EAEn unibertsitate ikasketak dituzten emakumeen %35ek ez dute lanik
Unibertsitate ikasketak dituzten EAEko emakumeen %35,6 lanik gabe daude, eta Lehen Hezkuntzako ikasketak dituztenen artean langabezia %0,9koa da.
Adecco enpresak Emakume Langilearen Nazioarteko Egunaren harira, emakume langilearen profilari buruzko txostena egin du, eta bertan irakur daitezke goian aipaturiko datu horiek.
Espainian bestalde, alderantzizkoa gertatzen da, eta krisi ekonomikoak kualifikazio gutxien dutenei eragiten die batez ere.
Unibertsitate ikasketak dituzten emakumeen artean langabezia % 2,5 hazi da aurreko urtearekin alderatuta, eta horien artean langabezia tasa % 35,6koa da orain. Bigarren Hezkuntzako ikasketak dituzten emakumeen % 30,4 lanik gabe daude. Oro har, emakumeen %16,16k ez dute lanik.
Adinari erreparatuta, langabezia tasa oso ezberdina da: 16 eta 19 urte bitarteko gazteen %81,95ek ez dute lanik, 20 eta 24 urte bitarteko gazteen % 39,75 lanik gabe daude, 25etik 54era bitartekoen %15,29 langabezian daude, eta azkenik, 55etik gorako emakumeen % 9,56 daude lanik gabe.
Txostenean irakur daitekeenez, 2008tik 2012ra bitartean etxeko lanak egiten zituzten emakume asko eta asko lan bila hasi dira, nahiz eta 33.400 emakumek soilik lortu duten helburua. Lan bila ari diren emakume gehienek lanaldi osoko lana nahi dute, baina 10etik ia 3k egun erdiko lana dute.
Bestalde, lanean ari diren emakumeen ia erdiek industrian egiten dute lan, laurdenak baino zerbait gehiagok zerbitzuetan, 5etik 1ek ostalaritzan, % 3k nekazaritzan eta %0,6k eraikuntzan.
Zure interesekoa izan daiteke
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuaren eta UAGA Arabako nekazarien elkartearen ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.