Bruselak defizit helburua malgutzeko baldintzak iragarriko ditu gaur
Europako Batzordeak defizit helburua malgutzeko baldintzak jakinaraziko dizkio gaur Espainiari, eta, segur aski, ez dio isunik jarriko orain arteko helburuak ez betetzeagatik.
Hain zuzen ere, Bruselak beste bi urte emango dizkio Espainiari, defizita barne produktu gordinaren (BPG) % 3ra jaisteko. Olli Rehn Gai Ekonomikoetarako komisarioak aurreratu duenez, helburu berriak hauek izango dira: % 6,3 aurten, % 5,5 hurrengo urtean, % 4,1 2015. urtean eta % 2,7 2016an.
Gaur, Batzordeak Espainiaren erreformak aztertuko ditu, eta Mariano Rajoyren Gobernuak oniritzia emango dietela uste du.
Dena dela, apirilaren 10ean, Bruselak Espainiaren desoreka ekonomikoak aztertu zituen, eta, egun horretan esandakoa oinarri hartuta, gaur jakinaraziko dituzten baldintzak nolakoak izango diren asma daiteke.
Hori horrela, Europako Batzordeak produktuen eta zerbitzuen merkatuen lehiakortasuna hobetzea gomendatu zion Espainiari.
Besteak beste, lan erreforman sakontzea, soldatak jaistea, enplegu politikak hobetzea, pentsioak erreformatzea eta hainbat produkturen BEZ murriztua igotzea ere aholkatu zuen.
Ondoren, erkidegoen txanda
Espainiako Gobernuak Bruselaren baldintzak ezagutu eta gero, erkidegoei ere defizit helburua malgutzea erabakiko du.
Orain, erkidegoek BPGaren % 0,7 dute helburu. Euskadiren kasuan, helburua igotzen den hamarren bakoitzeko, 66 milioi euro gehiago izango ditu Eusko Jaurlaritzak. Hau da, EAEk defizita % 1era igotzeko baimena jasoko balu, Aurrekontuetan aurreikusita ez zeuden beste 200 milioi euro izango lituzke.
Zure interesekoa izan daiteke
Espainiak gasolio-, gasolina- eta keroseno-erreserbak ditu ia 100 egunerako
Sara Aagesen hirugarren presidenteorde eta Trantsizio Ekologikorako eta Erronka Demografikorako ministroak berretsi du Espainiako gas- eta petrolio-merkatuak "lasai eta normal" funtzionatzen ari direla.
Espainiako Gobernuak 107 milioi inbertituko ditu Multiverse Computing enpresa donostiarrean
2025ean, Eraldaketa Teknologikorako Espainiako Sozietateak bere babesa eman zion konpainiari 59,2 milioi euroko inbertsioarekin, AAri lotuta aurrerapen teknologikoak sustatzeko helburuarekin.
Bizkaiko Aldundiak iragarritako aldaketa fiskalek langileen artean desberdintasunak sortzen dituztela salatu du ELAk
Aldundiak beherapen fiskalak eskaini nahi ditu enpresak bertan errotzeko eta langileak erakartzeko. ELAren arabera, "enpresarien zerbitzura" egindako neurriak dira, eta langileen artean ezberdintasunak sortuko dituzte.
Araban, AP-68a % 70 merkeago izango dute autoek, eta % 50, kamioiek
Foru Aldundiak azaroan hartuko du bere gain bide horren Arabako zatiaren kudeaketa. Tarifen helburua lurraldeko gaitasun handiko bideen "zaintzeko eta modernizatzeko baliabideak biltzea" izango dela adierazi du.
Osakidetzak deitutako EPEaren azterketak gainditu dutenen batez besteko tasa % 90 ingurukoa da
Epaimahaiek berehala zuzentzen dituzte azterketak, eta Osakidetzak egun berean edo hurrengo egunean argitaratzen ditu notak. Normaltasunez eta gorabeherarik gabe egin dituzte probak.
Osakidetzako EPEaren azken egun handia BECen
Guztira, 13.112 pertsonak eman dute izena Erizaintzako hautaprobak egiteko. Administrari laguntzaile (16.728 hautagai) eta administrari (9.821) lanpostuak betetzeko azterketak ere egin dituzte goizean.
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.