BPG % 0,5 jaitsi da lehen hiruhilekoan
Espainiako ekonomia % 0,5 jaitsi da 2013ko urtarrila eta martxoa artean, aurreko hiruhilekoan baino hiru hamarren gutxiago egin du behera, Estatuko Estatistika Institutuak aurreratu duenez.
Urte arteko bataz bestekoari erreparatuz gero, Barne Produktu Gordina % 2 erori da.
Espainiako ekonomiak zazpi hiruhilekotan jarraian egin du behera, 2011ko hiruhilekoaz geroztik berreskuratze apal baten ostean atzeraka hasi eta gero.
Estatuko Estatistika Institutuaren (INE) arabera, 2013ko lehen hiruhilekoan, ekonomiak, batik bat, espainiako barne eskaria dela eta egin du behera. Datorren maiatzaren 30ean argitaratuko du behin betiko datua.
Bestalde, familien kontsumoa epe laburrean errekuperatzeko marjina handirik ez dagoela iragarri dute, familiek aurrezteko gaitasun txikia dutelako, oso zorpetuta daudelako eta lan merkatuan ziurgabetasun handia dagoelako.
Luis de Guindosen iritzia
Luis de Guindos Espainiako Ekonomia ministroaren arabera, BPGren % 0,5eko jaitsiera aurreko hiruhilekoarekin alderatuta "ez da hain txarra", 2012ko azken lauhilekoan % 0,8 egin zuen behera ekonomiak.
Halaber, Espainiako ekonomiaren adierazle guztiek "suspertze bat islatzen" dutela adierazi du.
De Guindosek Onda Ceron egin ditu adierazpen horiek, datua "txarra" dela aitortu du, baina 2012ko azken hiruhilekokoa baino hobea dela azpimarratu du eta ordainketen balantzaren superabita BPGren % 2 eta % 3 artean kokatu den itxaropena agertu du.
Zure interesekoa izan daiteke
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.
Espainiako Gobernuak diesela 20 zentimo jaitsiko du irailean, uztailean prezioak gora egin ostean
KPIa lau hamarren igo da uztailean, % 3,6raino Espainia osoan, erregaien eta elektrizitatearen garestitzeak bultzatuta. EAEn, hazkundea bost hamarrenekoa izan da, % 3,7raino. Nafarroan, aldiz, zazpi hamarrenekoa, % 3,4ra arte.
HLREk Megapark merkataritza-gunea saldu dio NEPI Rockcastleri, 254 milioi euroren truke
Akordio honek, NEPI Rockcastlek Europako merkataritza-zentroen sektorean duen presentzia indartuko du, eta Bizkaian erreferentziazko aktibo nagusietako bat gehituko dio bere merkataritza-ondareari.
Euskadiko ikuskizunetako teknikariek grebari eutsi diote, lehen hitzarmen kolektiboaren negoziazioa blokeatuta dagoela salatuta
Lanuzteek abuztuaren 14an eta 26an jarraituko dute, Donostiako eta Bilboko jaiekin bat eginez.
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.