Fagor Etxetresnakek finantzazioa lortzeko azken ahalegina egingo du
Fagor Etxetresnak kooperatiba erlojuaren kontra ari da lanean aurrera egiteko behar dituen 170 milioi euroak lortzeko; izan ere, Mondragon Taldeak (MCC) Fagor Etxetresnak ez zuela gehiago diruz lagunduko iragarri zuen asteazkenean, proiektua ez zela bideragarria argudiatuta.
Beraz, aste honetan finantziazioa lortzen dituen azken aukerak baliatzen saiatuko da kooperatiba. Bihar Eusko Jaurlaritzako, Gipuzkoako Diputazioko, Debagoieneko udaletako eta Mondragon Taldeko ordezkariek bilera egingo dute Arrasaten, Fagor Etxetresnak kooperatibaren egoerak Debagoienan, Gipuzkoan eta orohar, Euskal Autonomia Erkidegoan izango duen eragina aztertzeko.
MCCk ez zuela Fagor Etxetresnak diruz gehiago lagunduko iragarri zuen kooperatibak aurkeztutako bideragarritasun plana ez dela bideragarria argudiatuta. Behin MCCren erabakia ezagututa, Eusko Jaurlaritzak jarrera leundu du. Dena dela, konpromiso eta inplikazio maila argi utzi nahi izan du, baita eszenatoki berri honetan ere. Eusko Jaurlaritzaren izenean, Arantza Tapia Ekonomiaren Garapen eta Lehiakortasun sailburuak eta Juan Maria Aburto Enplegu eta Gizarte Politiken sailburuak parte hartuko dute asteleheneko bileran.
Martin Garitano Gipuzkoako ahaldun nagusiak azken minutura arte lanean jarraitzeko deia egin du. Gipuzkoako Foru Aldunditik Martin Garitano ahaldun nagusia eta Jon Peli Uriguen diputatuak Arrasateko bileran izango dira.
Mondragon Taldea zalaparta mediatikotik at mantendu da, baina bere jarrera zein den argi erakutsi zuen ostegunean argitaratutako agirian. MCCk eredu kooperatiboaren aldeko apustua egingo du, baina ez du Fagor Etxetresnak gehiago diruz lagunduko, ez zaiolako proiektu salbagarria iruditzen.
Aste hau erabakiorra izango da Fagor Etxetresnak kooperatibarentzat, izan ere, finantziazioa lortu ezean, hartzekodunen lehiaketa aurkeztuko du 7-10 eguneko epean.
Ohiko finantzazio iturriak itxita, Fagor Etxetresnak enpresa sektoreko lehiakideekin azken orduko akordio baten bila ari da.
Itxialdia Basaurin
Edesako langileek itxialdi mugagabe bat hasiko dute datorren asteartean Basaurin Fagor Etxetresnak taldeari "konponbideak" eskatzeko, langileek jakinarazi dutenez. Etxola bat jarriko dute, eta bertan itxialdia egingo dute 10 langilek osatutako txandetan.
Basauriko Edesako lantegiak 200 behargin ditu. Langileen hitzetan, "negozioa bideragarria da, eta ixtea erokeria bat da"; izan ere, aste honetan bertan eskariak jaso dituztela nabarmendu dute.
Fagor Etxetresnak enpresako atzerriko lantegien egoera
Fagor Brandt filialeko sindikatuak Frantziako Gobernuko Industria eta Enplegu Ministerioko ordezkariekin elkartuko dira astelehenean. Bestalde, Fagor Mastercook, Fagor Etxetresnak kooperatibaren Poloniako filialak, hartzekodunen lehiaketan sartzeko eskaria egin zuen aste honetan. Poloniako lantegian 1.800 beharginek egiten dute lan, eta 220 milioi euroko diru-sarrerak izan zituen 2012an, Fagorreko iturriek azaldu dutenez.
Aurrezkiak berreskuratu nahian
Fagor Elektrotresnak hartzekodunen konkurtsoan sartzeko aukerak are ezkorrago egotera bultzatzen ditu bazkideak, bazkide ohiak eta senideak, "oso zail" ikusten baitute euskal kooperatiban sartutako dirua berreskuratzea.
Ordaindu kaltedunen elkarteak bilera egingo du bihar, eta dirua errekuperatzen saiatzeko Jaurlaritzarekin bilera egitea aztertuko dute.
Albiste gehiago ekonomia
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.
Mitxel Lakuntzaren arabera, CAFek Jerusalemen duen proiektua "ez da erabakigarria" enpresaren etorkizuna bermatzeko
ELAren idazkari nagusiak dioenez, "CAFek badaki tren hori hasieratik dela ilegala", eta proiektua babesteko eta "ilegalitatearekin jarritzeko argudio gisa darabilen txostena" egin duten adituak zeintzuk diren argitzeko eskatu dio enpresari. Euskadi Irratiko Faktorian hitz egin du asteazken goizean horren eta beste hainbat gairen inguruan.
Sindikatuek hiru orduko lanuztea eta hainbat manifestazio deitu dituzte euskal hiriburuetan, Gazako genozidioa salatzeko
Urriaren 15ean egingo duten lanuztearen berri eman dute LAB, CCOO, UGT, ESK, STEILAS, CGT/LKN, ETXALDE eta HIRU sindikatuek. Lanuzteak eta manifestazioak Espainiako Estatuko lantoki guztietan deitu dira.
CAFeko langileek ordu bateko lanuztea egin dute Jerusalemgo tranbiaren inguruan zuzendaritzak duen jarrera salatzeko
Ordubeteko lanuztearekin bat egin duten langileek elkarretaratzea egin dute CAFen bulego nagusien atarian. Enpresa Batzordeak enpresaren "zinismoa" salatu du Jerusalem tranbiaren proiektuaren inguruan duen jarreragatik, eta zuzendaritzari "NBEren argudioei aurre eginez bere irudia zuritzea" eta Israelen "tesiak onartzea" leporatu dio.
ELAk lanuztea deitu du urriaren 15erako enpresei, Eusko Jaurlaritzari eta Nafarroako zein Espainiako gobernuei Israelekin harremanak etetea eskatzeko
LAB, CCOO, Steilas, Solidari, Etxalde eta Hiru sindikatuek ere lanuzte orokorrak deitu dituzte Hego Euskal Herrian egun horretarako.
Donostian, 60 metro koadroko pisu baten alokairua 800 eurokoa izango da gehienez jota
Gipuzkoako erreferentziazko prezioen indizea Estatuko Aldizkari Ofizialean argitaratu ondoren, asteazken honetan indarrean sartuko da Gipuzkoako udalerri tentsionatuetan alokairuen prezioa mugatzeko aukera ematen duen araua. Irunen, 60 metro koadroko etxebizitza bat alokatzeko ezingo da 624 euro baino gehiago eskatu.