Horrela kontatu dugu 2014ko Aurrekontuen aurkezpena
Jaurlaritzaren Kontseiluak Euskal Autonomia Erkidegoko 2014. ekitaldirako Aurrekontu Orokorren Lege Aurreproiektua onartu du gaur, asteartea, eta hurrengo ostegunean erregistratuko dute Eusko Legebiltzarrean.
13:14 Amaitutzat eman dute agerraldia. Eskerrik asko albistea zuzenean jarraitzeagatik.
13:09 2014ko zorpetzea "1.315 milioi eurokoa" izango dela adierazi du Ogasun eta Finantza sailburuak.
13:02 "Defizit helburua malgutu da, eta ondorioz baliabide gehiago ditugu, baina zorpen maila handiagoa ere, amortizazioak direla eta".
12:57 "Aurten, aurreikusten den diru-bilketa dela eta, Gastu Sozialean eta Inbertsioan diru gehiago egongo da"
12:55 "2014ean aurten baino hobeto egongo garela diote aurreikuspenek, eta horien arabera egin diugu Aurrekontuak" esan du sailburuak.
12:50 Kazetarien galderak erantzuten ari da Gatzagaetxebarria Ogasun eta Finantza sailburua.
12:46 % 9,5 gehiago izango du Ingurumen eta Lurralde Politika Sailak.
12:45 Eragiketa arrunten gastua % 5,6 handiagoa izango da, iazko Aurrekontuekin alderatuta.
12:42 Pasibo finantzieroen zenbatekoa oso handia izango da: 199,9 milioitik 537,7 milioira igarota.
12:39 Gizarte Larrialdiko Laguntzak ordaintzeko partida hiru milioitan handituko da, % 18,5 alegia.
12:34 Inbertsioara bideratutako atalak batuta, % 10,4 handiago da, iazkoaren aldean.
12:33 Hezkuntza, Hizkuntza Politika eta Kultura Sailean, 130,5 milioi gehiago bideratuko dituzte (% 5 gora).
12:30 Osasun arloan, % 3,8 egingo du gora gastuak.
12:27 Enplegu eta Gizarte Politika Saila izango de gehien handituko dena Aurrekontuetan, % 19,7 handituko da.
12:23 Aurrekontu Proiektuaren baliabideak ugariagoak izango dira, iazkoaren aldean: ia 899 milioi euro, alegia, % 9,6ko hazkundea.
12:21 Aurten 20.000 lanpostu galduko dira guztira, eta 2014 ildo beretik jarraitzea espero da, baina galera gutxiagorekin.
12:19 Euskadiko BPGak bigarren urtez jarraian behera egingo du 2013an.
12:18 Kanpoko eskariak hazkundeari eragindako ekarpena hiru hamarretakoa izan da.
12:13 Eusko Jaurlaritzak datorren urtean 10.200 milioi euroko aurrekontua izango du.
12:10 10,5 milioiko diru-laguntza bideratuko dute Arrantza sektorea laguntzeko.
12:08 Josu Erkoreka eta Rocardo Gatzagaetxeberria prest dira Aurrekontuak azaltzeko.
Zure interesekoa izan daiteke
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.