Horrela jarraitu dugu eitb.com-en greba orokorra
14:30. Amaitutzat ematen dugu gaurko kontakizuna. Eguneko kronika egin dugu Maiatzaren 30eko Greba honen inguruko xehetasunak eta grebaren argazkiak eskura izan ahal izateko.
14:00. Milaka lagunek hartu dute parte greba orokorraren deitzaileek Bilbon, Donostian, Gasteizen eta Iruñean antolatutako manifestazioetan. Agintari politikoak egiten ari diren erreformak eta murrizketak salatu eta langileen eskubideak errespetatzea ezinbestekoa dela aldarriakatu dute.
13:50. Confebask euskal enpresarien konfederazioak esan du greba orokorrak "beste behin porrot" egin duela. Bere datuen arabera, grebaren eragina % 30ekoa izan da Gipuzkoan eta % 10 baino gutxiagokoa Bizkaian eta Araban. "Zonalde gehienetan grebak ez du eraginik izan; sektoreka eta lurraldeka, jarraipena oso txikia eta ezberdina izan da", erantsi du ohar batean.
12:50. Eusko Jaurlaritzak zabaldutako datuen arabera, grebaren jarraipena % 20koa da sektore publikoan eta % 18,7koa sektore pribatuan. Juan Maria Aburtok azaldu duenez, beste lanuzte batzuetan baino istilu gutxiago izan dira oraingoan. 18 pertsona identifikatu dituzte "beste langile batzuei mehatxu egiteagatik".
12:33. CEBEK Bizkaiko patronalaren arabera, lurralde horretan grebaren jarraipena % 5ekoa da. "Datu horrek agerian utzi ditu sindikatuen arduragabekeria eta langileen jarrera arduratsua", adierazi du Bizkaiko Enpresarien Konfederazioak ohar baten bidez.
11:15. Arabako patronalak (SEA) emandako datuen arabera, greba % 9ko jarraipena izaten ari da lurralde horretan. "Agerian geratu da langileek arduraz jokatzearen alde egin dutela euren lanpostuetara joanda", nabarmendu dute ohar batean.
10:30. Yolanda Barcina Nafarroako Gobernuko presidentearen iritzian, greba orokorrak "galera ekonomiko gehiago" izatea ekarriko dio foru erkidegoari. Jose Antonio Sarria Nafarroako Enpresarien Konfederazioko presidenteak ildo beren hitzegin du. Bere ustez, testuinguru ekonomiko honetan aldarrikapenak egiteko modurik okerrena da greba orokorra deitzea.
10:14. Zortzi pertsona atxilotu dituzte Iruñean goizeko lehen orduetan, desordena pubikoak eragitea leporatuta. Atxilotuetako hiru adingabeak dira. Ikusi maiatzaren 30eko greba orokorraren argazkiak.
09:59. Juan Maria Aburto Jaurlaritzako Lan sailburuak esan duenez, "oraingoz greba egunean normaltasuna da nagusi, istilu batzuk izan badira ere". Alabaina, Aburtok erantsi du momentuz Jaurlaritzak ez duela grebaren jarraipenari buruzko daturik.
(Donostian tentsio uneak izan dira informazio-piketeen eta udaltzaingoen artean. Argazkia: EFE)
09:15. Nafarroan, LABren arabera, greba erantzun zabala izaten ari da Bortzirietan, Sakanan eta Iruñerriko enpresetan.
09:09. Araban, Mercedes eta Michelin bezalako konpainia handietan lanuzteak eragin handia izango duela esan dute sindikatuek. Ixtea erabaki duten enpresetako batzuk hauek dira: Beretta Benelli Iberica, Wind Energy Casting Fundiciones, Alestis, CIE Gameko eta Arcelor Savatierra. Aiaran Inausa, Jez, Talleres Gometegi edo Kider bezalako enpresek grebarekin bat egin dute.
09:05. Gipuzkoan ondoko enpresek babestu dute greba, besteak beste: CAF, Indar, Rodisa, Niessen, Eztanda, TS Fundiciones, Angel Iglesias (Ikusi), Industrias Auxiliares, Elay Industrial, Fundiciones Wind Energy Casting, Muskgo, Cementos Rezola, Sarriopapel eta Unipapel.
09:00. Bizkaian, ondoko enpresak itxita daude: Estampaciones Metalicas Bizkaia, CIE Udalbide, Camelot, Ormazabal, Mesa, Tecnicas Hidráulicas, EGT, MFS Trapaga Sintering, Gea Iberica, Tecnichapa.
08:45. Sindikatuen hitzetan, grebaren jarraipena handia izaten ari da EAEn, batez ere Gipuzkoako eta Bizkaiko industria-guneetan.
08:30. Bilboko metroaren katenaria moztu dute Boluetako geralekuan eta zenbait kutxazain erre dituzte Hernanin.
(Hernanin hiru kutxain automatiko erre dituzte. Argazkia: EFE)
Euskal Herriko gehiengo sindikalak greba orokorra babestera deitu ditu langileak, agintari politikoak ezartzen ari diren erreforma eta murrizketen aurka.
Zure interesekoa izan daiteke
Egunean 188.000 petrolio upel gehiago ekoitziko ditu OPEP+ aliantzak ekainetik aurrera
Bestalde, merkatuaren egoera gertutik aztertzen jarraitzeko konpromisoa hartu dute aliantza osatzen duten herrialdeek, eta berretsi dute garrantzitsua dela "ikuspegi zentzuduna" izatea, "baita ekoizpenaren doikuntza handitzeko, gelditzeko edo kentzeko malgutasuna izatea ere".
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.
Behargin bat hil da Zamudion, lan-istripuz
Langileak 61 urte zituen. Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren. ELAk lan-istripua salaktzeko elkarretaratzea deitu du maiatzaren 5erako.
AAk 2,3 milioi lanpostu suntsitu ditzake datorren hamarkadan Espainian
Bereziki enplegatu administrarien eta erdi-mailako zein goi-mailako teknikarien taldeei eragingo lieke. Hala ere, AAri lotutako 1,61 milioi lanpostu berri inguru sortuko lirateke eta, horrek, suntsitutako lanpostuen zati handi bat konpentsatuko luke.