Aldundiek eta Jaurlaritzak Aurrekontuen oinarriak zehaztuko dituzte
Finantza Publikoen Euskal Kontseiluak 2014. urteko diru-sarreren aurreikuspena zehaztuko du gaur. Hurrengo urteko Aurrekontuak diseinatzeko ezinbesteko urratsa da hori.
EAJk, PSE-EEk eta PPk adostutako itun fiskala hiru lurraldeetako Batzar Nagusietan aurten onartuko balute, diru-bilketan izango lukeen eragina 2015. urtean nabarituko litzateke, hau da, zergadunek 2014. urteko zergak ordaindu eta gero.
Finantza Publikoen Euskal Kontseilua Eusko Jaurlaritzak, Bizkaiko, Arabako eta Gipuzkoako Foru Aldundiek eta Eudel Euskadiko Udalen Elkarteak osatzen dute. Azken horrek, baina, ez du boto eskubiderik.
Jaurlaritzatik azaldu dutenez, bilera tentsio gabekoa izatea espero dute. Gai-zerrendan, hiru kontu: aurtengo diru-bilketaren aurreikuspena ixtea, 2014. urtekoa kalkulatzea eta aldundiek Jaurlaritzari hurrengo urtean egingo dioten ekarpena zehaztea.
Aldundiek Jaurlaritzari eman behar diotena Ekarpenen Legean zehaztuta dago, eta, gaurko bileran, Javier de Andres Arabako ahaldun nagusiak hori erreformatzea proposatuko du, lurraldeen artean "desoreka ekonomiko larria" sortzen duelakoan.
Aldarrikapen horren aurrean, arabarrek eta gipuzkoarrek kexatzeko arrazoirik ez dutela esan du Jose Luis Bilbao Bizkaiko ahaldun nagusiak. Horren esanetan, bere lurraldeak du pisu handiena Jaurlaritzaren finantzaketan.
Kontseiluak aurtengo diru-bilketa ere itxi beharko du. Iaz, 11.825 milioi eurokoa izan zen, eta, aurtengo abuztua arte, aldundiek 7.254 milioi euro bildu dituzte, iazko lehen zortzi hilabeteetan baino % 3,7 gehiago.
Joera, baina, ez da bat izan hiru lurraldeetan: Bizkaian % 5,2 hazi da diru-bilketa (4.060 milioi euro, orotara), eta, Gipuzkoan, % 3,6 (2.185 milioi euro). Araban, baina, % 1,8 jaitsi da (1.008 milioi).
Azkenik, Kontseiluak hurrengo urteko aurreikuspenak kalkulatu beharko ditu, eta erakundeek aurreikuspen horietan oinarrituta diseinatu beharko dituzte 2014. urteko Aurrekontuak.
Zure interesekoa izan daiteke
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).