Mendeko ekarpenekin iruzur egin ez zutela diote Eroskik eta Fagorrek
Mendeko finantza-ekarpenen salmentan iruzurrik egin ez dutela adierazi dute gaur Eroski eta Fagor kooperatibek. Gordailuen likidezia eskatzen duten inbertitzaileentzat irtenbide bat bilatzeko prest agertu dira biak, baina ez dute ezer zehaztu.
Bi konpainietako ordezkariek agerraldia egin dute Eusko Legebiltzarreko batzordean, finantza-ekarpenen salmentak sortutako egoera azaltzeko.
Bi enpresetako zuzendaritzek prozesu guztia legezkoa izan dela esan dute, baina kaltedunen egoerarekin eroso ez daudela erantsi dute. Horregatik, alde guztientzat bidezko konponbide bat bilatzeko prest azaldu dira.
Bi kooperatibek produktuaren jaulkitzaileak izan zirela onartu dute, baina salmentaren arduradunak, bezeroekin harremana izan zutenak, bankuak izan zirela gogorarazi dute. Eroskik eta Fagorrek ez dituzte bezeroak ezagutzen.
Mendeko finantza-ekarpenen gatazka konpontzeko borondatea azaldu du Eroski Taldeak, betiere enpresarentzat "bidezkoa" den irtenbide "bideragarria" adosten baldin bada. Taldeak "iruzurrik egin ez" zuela azaldu du Eroskik; izan ere, operazioak Euskadiko Kooperatiben Legeak jasotzen ditu, eta Balore Merkatuaren Batzorde Nazionalak onartu zituen.
Rosa Maria Carabel Eroski Taldeko zuzendariak agerraldia egin du Eusko Legebiltzarreko Osasun eta Kontsumo Batzordean, PSEk eskatuta, mendeko finantza-ekarpenen inguruan azalpenak emateko. 660 milioi euro saldu zituen konpainiak ekarpenetan, 2002an, 2003an, 2004an eta 2007an.
Finantza-produktuaren 40.000 kaltedun zenbatu dituzte kontsumo elkarteek. Bezeroek informazio "engainagarria" jaso zutela salatu dute elkarteek; izan ere, bezeroen aurrezkiak "bahituta" daude.
Mendeko finantza-ekarpenak Euskadiko Kooperatiben Legeak jasotzen dituela adierazi du Carabelek. Bestalde, Balore Merkatuaren Batzorde Nazionalak onartu dituela gogorarazi du. "Eroskik beharrezko eta eskatutako guztia egin zuen inbertitzaileek erabakitzeko informazioa izateko", azpimarratu duenez.
Zure interesekoa izan daiteke
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.