Ares: 'Ez da akordiorik egongo fiskalitateari buruzkoa baino ez bada'
Rodolfo Ares PSE-EEko Antolakuntza idazkariak adierazi duenez, EAJrekin negoziatzen ari diren akordioa ez da fiskalitateari buruzkoa izango bakarrik, "lau herrialde konturi" buruzkoak baizik. Horrenbestez, "gauza bakar baten inguruan" akordioa ez dela "posible" izango ohartarazi du.
Radio Euskadin egindako elkarrizketa batean, Ares "harrituta" agertu da, EH Bilduk uko egin baitio akordioari, "oraindik akordiorik ez badago ere".
Aresen esanetan, balizko akordioak ekonomia eta enplegua, erakunde sistemaren erreforma, zerbitzu publikoen defentsa eta fiskalitatea eta iruzurraren aurkako borroka izango ditu oinarri.
Negoziazioetan, "aurrerapauso ugari" eman dituztela azaldu du Aresek, "baina oraindik gauza inportanteak daude ixteke".
Zure interesekoa izan daiteke
Eusko Jaurlaritzak aurrekontuen negoziazioa amaitutzat eman du, oposizioarekin akordiorik lortu gabe
Azken hamar urteetako esportazioen irailik onena izan dela nabarmendu du Eusko Jaurlaritzak
Adifen arabera, grebak % 6,04ko eragina izan du Euskadin goizeko txandan, eta % 15,56koa gauekoan