EAEko kazetari langabeen kopurua % 111 igo da
Euskal Kazetarien Elkartearen ustez, kazetariek gaur egun bizi duten egoera "jasangaitza" da. Izan ere, azken hamabi hilabeteetan Araban, Gipuzkoan eta Bizkaian lanik gabe dauden kazetarien kopurua % 111 igo da.
Madrilgo Prentsa Elkarteak FAPErekin (Espainiako Kazetari Elkarteen Federazioa) egindako "Kazetari Lanbidearen 2012ko Txostena"ren arabera, 2011. eta 2012. urteen artean lanik gabe geratu diren kazetarien zenbatekoa % 111 igo da Euskal Autonomia Erkidegoan. 2008ko datuekin alderatuz gero, berriz, % 559koa izan da igoera.
Txosten horren arabera, EAEn 283 kazetari zeuden lanik gabe duela bost urte. 2012an, ordea, 1.583 daude langabezian.
Egoera horrek, gainera, okerrera egin du 2013ko lehenengo asteetan. Izan ere, EAEko hainbat hedabidek kazetariak kaleratu dituzte.
Euskal Kazetarien Elkarteak nabarmendu duenez, "erredakzioetan lanpostuak galtzeak lanean jarraitzen dutenei ere eragiten die, esfortzuak bikoiztu egin behar baitituzte kalitatezko produktu informatiboa eskaini ahal izateko".
Gaur egungo garai latz hauetan, Elkarteak komunikabide eraginkor eta sendoagoak izateko beharra ikusi du.
"Krisi garaiotan ere, kazetaritza-lanbideak zuhurtziarekin eta zehaztasunarekin jorratu du informazioa, eta orain gizartearen, erakundeen eta kazetaritza-enpresen babesa behar du beharrezkoak diren egitura informatiboak akabatuko dituen hondamendian ez erortzeko. Izan ere, kazetaririk gabe ez dago kazetaritzarik, eta kazetaritzarik gabe ez dago demokraziarik", ohartarazi du.
Euskal Kazetarien Elkarteak elkartasuna adierazi die lanpostua galdu duten kideei.
Zure interesekoa izan daiteke
Osakidetzak deitutako EPEaren azterketak gainditu dutenen batez besteko tasa % 90 ingurukoa da
Epaimahaiek berehala zuzentzen dituzte azterketak, eta Osakidetzak egun berean edo hurrengo egunean argitaratzen ditu notak. Normaltasunez eta gorabeherarik gabe egin dituzte probak.
Osakidetzako EPEaren azken egun handia BECen
Guztira, 13.112 pertsonak eman dute izena Erizaintzako hautaprobak egiteko. Administrari laguntzaile (16.728 hautagai) eta administrari (9.821) lanpostuak betetzeko azterketak ere egin dituzte goizean.
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.
Albiste izango dira: Saretzen mugikortasunari buruzko azterlana, Osakidetzako inoizko LEP handiena eta "Mitoaroa III"
Gaurkoan Orain-en albiste izango direnen laburpena, bi hitzetan.
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.
Zabalik dago Tubos Reunidos erosteko interesa agertzeko epea
Hartzekodunen konkurtsoa kudeatzen duen epaileak erosketa-prozesua aktibatu du eta konkurtso-administratzaileak prozesua bideratzeko jarritako arauak onartu ditu. Lehentasuna ematen dio talde osoa saltzeari.
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.