Edesako langileek itxiera mugagabea abiatu dute Basaurin
Edesako langileek itxiera mugagabea abiatu dute Basaurin. Protesta asteartean, 06:00etan, hasteko asmoa zuten, baina, azkenean, ekimena aurreratu eta itxiera mugagabea astelehenean bertan, 14:00etan, abiatzea erabaki dute Edesa-Fagorreko langileek, bertako iturriek Europa Press agentziari baieztatu diotenez.
Hala, egoitzaren kanpoaldean hiru etxola jarri dituzte, eta bertan itxialdia egiteko asmoa dute, 10 langileko txandak eginez. Irtenbidea lortu arte, protesta mugagabea egitea dute helburu. 16 langilek abiatu dute itxiera.
''Jendea oso animatuta dago. Zerbait egin behar dugu enpresa salbatzeko, honek azkenean arraste-efektua izango baitu, eta konpainia asko ixtea eragin dezakeelako'', esan dio Efe agentziari Teresa Perez itxiera abiatu duen langileetako batek.
''Dena prest geneukalako erabaki dugu itxiera aurreratzea'', azaldu du Radio Euskadiko ''Ganbara'' saioan Nora Palomares langileak. ''Gure enpleguaren alde eta zeharkako enplegu guztien alde borroka egiteko gaude hemen'', gaineratu du.
Basauriko Edesako lantegiak 200 behargin ditu. Langileen hitzetan, "negozioa bideragarria da, eta ixtea erokeria". Taldea desagertuta ''industria suntsitu'' egingo dela salatu dute.
Halaber, Edesako bazkideen egoera agerian uztea ere bada protestaren asmoa. Langileek azaldu dutenez, Gizarte Segurantzan kotizatzen dute, eta ez Lagun Aron (gainerako kooperatibistek bezala); ondorioz, ''ahaztuak eta baztertuak'' ez izatea aldarrikatzen dute.
Fagor Etxetresnak
Bestalde, Fagor Etxetresnakeko langileek elkarretaratzea egingo dute asteazken honetan, Lakuan, 12:00etan.
Albiste gehiago ekonomia
Bilbok 2026an indarrean sartuko den zaborren tasa berria onartu eta gainerako zergak izoztu ditu
Udalak ordenantza berria onartu du oposizioaren ezezkoarekin, neurriak herritarren poltsikoetan izango duen eragina kritikatzen baitute. Tasak gaur egungo zaborren tasa ordezkatuko du eta zerbitzuaren benetako kostuari lotuta egongo da.
Gatikako azpiestazio elektrikoa 2028an egongo da martxan, eta Europarekin konexio energetikoa indartuko du
Gatikatik abiatu eta lurpeko eta itsaspeko trazadura bidez egingo da. Elektrizitatea trukatzeko ahalmena 5.000 megawattekoa izatea ahalbidetuko du; gaur egungoa bikoiztuko du, alegia. 2.850 milioi inbertitu dira proiektuan, eta Europar Batasunak Interes Komuneko Proiektu izendatu du, Europarekin dagoen lotura "ahula" indartzea baitu helburu.
Greba mugagabea Aguraingo eta Legasako Arcelor lantegietan, uztailaren 1etik aurrera
Enplegu-erregulazioko espedientearen kontsultarako aldia amaituta dago, eta aldeek ez dute lortu elkarrekin ados jartzea. ELA sindikatuak salatu du EEE horren ondorioz zuzendaritzak 33 langile kaleratu eta Legasako lantegia itxi egingo duela.
LEA konpainiak 100 langileri eragingo liokeen aldi baterako lan-erregulazioa planteatu du
Enpresak 120 behargin ditu. Zuzendaritzak langileen ordezkariekin bilera egin du, eta aldi baterako lan-erregulazioaren proposamena helarazi die, suteak ia lantegi osoa suntsitu ondoren. Zuzendaritzaren hitzetan, enpresa-batzordeak "oso jarrera ulerkorra" izan du.
Betetzeko zailak diren Lehen Arretako 173 plaza eskainiko ditu Osakidetzak, aurreikusitakoa baino 30 gehiago
Osasun Sailak jakitera eman duenez, hautaketa-prozesua uztailean ebatziko da, "profesionalak ahalik eta azkarren has daitezen lanean osasun-zentroetan".
BBVA Euskadin duen presentzia indartzeko prest agertu da
Erakundearen arduradunek berretsi egin dute bankuak Euskadiren alde egindako apustua, eta baieztatu dute erakundea prest dagoela inbertsio-aukera berriak aztertzeko.
NATOko herrialde guztiek hartu dute konpromisoa defentsarako gastua % 5era igotzeko
Adierazpen ofizialak ez du adierazten Espainia edo beste estaturen bat salbuetsita dagoenik. Hala ere, NATOren idazkari nagusiak adierazi du bat datozela esatean ez daudela ados.
Gipuzkoako alokairuen erreferentzia-prezioen indizea uztailean egongo da martxan
Gipuzkoa izango da gune tentsionatuetako alokairuaren prezioak arautzeko indizea izango duen lehen lurraldea. Bestalde, Bilbok uztailerako atzeratu du eremu tentsionatu izendatzea, eta Gasteizek irailean hasiko ditu izapideak.
BBVAk Sabadellen akzioak erosteko eskaintzarekin jarraitzen duen erabaki behar du, Espainiako Gobernuak fusioa hiru urtera luzatzeko agindua eman ostean
Salvador Illa Generalitateko presidentea pozik agertu da, erabakiak "lehia orekatua" eta "langileen, bezeroen eta enpresen eskubideak" bermatzen dituelako.
Hiru behargin hil dira lan-istripuz 24 orduan
LAB sindikatuak salatu duenez, bi langile hil dira basolanetan ari zirela, Altsasun (Nafarroa) eta Eskoriatzan (Gipuzkoa). Beste batek istripu ez traumatikoa izan du, Donostian.