Fagorren Poloniako filiala hartzekodunen konkurtsoan sartu da
Fagor Mastercook S.A.-k, Fagor Etxetresnak kooperatibaren Poloniako filialak, hartzekodunen konkurtsoan sartzeko eskaria egin du gaur, kooperatibak Espainiako Balore Merkatuaren Batzorde Nazionalari jakinarazi dionez. Donostiako Merkataritza alorreko Epaitegian sartu du eskaria Fagorrek, Konkurtso Legeak eskatzen duen moduan.
Fagor Etxetresnakek, berriz, urriaren 16an aurkeztutako aurrekonkurtso egoeran jarraitzen du, egungo egoerari irtenbidea ematen saiatzeko, bere jarduerari "jarraipena" emango dion finantziazioa aurkitzeko epeak betetzen.
Erabakia gaur bertan helarazi diote Balore Merkatuaren Batzorde Nazionalari, MCC Fagorren proposamenaren aurka agertu eta laguntzarik ez ematea erabaki eta biharamunean.
Poloniako filialak hornitzaileekin dituen zorrak ordaintzeko finantziaziorik ez duelako hartu dute erabakia.
Poloniako lantegian 1.800 beharginek egiten dute lan, eta 220 milioi euroko diru-sarrerak izan zituen 2012an, Fagorreko iturriek azaldu dutenez.
Frantziako lantegia
Frantziako Estatuan dituen lantegien kasuan, aipatu iturriek adierazi dute ez dutela hartzekodunen konkurtsoa eskatu. Hala ere, hiru aste egin dituzte etenda, eta langileak zain daude datorren asteazkenean sindikatuek eta zuzendaritzak egingo duten bileraren emaitzaren zain, EiTBk jakin ahal izan duenez.
Sindikatuen ustez, Fagor Brandt enpresak ordainketen etenaldia iragarriko du bilera horretan. Egoera horretara iritsiz gero, merkataritza arloko epaitegi batek esku hartuko du, eta hiru aukeraren artean erabaki: dena berriz martxan jarri, lantegia interesa duen beste enpresa baten esku utzi edo dena itxi. Litekeena da azken horren alde egitea, horien arabera. Hori dela eta, harremanetan jarri dira Industria ministroarekin, eta 60 milioi euroko eskaria dutela jarriko diote mahai gainean.
Fagorrek 2005ean erosi zuen Frantziako filiala, eta, askoren esanetan, erabaki okerra izan zen, krisia aurreikusi gabe egin zelako. Guztira 2.000 langile ditu lau lantegi eta logistika zentro batean banatuta.
Kooperatibak azaldu duenez, horrek ez dio Fagor Etxetresnaki eragingo, eta hartzekodunen aurrekonkurtsoan jarraituko duela iragarri du, konkurtso legeak hori egitea ahalbidetzen duelako.
Kotizazioa, bertan behera
Bestalde, Balore Merkatuaren Batzorde Nazionalak Fagor Etxetresnak kooperatibaren kotizazioa bertan behera uztea erabaki du, balorearen gaineko operazioen joera normala alda dezakeen egoera batean dagoelako.
Derrigorrezkoa den izapide hori beteta, Fagorrek agiri bat kaleratuko du, datozen egunotan egingo dituen urratsak azaltzeko.
Litekeena da Fagor Etxetresnakek hartzekodunen konkurtsoan sartzeko erabakia hartzea berandu baino lehen, bart MCCk Fagorren egitasmoa ez zela "bideragarria" eta finantziaziorik ez ematea erabaki ostean. Fagorren proiektuak "ez die merkatuaren beharrei erantzuten, eta eskatzen dituen baliabide ekonomikoek ez dute enpresaren etorkizuna bermatzen", Mondragon Korporazio Kooperatiboaren arabera.
