PPk bat egin du EAJren eta PSE-EEren arteko itun fiskalarekin
Hainbat egun negoziatzen eman ostean, PPk bat egin du azkenean EAJk eta PSE-EEk sinatutako itun fiskalarekin, Javier de Andres Arabako ahaldun nagusiak iragarri duenez.
Horren esanetan, baina, oraindik ere hainbat "zehaztasun" negoziatu behar dira, Batzar Nagusietara bidaliko dituzten testu zehatzak, kasu.
PPk horiekin bat egiteko, jeltzaleek eta sozialistek euren akordioaren hainbat puntu aldatzea onartu dute, elkarteen gaineko zergaren, aurrezki errenten eta pertsona fisikoen errentaren gaineko zergaren ingurukoak, besteak beste.
Gasteizen egindako agerraldian, PPk egindako ekarpenari esker zerga igoera txikiagoa izango dela azpimarratu du De Andresek.
Akordioaren 'onurak'
Negoziazioa "ona" izan dela iritzi dio Arabako ahaldun nagusiak, eta akordioak "onura" asko ekarriko dituela esan du. "Aurrezki zergen tratamenduaren moderazioa eta familia ugarientzako eta gazteentzako alokairuzko eta jabetzako etxebizitzei aplikaturiko zerga igoeraren moderazioa" adostu dituzte, horren arabera.
Bizkaian eta Araban egitasmo berri bat aurkeztuko dute, hiruko akordioan adostutakoa jasotzeko. Gipuzkoan, berriz, alderdiek jakinaraziko duten "formula" berri bat erabiliko dute, De Andresen hitzetan.
2014ko Aurrekontuekin loturarik ez
"Alderdi guztiek zerbaiti uko egin behar izan diogu". De Andresek zehaztu du itun fiskalak ez duela loturarik 2014. urteko Aurrekontuen inguruko negoziazioarekin. Jaurlaritzak bere egitasmoa aurkeztu ondoren hasiko dira datorren urteko aurrekontuei buruz hitz egiten.
Akordioa fiskalitatearen ingurukoa dela azpimarratu du De Andresek. Izan ere, bere alderdiak ez du EAJren eta PSE-EEren arteko hitzarmen ekonomikoa bere osotasunean babestuko.
Hiru alderdien arteko "ulermena" ere azpimarratu nahi izan du Arabako ahaldun nagusiak. EH Bildu koalizioa hitzarmenetik kanpo geratu da. Alderdi Popularrak Bizkaiko, Gipuzkoako eta Arabako Batzar Nagusietan itun fiskalaren aldeko botoa emango du. Horrenbestez, hiru erakunde horietan akordioa onartzea lortuko dute.
Berrikuntzak
Aurrezkien errentei dagokienez, PPk beste tarte bat sartzea lortu du, zero eta 2.500 euro artekoek % 20ko zergak ordain ditzaten, % 21ekoak barik, tratamendu "hobea" eskaintzeko.
Etxebizitza erosi edo alokatzeagatik ematen zen kreditu fiskalari eutsi diote, baina gazteei eta familia ugariei ezartzen zitzaien kenkari erantsia ere mantenduko dute.
De Andresek nabarmendu duenez, Pertsona Fisikoen Errentaren gaineko Zergan (PFEZ) ekintzaileek onurak izateko modua aztertzen ari dira hiru aldeak. Sozietateen gaineko Zergari dagokionez, lanpostu berriak sortzeagatik kenkariak aplikatuko dira, Alderdi Popularrak egindako proposamenari jarraiki.
Zure interesekoa izan daiteke
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.
PSE-EEk hizkuntza eskakizunei buruzko eztabaida gelditzea eskatu du, gero eta "polarizazio" handiagoa dagoelako
Sozialistek hizkuntza-indizeak legez blindatzea proposatu dute, arnasguneetan izan ezik, eta EAJren proposamenean "justifikaziorik gabeko gehiegikeriak" egon daitezkeela ohartarazi dute.