi dugu, negoziazio-mahai horretan ordezkaritza ia nulua baitugu", adierazi du Ana Santorcuato Euskadiko Medikuen Sindikatuko ordezkariak.
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.