Atzo arratsaldean, Fagor Etxetresnaken Kontseilu Errektoreak eta Kontseilu Sozialak ohartarazi zuten eskatutako finantziazioa lortu ezean (eta ez dute lortu), hartzekodunen konkurtsoan sartuko zela kooperatiba, eta horrek enpresaren jarduera osoa etetea eta lanpostu guztiak galtzea ekarriko zuela.
Finantzaketa lortzeko epea
7 eta 10 egun arteko epea jarri dio bere buruari Fagor Etxetresnakek finantzaketa lortzeko, Xabier Bengoetxea Fagor Etxetresneko Kontseilu Errektoreko presidenteak ostegun honetan Goiena Telebistan egin duen elkarrizketan azaldu duenez.
Aurretik ere, finantziazioa lortzen ez badu, lau hilabeteko epe legala agortu baino lehen ere hartzekodunen konkurtsoa eska lezakeela jakinarazi dio Fagor Etxetresnakek Balore Merkatuaren Batzorde Nazionalari (CNMV).
Konpainiak agiri bat bidali dio arratsaldeko azken orduan CNMVri, goizeko oharra osatzeko. Goizekoan, Poloniako filialak konkurtsoari heldu diola baieztatu dio.
Kooperatibaren esanetan, "zorra berriz finantzatzea lortzeko lanean" jarraitzen dute, baina, "epe laburrean" dirua lortzen ez badute, ez dute baztertzen aurrekonkurtso egoera bukatu baino lehen eskatzea konkurtsoa.
Albiste gehiago ekonomia
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.
Mitxel Lakuntzaren arabera, CAFek Jerusalemen duen proiektua "ez da erabakigarria" enpresaren etorkizuna bermatzeko
ELAren idazkari nagusiak dioenez, "CAFek badaki tren hori hasieratik dela ilegala", eta proiektua babesteko eta "ilegalitatearekin jarritzeko argudio gisa darabilen txostena" egin duten adituak zeintzuk diren argitzeko eskatu dio enpresari. Euskadi Irratiko Faktorian hitz egin du asteazken goizean horren eta beste hainbat gairen inguruan.
Sindikatuek hiru orduko lanuztea eta hainbat manifestazio deitu dituzte euskal hiriburuetan, Gazako genozidioa salatzeko
Urriaren 15ean egingo duten lanuztearen berri eman dute LAB, CCOO, UGT, ESK, STEILAS, CGT/LKN, ETXALDE eta HIRU sindikatuek. Lanuzteak eta manifestazioak Espainiako Estatuko lantoki guztietan deitu dira.
CAFeko langileek ordu bateko lanuztea egin dute Jerusalemgo tranbiaren inguruan zuzendaritzak duen jarrera salatzeko
Ordubeteko lanuztearekin bat egin duten langileek elkarretaratzea egin dute CAFen bulego nagusien atarian. Enpresa Batzordeak enpresaren "zinismoa" salatu du Jerusalem tranbiaren proiektuaren inguruan duen jarreragatik, eta zuzendaritzari "NBEren argudioei aurre eginez bere irudia zuritzea" eta Israelen "tesiak onartzea" leporatu dio.
ELAk lanuztea deitu du urriaren 15erako enpresei, Eusko Jaurlaritzari eta Nafarroako zein Espainiako gobernuei Israelekin harremanak etetea eskatzeko
LAB, CCOO, Steilas, Solidari, Etxalde eta Hiru sindikatuek ere lanuzte orokorrak deitu dituzte Hego Euskal Herrian egun horretarako.
Donostian, 60 metro koadroko pisu baten alokairua 800 eurokoa izango da gehienez jota
Gipuzkoako erreferentziazko prezioen indizea Estatuko Aldizkari Ofizialean argitaratu ondoren, asteazken honetan indarrean sartuko da Gipuzkoako udalerri tentsionatuetan alokairuen prezioa mugatzeko aukera ematen duen araua. Irunen, 60 metro koadroko etxebizitza bat alokatzeko ezingo da 624 euro baino gehiago eskatu.