Aurrekontuek EAJrekin adostutakoa biltzen dutela kontrolatuko du PSEk
Jose Antonio Pastor PSE-EEren Bizkaiko idazkari nagusi eta Eusko Legebiltzarreko bozeramaileak Eusko Jaurlaritzari abisatu dionez, sozialistek begi zorrotzez aztertuko dute aurrekontu proiektuak EAJrekin hitzartutakoa biltzen ote duen.
Ramon Rubial sozialista historikoaren jaiotzaren 107. urteurrena ospatzeko ekitaldian, Pastorrek EAJrekin "zerga politika aldatzeko eta ekonomia eta enpleguari hauspoa emateko itxitako akordio onaren" alde egin du.
Haren iritziz, paktu horri esker "zerbitzu publikoei eutsi ahal izango diegu" krisiaren aurrean, "Espainiako beste toki batzuetan ez bezala eta Iñigo Urkulluren aurtengo aurrekontuekin gertatuko zenaren aurka". Aurrekontu proiektua erretiratu zuen lehendakariak, babesik ezean.
"Ramon Rubialek esaten zuena lortuko dugu: eskubideen eta zerbitzuen defentsa Aldizkari Ofizialean egotea", adierazi du Pastorrek.
Nolanahi ere, hitzarmen hori babesteaz haraindi, PSE-EEk "oposizioko alderdi leial eta arduratsua" izaten jarraituko duela hitzeman du, "demokrazietan oposizioko alderdiei dagokien gisara".
Sozialisten bozeramaileak Euskadiren Eguna, urriaren 25eko jaieguna, bertan behera utzi izana kritikatu du. "EAJk eta EH Bilduk beste inor baino abertzaleagoa izateko duten norgehiagoka absurduari" egotzi dio jaieguna ezabatzeko erabakia Pastorrek.
"Sozialistok ez dugu inolako interesik euskal herritarren arteko bizikidetza eta pluraltasuna hausteko lehiaketa horretan", baieztatu du Pastorrek, eta EAJri "estatus politiko berrirako" poposamena zertan datzan azaltzeko eskatu dio.
"Estatutuaren Eguna ospatzea merezi ez duela erabaki badute, denok buruan dugun bide hori hartzeko asmoa dutela ematen du, eta ez dut uste hortik oso urrun helduko garenik", erantsi du.
Ramon Rubialen alabak, Lentxu Rubial senatari ohiak, ere hartu du parte ekitaldian, eta lore eskaintza egin dute Abandoibarran, PSOEren presidente eta Eusko Kontseilu Nagusiko buru izan zena gogoan hartzeko estatuaren aurrean.
Zure interesekoa izan daiteke
Joxerramon Bengoetxeak akordioak lortzeko borondatea ikusten du bai Jaurlaritzan eta bai EHUn ere
Joxerramon Bengoetxeak azaldu duenez, Jaurlaritzak eta EHUk asteak daramatzate bilerak egiten. "Kontraste garrantzitsuak izan ditugu gure artean", baina bi aldeek "borondatea" dute "bi aldeentzako akordio hoberena bilatzeko", azaldu du.
Antxon Alonso enpresaria atxilotu dute, Bizkaian, Leire Diez eta EIPSren presidente ohia atxilotu dituzten polizia-operazioan
Guardia Zibilaren Unitate Zentral Operatiboa miaketak egiten ari da Madrilen, Sevillan eta Zaragozan, tartean, Forestalia enpresak Zaragozan duen egoitzan.
Espainiako Gobernuak "legez kontrakotzat eta baliogabetzat" jo ditu Txiki eta Otaegi epaitu zituzten gerra-kontseiluak eta bien exekuzioak
Familiek eskaera egin ondoren, eta Memoria Demokratikoari buruzko 20/2022 Legea aplikatuz, Jon Paredes Txiki eta Angel Otaegiren aldeko Aitorpen eta Erreparazio Pertsonaleko Adierazpena onartu du Espainiako Gobernuak, "arrazoi politikoengatik" jazarri zituztela, "bermerik gabeko" epaiketetan zigortu zituztela eta "giza eskubideen urraketen biktimak" izan zirela aitortuz.
Gazako genozidioaren arduradunek kontuak emango dituztela esan dio Sanchezek Abbasi
Palestinako Aginte Nazionaleko presidenteak Espainia bisitatu du bigarren aldiz, Gobernuak Estatu gisa onartu ondoren.
Abalosek Kongresuko eskubideak galdu ditu eta kartzelan dagoen bitartean ezin izango du bozkatu
Ministro ohi sozialistak ez du Gorteen ordainsari ekonomikorik jasoko.
Iriartek eta Echevestek ika-mika gogorra izan dute, Gipuzkoako aurrekontuak direla eta
Gipuzkoako Batzar Nagusietan EH Bilduk aurrekontuei aurkeztutako osoko zuzenketa atzera bota dute taldeek. Gaurko eztabaidan, Maddalen Iriarte EH Bilduren ordezkariak gogor kritikatu du Elkarrekin Podemosek EAJ eta PSE-EE alderdiekin itxitako akordioa, 2026ko kontuak babesteko. Miren Echevestek alderdi morearen eledunak, bere aldetik, koalizio subiranistak ez duela berdin jokatzen Madrilen eta Gipuzkoan.
Pradalesen ustez, EH Bilduk "irmoki gaitzetsi" behar ditu Ernairen sabotajeak
Imanol Pradales lehendakariaren iritziz, "EH Bilduk ezin ditu eskuak garbitu" Ernaik, Sorturen gazte erakundeak, aldarrikatutako sabotajeei eta erasoei dagokienez. "Onartezina da Ernaik, Sorturen gazte erakundeak, alderdi baten egoitza baten aurkako erasoa publikoki aldarrikatzeko aukera ematea, eta alderdi horren zuzendaritzaren gaitzespenik ez izatea", hori baita, aldi berean, EH Bilduren "muina".
Jose Tomek dimisioa eman du Lugoko Diputazioko presidente gisa sexu-jazarpeneko salaketen ostean, baina alkate jarraituko du
Sozialistak ukatu egin ditu akusazioak, eta aurreratu du "ekintza judizialak" hasiko dituela, eta "alderdia maite" duelako eta "defentsa erraztu" ahal izateko utzi duela kargua.
Guardia Zibilak Leire Diez PSOEko militante ohia atxilotu du, kontratazio publikoetan egin omen dituen irregulartasunengatik
Diez ustezko eraginen trafiko eta eroskeria delituengatik ikertu gisa agertzen da Madrilgo Instrukzioko 9 zenbakiko Epaitegiko titularrak zuzentzen duen auzi batean.
EAJk kezka handiz hartu du Euskadiko Auzitegi Nagusiak enplegu publikoaren legeaz Auzitegi Kostituzionalean kontsulta egitea
Maitane Ipiñazar EBBren idazkariak Euskadi Irratian esan du euskararen normalizazio legea bera ere zalantzan jartzen duela erabakiak.